സം​ഘാ​ട​ന മി​ക​വി​ന്‍റെ റ​ഷ്യ​ൻ കാ​ർ​ണി​വ​ൽ

ലോ​കം കാ​ണാ​നു​ള്ള ആ​ഗ്ര​ഹ​വും ഫു​ട്​​ബാ​ളി​നോ​ടു​ള്ള പ്ര​ണ​യ​വു​മാ​ണ്​ നാ​ലു​ വ​ർ​ഷം മു​മ്പ്​ ഞ​ങ്ങ​ളെ റ​ഷ്യ​യി​ലെ​ത്തി​ച്ച​ത്. അ​ൻ​ജു​മാ​ൻ എ​ൻ​ജി​നീ​യ​റി​ങ്​ കോ​ള​ജി​ലെ പ​ഴ​യ സ​ഹ​പാ​ഠി​ക​ളാ​യ ബഷീർ കോടക്കാട്ട്, ടി.​കെ. ഷാ​ന​വാ​സ്, ഷി​ഹാ​സ്​ ഷം​സു​ദ്ദീ​ൻ എ​ന്നി​വ​രാ​യി​രു​ന്നു കൂ​ടെ​യു​ണ്ടാ​യി​രു​ന്ന​ത്. എ​ല്ലാ​വ​രും യു.​എ.​ഇ​യി​ൽ​ത​ന്നെ​യാ​യി​രു​ന്ന​തി​നാ​ൽ യാ​ത്രാ പ്ലാ​നി​ങ്​ ബു​ദ്ധി​മു​ട്ടു​ണ്ടാ​യി​രു​ന്നി​ല്ല.

ആ​ദ്യം മു​ത​ലേ യാ​ത്ര​ക്ക്​ എ​ല്ലാ​വി​ധ പ്ലാ​നു​ക​ളും ഒ​രു​ക്കി​യ മു​ഹ​മ്മ​ദ് ഷ​ബീ​റി​ന്​ അ​സൗ​ക​ര്യം​മൂ​ലം ഞ​ങ്ങ​​ൾ​ക്കൊ​പ്പം വ​രാ​ൻ ക​ഴി​ഞ്ഞി​ല്ല. മൂ​ന്നു​ മാ​സം മു​മ്പു​ത​ന്നെ ടി​ക്ക​റ്റ്​ ബു​ക്കി​ങ്, ഫാ​ൻ ഐ​ഡി പോ​ലു​ള്ള ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കി. മോ​സ്​​കോ വി​മാ​ന​ത്താ​വ​ള​ത്തി​ൽ ഇ​റ​ങ്ങി​യ​ത്​ മു​ത​ൽ എ​ങ്ങും ഫു​ട്​​ബാ​ൾ​മ​യ​മാ​യി​രു​ന്നു. വി​മാ​ന​ത്താ​വ​ള​ത്തി​ന്‍റെ ഉ​ൾ​ഭാ​ഗം മു​ത​ൽ ചു​വ​രു​ക​ൾ വ​രെ താ​ര​ങ്ങ​ളു​ടെ ചി​ത്ര​ങ്ങ​ളാ​ൽ സ​മ്പ​ന്ന​മാ​യി​രു​ന്നു. പോ​ർ​ചു​ഗ​ലും ഇ​റാ​നും ത​മ്മി​ലെ മ​ത്സ​ര​ത്തി​നാ​ണ്​ ടി​ക്ക​റ്റെ​ടു​ത്തി​രു​ന്ന​ത്. സം​ഘാ​ട​ന​മി​ക​വ്​ നേ​രി​ൽ അ​നു​ഭ​വി​ച്ച​റി​ഞ്ഞ ദി​ന​ങ്ങ​ളാ​യി​രു​ന്നു അ​ത്. സ്​​റ്റേ​ഡി​യ​ത്തി​ന്‍റെ ഗേ​റ്റി​ൽ എ​ത്തി സീ​റ്റ്​ ഐ​ഡി പ​റ​ഞ്ഞു​കൊ​ടു​ത്ത​ത്​ മു​ത​ൽ സീ​റ്റി​ൽ ഇ​രി​ക്കു​ന്ന​തു​വ​രെ എ​ല്ലാ​ത്തി​നും വ​ള​ന്‍റി​യേ​ഴ്​​സ്​ ഒ​പ്പ​മു​ണ്ടാ​യി​രു​ന്നു. സ്​​റ്റേ​ഡി​യ​ത്തി​ന്​ പു​റ​ത്തു​നി​ന്ന്​ നോ​ക്കി​യാ​ൽ ഇ​ത്ര ജ​ന​ക്കൂ​ട്ടം എ​ത്തു​ന്ന മ​ത്സ​ര​മാ​ണെ​ന്ന്​ തോ​ന്നി​ല്ല.

ഗേ​റ്റി​ലെ​ത്തി ടി​ക്ക​റ്റ്​ സ്കാ​ൻ ചെ​യ്ത്​ ചു​രു​ക്കം ചി​ല ന​ട​പ​ടി​ക്ര​മ​ത്തി​ലൂ​ടെ സ്​​റ്റേ​ഡി​യ​ത്തി​ലേ​ക്ക്​ പ്ര​വേ​ശി​ക്കാം. നിരവധി ചെ​ക്ക്​ ഇ​ൻ ഗേ​റ്റു​ക​ളു​ണ്ട്. ഇ​താ​ണ്​ ആ​ൾ​ക്കൂ​ട്ട​ത്തെ പു​റ​ത്ത്​ കാ​ണാ​ത്ത​തി​ന്​ കാ​ര​ണം. സ്​​റ്റേ​ഡി​യ​ത്തി​നു​ള്ളി​ൽ ക​യ​റി​യ​പ്പോ​ഴാ​ണ്​ ഗാ​ല​റി​യി​ലെ​ത്തി​യ പ​തി​നാ​യി​ര​ങ്ങ​ളെ ക​ണ്ട​ത്. ഇ​ത്ര​യും കാ​ണി​ക​ളു​ള്ള സ്​​റ്റേ​ഡി​യ​ത്തി​ൽ എ​ങ്ങ​നെ​യാ​ണ്​ ഇ​ത്ര മ​നോ​ഹ​ര​മാ​യി ഇ​തെ​ല്ലാം ആ​സൂ​ത്ര​ണം ചെ​യ്യു​ന്ന​ത്​ എ​ന്ന​ത്​ അ​ത്ഭു​ത​പ്പെ​ടു​ത്തി. സാ​ക്ഷാ​ൽ ക്രി​സ്റ്റ്യാ​നോ റൊ​ണാ​ൾ​ഡോ മൈ​താ​ന​ത്തി​റ​ങ്ങി​യ​പ്പോ​ൾ സ്​​റ്റേ​ഡി​യം ആ​ര​വ​ങ്ങ​ളാ​ൽ നി​റ​ഞ്ഞു.മെ​സ്സി ഫാ​നാ​യ​തി​നാ​ൽ അ​ർ​ജ​ന്‍റീ​ന​യു​ടെ ക​ളി കാ​ണ​ണ​മെ​ന്ന്​ ആ​ഗ്ര​ഹ​മു​ണ്ടാ​യി​രു​ന്നു. എ​ന്നാ​ൽ, അ​തി​ന്​ ക​ഴി​ഞ്ഞി​ല്ല. ഈ ​ക്ഷീ​ണം തീ​ർ​ക്കാ​ൻ ഫാ​ൻ ഫെ​സ്റ്റി​ൽ നേ​രി​ട്ടെ​ത്തി അ​ർ​ജ​ന്‍റീ​ന-​നൈ​ജീ​രി​യ മ​ത്സ​രം ക​ണ്ടു. പ​തി​നാ​യി​ര​ക്ക​ണ​ക്കി​നാ​ളു​ക​ളു​​ടെ ന​ടു​വി​ലി​രു​ന്ന്​ ഫാ​ൻ ഫെ​സ്റ്റി​ൽ ക​ളി ക​ണ്ട​ത്​ മ​റ​ക്കാ​നാ​വാ​ത്ത അ​നു​ഭ​വ​മാ​യി​രു​ന്നു. നൈ​ജീ​രി​യ​ക്കെ​തി​രെ മെ​സ്സി​യു​ടെ ആ​ദ്യ ഗോ​ൾ പി​റ​ന്ന നി​മി​ഷം ഇ​പ്പോ​ഴും മ​ന​സ്സി​ലു​ണ്ട്. ഓ​രോ ജ​യ​വും നേ​രം പു​ല​രും​വ​രെ ആ​ഘോ​ഷി​ക്കു​ന്ന​താ​ണ്​ അ​വി​ട​ത്തെ രീ​തി. ഒ​രു​മ​യു​ടെ സ​ന്ദേ​ശം​കൂ​ടി​യാ​ണ്​ ലോ​ക​ക​പ്പ്​ ന​ൽ​കു​ന്ന​ത്. വി​വി​ധ രാ​ജ്യ​ങ്ങ​ളി​ലും വ​ർ​ണ​ങ്ങ​ളി​ലും വേ​ഷ​ങ്ങ​ളി​ലും ഭാ​ഷ​യി​ലു​മു​ള്ള​വ​ർ ഫു​ട്​​ബാ​ൾ എ​ന്ന ഒ​റ്റ വി​കാ​ര​ത്തി​നു​ കീ​ഴി​ൽ ഐ​ക്യ​പ്പെ​ടു​ന്നു. അ​ത്​ ക​ണ്ടു നി​ൽ​ക്കു​ന്ന​തു​ത​ന്നെ പ്ര​ത്യേ​ക അ​നു​ഭൂ​തി​യാ​ണ്.

ഫു​ട്ബാ​ൾ ക​ളി ഇ​ല്ലാ​ത്ത ദി​വ​സ​ങ്ങ​ളി​ൽ റ​ഷ്യ​യു​ടെ വി​വി​ധ ഭാ​ഗ​ങ്ങ​ളി​ൽ ഞ​ങ്ങ​ൾ ചു​റ്റി​ത്തി​രി​ഞ്ഞു. മോ​സ്​​കോ, റെ​ഡ്​ സ്ക്വ​യ​ർ, ലെ​നി​ൻ മ്യൂ​സി​യം, ക​ത്തീ​ഡ്ര​ൽ എ​ന്നി​വി​ട​ങ്ങ​ളി​ലെ​ല്ലാം എ​ത്തി. ഇ​വി​ടെ​യെ​ല്ലാം ഫു​ട്​​ബാ​ൾ പ്രേ​മി​ക​ളാ​ൽ നി​റ​ഞ്ഞി​രു​ന്നു. എ​ല്ലാ​വ​രും ഫു​ട്​​ബാ​ളി​നെ​ക്കു​റി​ച്ച്​ സം​സാ​രി​ക്കു​ന്ന​തി​നാ​ൽ വി​വ​ര​ങ്ങ​ൾ ല​ഭി​ക്കാ​ൻ ബു​ദ്ധി​മു​ട്ടു​ണ്ടാ​യി​രു​ന്നി​ല്ല.

അ​ത്ഭു​ത​പ്പെ​ടു​ത്തി​യ​ത്​ അ​വി​ട​ത്തെ മെ​ട്രോ സ​ർ​വി​സാ​ണ്. പു​രാ​ത​ന​മാ​യ മോ​സ്കോ ന​ഗ​ര​ത്തെ​പ്പോ​ലെ​ത​ന്നെ​യാ​ണ്​ അ​വി​ടെ​യു​ള്ള മെ​ട്രോ സം​വി​ധാ​നം. ഒ​ട്ടു​മി​ക്ക ഭാ​ഗ​ങ്ങ​ളും ഭൂ​മി​ക്ക​ടി​യി​ലാ​ണ്. പൗ​രാ​ണി​ക നി​ർ​മി​തി​ക​ളു​ടെ കൂ​ടെ പു​തി​യ സാ​​ങ്കേ​തി​ക​വി​ദ്യ ഇ​ട​ക​ല​ർ​ത്തി​യാ​ണ്​ മെ​ട്രോ സം​വി​ധാ​നം. പ​ഴ​മ നി​ല​നി​ർ​ത്തു​മ്പോ​ഴും ഏ​റ്റ​വും നൂ​ത​ന​മാ​യ ഹൈ​സ്പീ​ഡ്​ ട്രെ​യി​നു​ക​ളും അ​വ​ർ ഒ​രു​ക്കി​യി​രി​ക്കു​ന്നു.

ന​ഗ​ര​ത്തി​ന്‍റെ മ​റ്റു​ ഗ​താ​ഗ​ത സം​വി​ധാ​ന​ങ്ങ​ളെ​യൊ​ന്നും ത​ട​സ്സ​പ്പെ​ടു​ത്താ​ത്ത വി​ധ​മാ​ണ്​ മെ​ട്രോ​യു​ടെ ക്ര​മീ​ക​ര​ണം.

കേ​ര​ള​ത്തി​ൽ ന​ട​ക്കു​ന്ന ക​ട്ടൗ​ട്ട്​ വി​വാ​ദം അ​നാ​വ​ശ്യ​മാ​ണ്. ഫു​ട്​​ബാ​ൾ ഫാ​ൻ​സി​ന്‍റെ ആ​വേ​ശം ന​ശി​പ്പി​ക്കാ​നേ ഇ​ത്ത​രം വി​വാ​ദ​ങ്ങ​ൾ ഉ​പ​ക​രി​ക്കൂ. ക​ട്ടൗ​ട്ടി​നൊ​പ്പം എ​ന്ന ഹാ​ഷ്​ ടാ​ഗി​ൽ ഇ​തി​ന്​ പി​ന്തു​ണ അ​റി​യി​ച്ചി​രു​ന്നു. ​കേ​ര​ള​ത്തി​ലെ ഫു​ട്​​ബാ​ൾ ഫാ​ൻ​സി​നെ​ക്കു​റി​ച്ച്​ ലോ​കം അ​റി​യാ​നും ഈ ​ക​ട്ടൗ​ട്ടു​ക​ൾ ഉ​പ​ക​രി​ക്കും. ഖ​ത്ത​ർ ലോ​ക​ക​പ്പും കാ​ണ​ണ​മെ​ന്നാ​ണ്​ ആ​ഗ്ര​ഹം.

സി​റാ​ജു​ദ്ദീ​ൻ കൂ​ട​ത്തി​ൽ

ത​ല​ശ്ശേ​രി