ഇൗ വർഷം ആർ.ടി.എ കാൾ െസൻററിലെത്തിയത്​  10 ലക്ഷത്തിലേറെ വിളികൾ

ദുബൈ: നഗര ഗതാഗതം സുഗമവും സ്​മാർട്ടും ആക്കാൻ റോഡ്​ ഗതാഗത അതോറിറ്റി (ആർ.ടി.എ) നടത്തുന്ന ശ്രമങ്ങൾക്ക്​ കാൾ സ​െൻററുകൾ നൽകുന്ന പിന്തുണ പണ്ടേ പ്രസിദ്ധമാണ്​. റെക്കോർഡ്​ സമയം കൊണ്ട്​ ഉപഭോക്​താക്കളുടെ വിളികൾക്കും ചോദ്യങ്ങൾക്കും പ്രതികരിച്ച്​ കൂടുതൽ ഉയരങ്ങളിലെത്തിയിരിക്കുകയാണ്​ ഇവയിപ്പോൾ. കഴിഞ്ഞ ആറു മാസങ്ങളിൽ പത്തു ലക്ഷത്തിലേറെ വിളികളാണ്​ ആർ.ടി.എയുടെ കാൾ സ​െൻററുകളിൽ എത്തിയത്​. 

മുൻപ്​ മറുപടി നൽകാൻ 20 സെക്കൻറുകൾ എടുത്തിരുന്ന സ്​ഥാനത്ത്​ ഇപ്പോൾ 11 സെക്കൻറിനകം മറുപടി നൽകാനാവുന്നു.  പൊലീസി​​െൻറയും സിവിൽ ഡിഫൻസി​​െൻറയും​ ഹെൽപ്​ലൈൻ നമ്പർ പോലെ ഇപ്പോൾ ഒാരോ ദുബൈ വാസിക്കും സുപരിചിതമായ  800-9090 എന്ന ആർ.ടി.എ കാൾ സ​െൻററിൽ വിളിച്ചാൽ മെട്രോ സമയവും ബസ്​ റൂട്ടും മുതൽ ഗതാഗത സംബന്ധിയായ സംശയങ്ങൾക്കെല്ലാം മറുപടി കിട്ടുമെന്നു മാത്രമല്ല, ടാക്​സി ബുക്ക്​ ചെയ്യാനും ഫീസുകളും പിഴകളും മറ്റും അടക്കാനും സാധിക്കും. ദിവസേന ഏതാണ്ട്​ 6500  എന്ന നിലയിൽ 1,084,635 വിളികളാണ്​ എത്തിയത്​.  

മുൻ വർഷത്തേക്കാൾ ഒമ്പതു ശതമാനം അധികമാണിത്​. ദുബൈയെ ലോകത്തെ ഏറ്റവും മികച്ച സ്​മാർട്ട്​ നഗരമാക്കി മാറ്റാനുള്ള ദുബൈ സർക്കാറി​​െൻറ പ്രവർത്തനങ്ങൾക്ക്​ ശക്​തമായ പിന്തുണ നൽക​ുകയും ജനങ്ങൾക്ക്​ ഏറ്റവുമെളുപ്പം സേവനങ്ങൾ ലഭ്യമാക്കുകയുമാണ്​ നടത്തി വരുന്നതെന്ന്​ ആർ.ടി.എ   ഉപഭോക്​ത്​ സേവന വിഭാഗം എക്​സി. ഡയറക്​ടർ അഹ്​മദ്​ മഹ്​ബൂബ്​ പറഞ്ഞു.  കഴിഞ്ഞ വർഷത്തെ ഹംദാൻ ബിൻ മുഹമ്മദ്​ സ്​മാർട്ട്​ ഗവർമ​െൻറ്​ അവാർഡ്​ നേടിയ കാൾ സ​െൻററി​ൽ അത്യാധുനിക സംവിധാനങ്ങളാണ്​ ഉപയോഗപ്പെടുത്തുന്നത്​.  25,715 പണമിടപാടുകൾ കാൾ സ​െൻറർ മുഖേന നടന്നു. ഇതിനു പുറമെ ഇ മെയിൽ മുഖേന  65,613 ഇടപാടുകളും.