സനീനും അനുപമക്കും ഹംദാൻ പുരസ്​കാരം

ദുബൈ: പാഠ്യ^പാ​േ​ഠ്യതര വിഷയങ്ങളിലെ മികവിന്​ ദുബൈ സർക്കാർ നൽകിവരുന്ന ശൈഖ്​ ഹംദാൻ പുരസ്​കാരത്തിൽ ഇക്കുറിയും മലയാളി തിളക്കം. അൽ വർഖ ഒൗവർ ഒാൺ ഹൈസ്​കൂളിലെ 11ാം ക്ലാസ്​ വിദ്യാർഥി സനീൻ അബ്​ദുൽ ലത്തീഫ്​,  ഷാർജ ജെംസ്​ മില്ലെനിയം സ്​കൂളിലെ ആറാം ക്ലാസുകാരി അനുപമ പ്രമോദ്​ എന്നിവരാണ്​ ദുബൈ ഉപ ഭരണാധികാരി ശൈഖ്​ ഹംദാൻ ബിൻ റാശിദ്​ ആൽ മക്​തൂമിൽ നിന്ന്​ പുരസ്​കാരം ഏറ്റുവാങ്ങിയത്​. മൂന്നു വർഷം തുടർച്ചയായി പഠനത്തിൽ 90 ശതമാനം മാർക്ക്​ ലഭിച്ച കുട്ടികളിൽ നിന്നാണ്​ കല^കായിക^സാമൂഹിക^സാംസ്​കാരിക പ്രവർത്തനങ്ങൾ പരിഗണിച്ച്​ മിടുമിടുക്കരെ കണ്ടെത്തുന്നത്​. പറഞ്ഞാൽ തീരാത്തത്ര നേട്ടങ്ങൾ കൂട്ടിനുണ്ടായിരുന്നതിനാൽ സിനാനും അനുപമക്കും പുരസ്​കാരം കൈപ്പിടിയിലൊതുങ്ങി.

വൈവിധ്യമാർന്ന മേഖലകളിലെ മികവാണ്​ സിനാനെ ജേതാവാക്കിയത്​. ഏറെ പ്രതീക്ഷ പകരുന്ന ക്രിക്കറ്റ്​ താരമായ ഇൗ വിദ്യാർഥി ഡസർട്ട്​ കബ്​സ്​ എന്ന ക്ലബി​​​െൻറ ഭാഗമാണ്​. ആസ്​ട്രേലിയ, ഇംഗ്ലണ്ട്​, ശ്രീലങ്ക, മലേഷ്യ എന്നിവിടങ്ങളിൽ ചെന്ന്​ കളിച്ചിട്ടുണ്ട്​. ഷാർജയിലും ദുബൈയിലും ഫു​ൈജറയിലുമെല്ലാം വാക്കത്തോണുകൾക്കും മാരത്തോണുകൾക്കും ഒാടിയെത്തും.

അഭിനയത്തിലും പാട്ടിലും ഡാൻസിലും കഴിവു തെളിയിച്ചു. പരിസ്​ഥിതി സംരക്ഷണത്തിന്​ പ്രവർത്തിക്കുന്ന എമിറേറ്റ്​സ്​ എൻവയൺമ​​െൻറൽ ഗ്രൂപ്പിൽ അവധിക്കാലത്ത്​ ജോലി ചെയ്യുന്ന സിനാൻ ഏതു തിരക്കിലും പരിസ്​ഥിതി പ്രവർത്തനത്തിന്​ അവധി നൽകാറില്ല. പയ്യന്നൂർ കവ്വായി സ്വദേശി അബ്​ദുൽ ലത്തീഫി​​​െൻറയും സാഹിറയുടെയും മകന്​ നാട്ടിൽ ചെന്നാലും സാമൂഹിക പ്രവർത്തനത്തി​​​െൻറ തിരക്കാണ്​. കണ്ടൽ ചെടികൾ വെച്ചുപിടിപ്പിക്കാനും ജയിൽ അന്തേവാസികൾക്ക്​ ലൈബ്രററി ഒരുക്കാനും സ്​കൂളുകളിൽ മാധ്യമം ‘വെളിച്ചം’ പദ്ധതി സംഘടിപ്പിക്കാനുമുള്ള ഒാട്ടത്തിലായിരിക്കും.

ബംഗാളിലെ ഒരു ഗ്രാമത്തിൽ ലൈബ്രറി ഒരുക്കി നൽകിയതാണ്​ മറ്റൊരു നേട്ടം.പാട്ടിലും നൃത്തത്തിലും പടം വരയിലുമെല്ലാം ഒന്നര വയസു മുതൽ താൽപര്യം കാണിക്കുന്നുണ്ട്​  കാർഷിക എഞ്ചിനീയറായ വളാഞ്ചേരി സ്വദേശി പ്രമോദി​​​െൻറയും ​െജംസ്​ സ്​കൂൾ അധ്യാപിക കവിതയുടെയും മകളായ അനുപമ പ്രമോദ്​.  ചെടി നടാനും പ്രത്യേക ശ്രദ്ധ ആവശ്യമുള്ള കുഞ്ഞുങ്ങളെ പരിചരിക്കാനും വലിയ താൽപര്യം. ഷാർജയിൽ നടക്കുന്ന ഹെറിറ്റേജ്​ ഫെസ്​റ്റിവലിൽ പാടിയ അറബിപ്പാട്ട്​ സ്വദേശികളുടെ പോലും പ്രശംസക്ക്​ വഴിയൊരുക്കി. സ്വാന്തനം കലോത്സവത്തിൽ കലാപ്രതിഭയുമായി. ഷോർട്​ ഫിലിമിലും അനുപമ അഭിനയിച്ചിട്ടുണ്ട്​. എല്ലാം ഒത്തു ചേർന്നപ്പോൾ സമ്മാനം ഇൗ മിടുക്കിക്കു തന്നെ സ്വന്തമായി.