സ്വയം ചാലക വാഹന ലക്ഷ്യം സാധ്യമാക്കാൻ  ആർ.ടി.എക്ക്​ ബഹുമുഖ പദ്ധതികൾ

ദുബൈ: 2030 ആകു​േമ്പാഴേക്കും 25 ശതമാനം വാഹനങ്ങൾ ഡ്രൈവർ ഇല്ലാതെ സഞ്ചരിക്കുന്നതാവണം എന്ന ദുബൈയുടെ പ്രഖ്യാപിത ലക്ഷ്യം സാധ്യമാക്കുന്നതിന്​ റോഡ്​ ഗതാഗത അതോറിറ്റിയുടെ ബഹുമുഖ പദ്ധതികൾ. മറ്റു രാജ്യങ്ങളിൽ നിന്ന്​ വ്യത്യസ്​തമായി സർക്കാർ നിയ​ന്ത്രണത്തിലെ ഏജൻസി നടപ്പാക്കുന്ന പദ്ധതി യു.എ.ഇ ​ൈവസ്​​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമി​​​െൻറ സ്​മാർട്ട്​ ഗതാഗത ദർശനങ്ങളിൽ ഉൗന്നിയാണ്​ തയ്യാറാക്കിയത്​. 
പൊതു മേഖലയിൽ നടപ്പാക്കുന്നു എന്നതിനു പുറമെ ട്രെയിൻ, ബസ്​, ജല ഗതാഗതം, ടാക്​സി, സ്വകാര്യ വാഹനങ്ങൾ എന്നിങ്ങനെ എല്ലാ ഗതാഗത മാർഗങ്ങളിലും ഡ്രൈവർരഹിത സഞ്ചാരം ഒരുക്കുന്നതും ദുബൈ മോഡലിനെ വേറിട്ടു നിർത്തുന്നതെന്ന്​ ആർ.ടി.എ ചെയർമാൻ മത്തർ അൽ തയർ ചൂണ്ടിക്കാട്ടി. മറ്റു രാജ്യങ്ങൾ പരിമിതമായ മേഖലയിൽ മാത്രമാണ്​ ഇവ ചെയ്യുന്നത്​. 
സ്വയം ചാലക വാഹനങ്ങൾക്കായി നിയമനിർമാണം നടത്താനും, അത്തരം വാഹനങ്ങൾ പരീക്ഷിക്കാനും ലൈസൻസ്​ നൽകാനും നിയമാവലി തയ്യാറാക്കാനും പശ്​ചാത്തല സൗകര്യങ്ങൾ ഒരുക്കാനും നടപടികൾ സ്വീകരിക്കുന്നതായി അദ്ദേഹം പറഞ്ഞു. സാ​േങ്കതിക വിദ്യയുടെ സാധ്യതകൾ പ്രയോജനപ്പെടുത്താൻ ഇ മാപ്പുകളും തയ്യാറാക്കുന്നുണ്ട്​.