‘നൂറു കോടി സ്വപ്​ന’ങ്ങളുമായി സചിൻ 

ദുബൈ: ഇത്രയധികം കാമറയിൽ പതിഞ്ഞ മറ്റൊരു ഇന്ത്യക്കാരനുണ്ടാകില്ല. സചിനെക്കുറിച്ച്​ ജീവചരിത്രപരമായ സിനിമയെടുക്കാൻ നിർമാതാവ്​ രവി ഭഗ്​ചന്ദ്​ക ​ടെലിവിഷൻ ചിത്രങ്ങളുടെ ശേഖരം സമാഹരിക്കാൻ തുടങ്ങിയപ്പോൾ ലഭിച്ചത്​ 10,000ത്തി​േലറെ മണിക്കൂർ ഫു​േട്ടജ്​. 25 ഒാളം പേർ നാലു വർഷത്തോളം പരതിയാണ്​ ഇതിൽ നിന്ന്​ പ്രധാനപ്പെട്ടവ തെര​ഞ്ഞെടുത്തത്​. 

ഇതിലും ബുദ്ധിമുട്ടായിരുന്നു സിനിമയെടുക്കാൻ സചി​​​െൻറ അനുമതി ലഭിക്കാൻ നടത്തിയ ശ്രമമെന്ന്​  രവി ഭഗ്​ചന്ദ്​ക. എട്ടു മാസം പിന്നാലെ നടന്ന ​േശഷമാണ്​ സിനിമയെടുക്കാൻ സചിൻ സമ്മതം മൂളിയത്​.​  ഇൗ മാസം  26ന്​ പുറത്തിറങ്ങുന്ന ‘സചിൻ: എ ബില്യൺ ഡ്രീംസ്​’ എന്ന ജീവചരിത്ര സിനിമയെക്കുറിച്ച്​ ദുബൈയിൽ ഞായറാഴ്​ച വിളിച്ചുചേർത്ത വാർത്താ സമ്മേളനത്തിൽ സചിനും നിർമാതാവും സംസാരിച്ചു.
അഞ്ചു വയസ്സുമുതൽ ക്രിക്കറ്റിൽ നിന്ന്​ വിരമിക്കുന്നതുവരെയുള്ള ത​​​െൻറ ജീവിത യാത്രയാണ്​ ഇൗ സിനിമയെന്ന്​ സചിൻ പറഞ്ഞു. റീ ടേക്കില്ലാത്ത സിനിമയാണിത്​. പൂർണമായും യഥാർഥമായ കാര്യങ്ങളാണ്​ ഇതിലുള്ളത്​. ത​​​െൻറ ആരാധകരോട്​ കൂടുതൽ അടുക്കണമെന്ന തീരുമാനത്തിൽ നിന്നാണ്​ അവസാനം സിനിമയെടുക്കാൻ സമ്മതിച്ചത്​. അതുകൊണ്ടുതന്നെ ഇതുവരെ പൊതുസമൂഹം അറിയാത്ത കുടുംബകാര്യങ്ങളും  താനെടുത്ത കുടുംബ വീഡിയോകളും  സെൽഫികളും ചലചി​ത്രത്തിൽ ഉൾപ്പെടുത്തിയിട്ടുണ്ട്​. തീർത്തും വ്യക്​തിപരമായ ഇൗ ദൃശ്യങ്ങൾ കുടുംബത്തി​​​െൻറ കൂടി അനുവാദത്തോടെയാണ്​ ചേർത്തതെന്ന്​ സചിൻ പറഞ്ഞു.

24 വർഷക്കാലം താൻ കളിച്ചതെല്ലാം ജനങ്ങൾക്കറിയാം. എത്ര പന്ത്​ നേരിട്ടു, എത്ര റൺസടിച്ചു, എത്ര സെഞ്ച്വറി എന്നതെല്ലാം എല്ലാവർക്കുമറിയാം.എന്നാൽ ആ സമയത്ത്​ ത​​​െൻറ മനസ്സിലെന്തായിരുന്നെന്ന്​ ആർക്കും അറിയില്ല. അതേക്കുറിച്ച്​ സുഹൃത്തുക്കളും  കുടുംബവുമെല്ലാം ഇൗ സിനിമയിൽ പറയുന്നുണ്ട്​. ക്രിക്കറ്ററാകണമെന്ന്​  ചെറുപ്പത്തിലേ തീരുമാനിച്ചതാണ്​. ഇന്ത്യക്ക്​ വേണ്ടി കളിക്കുക എന്നതായിരുന്നു ഏറ്റവും വലിയ അഭിലാഷം. അവിടെ എത്തിയപ്പോൾ പിന്നെ ഇന്ത്യക്ക്​ ലോകകപ്പ്​ നേടിക്കൊടുക്കണമെന്ന സ്വപ്​നത്തിന്​ പിന്നാലെയായി. അതിനായിരുന്നു ത​​​െൻറ ജീവിതം. അത്ര എളുപ്പമായിരുന്നില്ല. 22 വർഷം ​ കാത്തിരിക്കേണ്ടിവന്നു. 2011വരെ. 
പക്ഷെ ഒരിക്കലും മോഹം വെടിഞ്ഞിരുന്നില്ല.  വ്യക്​തികളല്ല ടീമാണ്​ വിജയിക്കുന്നതും പരാജയപ്പെടുന്നത്​. രാഷ്​ട്രം ഒന്നടങ്കം ഞങ്ങളോടൊപ്പമുണ്ടായിരുന്നു. വിജയത്തിലും തോൽവിയിലും രാജ്യം കൂടെ നിന്നു. അതുകൊണ്ട്​ ലോകകപ്പ്​ സച്ചി​േൻറതല്ല, രാഷ്​​്​്ട്രത്തിന്​ അവകാശപ്പെട്ടതാണ്​^സചിൻ പറഞ്ഞു.

സിനിമക്ക്​ വേണ്ടി ഒരുപാട്​ ഗവേഷണം നടത്തിയതായി രവി ഭഗ്​ചന്ദക്​ പറഞ്ഞു. നിരവധി കളിക്കാരുമായും ആരാധകരുമായും മണിക്കൂറുകൾ സംസാരിച്ചു. പൂർണമായും ഫീച്ചർ ഫിലിമല്ല. എന്നാൽ ഡോക്യൂമ​​െൻററിയുമല്ല^അദ്ദേഹം പറഞ്ഞു. 
ബ്രിട്ടീഷുകാരനായ ജെയിംസ്​ എർസ്​കിൻ ആണ്​ സംവിധായകൻ. എ.ആർ.റഹ്​മാ​ൻ​  സംഗീതസംവിധാനം നിർവഹിച്ച മൂന്നു ഗാനങ്ങൾ ഇതിനകം സാമൂഹിക മാധ്യമങ്ങളിൽ ഹിറ്റാണ്​.