എട്ടാം വർഷവും സഞ്ചരിക്കുന്ന  ഭക്ഷണശാല ഒരുക്കി ആർ.ടി.എ

ദുബൈ: സായിദ്​ വർഷത്തിലെ റമദാനിൽ ഒട്ടനവധി സേവന പദ്ധതികളുമായി റോഡ്​ ഗതാഗത അതോറിറ്റി (ആർ.ടി.എ). യാത്രക്കാർക്കും തൊഴിലാളികൾക്കും നോമ്പ്​തുറ ഭക്ഷണം എത്തിച്ചു നൽകുന്ന മീൽസ്​ ഒാൺ വീൽസ്​ പദ്ധതി എട്ടാം വർഷവും തുടരുമെന്ന്​ മാർക്കറ്റിങ്​ വിഭാഗം ഡയറക്​ടർ മൊഅസ അൽ മറി വ്യക്​തമാക്കി. അഞ്ചു ബസുകളിലായി അയ്യായിരം ഭക്ഷണ പൊതികൾ ​ബസ്​ സ്​റ്റേഷൻ, മെട്രോ സ്​റ്റേഷൻ, തൊഴിലാളികളുടെ ക്യാമ്പുകൾ എന്നിവിടങ്ങളിൽ എത്തിച്ചു നൽകും. ട്രാഫിക്​ സിഗ്​നലുകൾക്കരികിൽ അൽ ഇഹ്​സാൻ ചാരിറ്റി അസോസിയേഷനിലെ വളണ്ടിയർമാരും ആർ.ടി.എ ഉദ്യോഗസ്​ഥരും ചേർന്ന്​ വിതരണവും നടത്തും.

തിരക്ക്​ കുറച്ചും അപകടങ്ങൾ ഒഴിവാക്കിയും സമാധാനവും സന്തോഷവും വർധിപ്പിക്കാൻ ഇൗ പദ്ധതി സഹായകമാവും.  ദുബൈ അന്താരാഷ്​ട്ര ഹോളി ഖുർആൻ അവാർഡിനെത്തുന്ന മത്സരാർഥികൾ, വിധികർത്താക്കൾ, പ്രഭാഷകർ, വിശിഷ്​ടാതിഥികൾ എന്നിവർക്ക്​ സഞ്ചരിക്കാൻ വി.​െഎ.പി വാഹനങ്ങളും ആർ.ടി.എ ഒരുക്കും.

ദുബൈ,ഷാർജ, അജ്​മാൻ എന്നിവിടങ്ങളിലായി യൂനിയൻ കോ ഒാപ്പറേറ്റിവ്​ സൊസൈറ്റിയുമായി സഹകരിച്ച്​ 400 വയോധികർക്കും നിർധന കുടുംബങ്ങൾക്കും റമദാൻ റേഷൻ ലഭ്യമാക്കും. തുഖോർ സോഷ്യൽ ക്ലബുകളിൽ വയോധികർക്കായി ഇഫ്​താർ ഒരുക്കും.  വനിതാ കമ്മിറ്റിയുടെ ഫർഹത്​ ഇൗദ്​ (പെരുന്നാൾ സ​ന്തോഷങ്ങൾ) പദ്ധതി ഏറെ ശ്രദ്ധേയമാണ്​. കുറഞ്ഞ വരുമാനക്കാരായ കുഞ്ഞുങ്ങളെ ഷോപ്പിങ്​ മാളുകളിൽ കൊണ്ടുപോയി അവർക്കാവശ്യമായ പെരുന്നാൾ ഉടുപ്പുകളും സമ്മാനങ്ങളും ഒരുക്കി നൽകുന്ന പദ്ധതിയാണത്​. എമിറേറ്റ്​സ്​ ഡ്രൈവിങ്​ ഇൻസ്​റ്റിട്യുട്ടിലും ദുബൈ ഡ്രൈവിങ്​ സ​​െൻററിലും 1000 ട്രക്ക്​ ഡ്രൈവർമാർക്ക്​ റമദാൻ സമ്മാനങ്ങൾ നൽകാനും പദ്ധതിയുണ്ടെന്ന്​ മൊഅസ അൽ മറി പറഞ്ഞു.