താ​ര​മാ​യി ‘സ​ലാ​ലി’ ആ​ട്; ലേ​ല​ത്തി​ൽ ല​ഭി​ച്ച​ത്​ 16 ല​ക്ഷം

റാ​സ​ല്‍ഖൈ​മ: ര​ണ്ടു​മാ​സം മു​മ്പ് ഒ​മാ​നി​ലെ ബ​ര്‍ക്ക​യി​ല്‍ അ​ഞ്ച് ല​ക്ഷം രൂ​പ​ക്കാ​ണ് ആ​ടി​നെ ലേ​ല​ത്തി​ല്‍ വി​റ്റ​തെ​ങ്കി​ല്‍ റാ​സ​ല്‍ഖൈ​മ​യി​ല്‍ ആ​ട്, ലേ​ല​ത്തി​ല്‍ പോ​യ​ത് പ​തി​നാ​റ് ല​ക്ഷ​ത്തി​ലേ​റെ ഇ​ന്ത്യ​ന്‍ രൂ​പ​ക്ക്. വെ​ള്ളി​യാ​ഴ്ച റാ​ക് അ​ല്‍മു​നാ​യി​ല്‍ 70,000 ദി​ര്‍ഹ​മി​നാ​ണ് ‘സ​ലാ​ലി’ ആ​ടി​നെ ലേ​ല​ത്തി​ല്‍ വി​റ്റ​ത്. ജി.​സി.​സി രാ​ജ്യ​ങ്ങ​ളി​ല്‍ വ്യാ​പ​ക​മാ​യി വ​ള​ര്‍ത്തു​ന്ന ഇ​ന​മാ​ണ് ‘സ​ലാ​ലി’ ആ​ടു​ക​ള്‍. നി​വ​ര്‍ന്ന ചെ​വി​ക​ള്‍, നേ​രാ​യ ത​ല, വ​ള​ഞ്ഞ വാ​ല്‍ എ​ന്നി​വ​യോ​ടെ ചെ​റി​യ ഘ​ട​ന​യും മ​നോ​ഹ​ര​മാ​യ രൂ​പ​വു​മാ​ണ് സ​ലാ​ലി ആ​ടു​ക​ളു​ടെ പ്ര​ത്യേ​ക​ത.

സ​ലാ​ല​യി​ല്‍ സ​വി​ശേ​ഷ​മാ​യ സ്ഥാ​ന​വും സ​ലാ​ലി ആ​ടു​ക​ള്‍ക്ക് ന​ല്‍കു​ന്നു​ണ്ട്. മൃ​ദു​വും രു​ചി​യേ​റി​യ​തു​മാ​യ മാം​സം സ​ലാ​ലി ആ​ടു​ക​ളു​ടെ ആ​ക​ര്‍ഷ​ണ​മാ​ണ്. ബ​ലി പെ​രു​ന്നാ​ള്‍ അ​ടു​ത്ത​തോ​ടെ യു.​എ.​ഇ​യി​ലെ മാ​ടു വി​പ​ണി​ക​ളെ​ല്ലാം സ​ജീ​വ​മാ​ണ്. റാ​സ​ല്‍ഖൈ​മ​യി​ല്‍ അ​ല്‍ജീ​ര്‍, ഫു​ല​യ്യ, അ​ല്‍ മു​നാ​യ്, ദി​ഗ്ദാ​ഗ തു​ട​ങ്ങി​യി​ട​ങ്ങ​ളി​ലെ ആ​ട് വി​പ​ണി​ക​ള്‍ക്കു​പു​റ​മെ ത​ദ്ദേ​ശീ​യ​രു​ടെ മു​ന്‍കൈ​യി​ല്‍ മ​ല​നി​ര​ക​ള്‍ക്ക് സ​മീ​പ​മു​ള്ള ഫാ​മു​ക​ളി​ലും മാ​ടു​ക​ളെ പ​രി​പാ​ലി​ക്കു​ന്നു​ണ്ട്.