നാലാം വാർഷികം വർണാഭമായി ആഘോഷിച്ച്​ സഫാരിമാള്‍

ഷാർജ: യു.എ.ഇയിലെ ഏറ്റവും വലിയ ഹൈപ്പർ മാർക്കറ്റ്​​ ഉൾകൊള്ളുന്ന ഷാർജ സഫാരി മാൾ നാലാം വാർഷികം വർണാഭമായി ആഘോഷിച്ചു. തിങ്കളാഴ്ച സഫാരി മാളിൽ നടന്ന ചടങ്ങിൽ സഫാരി ഗ്രൂപ്പ് മാനേജിങ്​ ഡയറക്ടർമാരായ സൈനുൽ ആബിദീന്‍, ഷഹീൻ ബക്കര്‍, സഫാരി മാൾ എക്സിക്യൂട്ടീവ് ഡയറക്ടർ ഷമീം ബക്കര്‍, ഷാർജ ഇന്ത്യൻ അസോസിയേഷൻ പ്രസിഡന്‍റ്​ അഡ്വ. വൈ.എ.റഹീം, സെക്രട്ടറി നസീർ ടി, ചാക്കോ ഊളക്കാടന്‍, സഫാരി ഹൈപ്പർ മാർക്കറ്റ്​ റീജ്യണൽ ഡയയറക്ടർ പർ​ച്ചേയ്​സ്​ ബി.എം. കാസിം, മറ്റ് സഫാരി സ്റ്റാഫ് പ്രതിനിധികൾ എന്നിവർ പ​ങ്കെടുത്തു.

സഫാരിയുടെ വാർഷിക ദിനമായ സെപ്തംബര്‍ നാലിന്​ ജന്മദിനം ആഘോഷിക്കുന്ന സഫാരി ക്ലബ് കാർഡ്​ അംഗങ്ങളെയും ആഘോഷത്തിൽ ഉൾപ്പെടുത്തിയിരുന്നു. ഓരോ മണിക്കൂറിലും സൗജന്യ ട്രോളി, ഫോർ ക്ലിക്​ ആൻഡ്​ വിൻ, സോഷ്യൽ മീഡിയ അടിസ്ഥാനപ്പെടുത്തിയുള്ള മത്സരങ്ങള്‍, സ്ത്രീകൾക്ക്​ പാചകമത്സരം, കുട്ടികൾക്ക്​ പെയിന്‍റിങ്​ ആൻഡ്​ ഡ്രോയിങ്​ മത്സരങ്ങളും ഉൾപ്പെടെ കൈനിറയെ സമ്മാനങ്ങൾ നൽകുന്ന നിരവധി പ്രമോഷനുകളും മത്സരങ്ങളുമാണ് സഫാരി വാർഷിക ദിനത്തിൽ പ്രത്യേകമായി ഒരുക്കിയത്.

വിശാലമായ പാർകിങ്​ ഏരിയ, താങ്ങാവുന്ന വിലയിൽ ഷോപ്പിങ്​​, കുട്ടികൾക്കായുള്ള കിഡ്​സ്​ പ്ലേ ഏരിയ, ഫുഡ്കോർട്ട്​, ബ്രാൻഡഡ്​ ജ്വല്ലറി ഷോറൂമുകള്‍, സ്​പോർട്​സ്​-മാർഷൽ ആർട്​സ്​ ആൻഡ്​ ഹെൽത്ത്​ ക്ലബ് തുടങ്ങിയവ കൊണ്ട്​ ചുരുങ്ങിയകാലയളവിൽ തന്നെ സഫാരി കുടുംബങ്ങളുടെ ഇഷ്ട ഇടമായി മാറിക്കഴിഞ്ഞതായി ഉടമകൾ അറിയച്ചു. നിത്യേനയുള്ള പ്രമോഷന്​ പുറമെ ഫെസ്റ്റിവൽ പ്രമേഷൻ, യു.എ.ഇയിൽ ആദ്യമായി ബ്രാൻഡഡ്​ ഉല്പമന്നങ്ങൾ ഉൾപ്പെടുത്തി 10, 20, 30 പ്രമോഷന്‍, ലഗേജ് പ്രമോഷന്‍, ബാക്റ്റു സ്‌കൂള്‍, ഹാഫ്​ വാല്യൂ ബാക്, 50 ശതമാനം ഓഫ്, ഗോഗ്രീന്‍, ഫർണിച്ചർ സ്​പെഷ്യൽ പ്രമോഷനും നടപ്പാക്കുന്നു. യു.എ.ഇയിലെയും മിഡിൽ ഈസ്റ്റിലെയും ഏറ്റവും വിപുലവും മുൻ നിരയിലുള്ളതുമായ മാളുകളിലൊന്നാണ് സഫാരിമാള്‍.