Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightപരിമിത...

പരിമിത വരുമാനക്കാര്‍ക്ക് നാലു ദശലക്ഷം ദിർഹം സഹായം നല്‍കി അജ്​മാന്‍ ഭരണാധികാരി

text_fields
bookmark_border
പരിമിത വരുമാനക്കാര്‍ക്ക് നാലു ദശലക്ഷം ദിർഹം സഹായം നല്‍കി അജ്​മാന്‍ ഭരണാധികാരി
cancel
camera_alt

ശൈഖ് ഹുമൈദ് ബിന്‍ റാഷിദ് അല്‍ നുഐമി

അജ്​മാന്‍: നിര്‍ധന കുടുംബങ്ങള്‍ക്ക് നാലു ദശലക്ഷം ദിർഹം സംഭാവന നല്‍കി അജ്​മാന്‍ ഭരണാധികാരി. അജ്​മാന്‍ എമിറേറ്റി​െൻറ ഭരണസാരഥ്യം ഏറ്റെടുത്തതി​െൻറ 40ാം വാർഷികത്തോടനുബന്ധിച്ചാണ് സുപ്രീം കൗൺസിൽ അംഗവും അജ്​മാന്‍ ഭരണാധികാരിയുമായ ശൈഖ് ഹുമൈദ് ബിന്‍ റാഷിദ് അല്‍ നുഐമി പരിമിത വരുമാനക്കാര്‍ക്ക് ധന സഹായം പ്രഖ്യാപിച്ചത്. ഹുമൈദ് ബിൻ റാഷിദ് അൽ നുഐമി ചാരിറ്റി ഫൗണ്ടേഷ​െൻറ ചെയർമാൻ എന്ന നിലയില്‍ അജ്​മാനിലെ കിരീടാവകാശിയും അജ്​മാൻ എക്​സിക്യൂട്ടിവ് കൗൺസിലി​െൻറ ചെയർമാനുമായ ശൈഖ് അമ്മാർ ബിൻ ഹുമൈദ് അൽ നുഐമി സഹായ വിതരണങ്ങള്‍ക്ക് നേതൃത്വം നല്‍കും.

അജ്​മാൻ ഭരണാധികാരിയുടെ ഈ സംഭാവന താഴ്ന്ന വരുമാനവും അവശതയനുഭവിക്കുന്ന ആളുകളെയും സഹായിക്കാനാണെന്ന് ഫൗണ്ടേഷൻ ഡയറക്​ടർ ജനറൽ ശൈഖ അസ്സ ബിൻത്​ അബ്​ദുല്ല അൽ നുഐമി പറഞ്ഞു. ഇതു പ്രകാരം രണ്ടായിരം കാർഡുകൾക്ക് 40ലക്ഷം ദിർഹം വിതരണം ചെയ്യുമെന്നും അവർ കൂട്ടിച്ചേർത്തു. ഓരോ കാർഡിലും അജ്​മാൻ മാർക്കറ്റ് സഹകരണ സൊസൈറ്റിയിൽ നിന്ന് അടിസ്ഥാന ആവശ്യങ്ങൾ വാങ്ങാനുള്ള 2,000 ദിർഹമുണ്ടായിരിക്കും.

Show Full Article
TAGS:ajman Ajman Ruler 
News Summary - Ruler of Ajman donates Dh4 million to low-income people
Next Story