ആർ.എസ്.സി യു.എ.ഇ നാഷനൽ തർതീൽ

ദുബൈ: ആർ.എസ്.സി യു.എ.ഇ നാഷനൽ തർതീൽ ദുബൈ ഡ്യൂവൽ സ്കൂളിൽ യു.എ.ഇ നാഷനൽ ചെയർമാൻ ഷാഫി നൂറാനിയുടെ അധ്യക്ഷതയിൽ ഐ.സി.എഫ് ഇന്‍റർനാഷനൽ പ്ലാനിങ്​ ചെയർമാൻ അബ്ദുൽ അസീസ് സഖാഫി ഉദ്​ഘാടനം ചെയ്തു.

രിസാല സ്റ്റഡി സർക്കിൾ ഗ്ലോബൽതലത്തിൽ നടത്തിവരുന്ന ഖുർആൻ മത്സരങ്ങളുടെ ഭാഗമായി യു.എ.ഇയിലെ തർതീൽ ഗ്രാൻഡ് ഫിനാലയിൽ 11 സോണുകളിൽനിന്ന് 120 മത്സരാർഥികൾ ജൂനിയർ, സെക്കൻഡറി, സീനിയർ, സൂപ്പർ സീനിയർ, ഹാഫിദ് വിഭാഗങ്ങളിൽ നാലു വേദികളിലാണ്​ മത്സരിക്കുന്നത്.

തർതീൽ വേദിയിൽ പേരോട് അബ്ദുറഹ്മാൻ സഖാഫി ഉദ്ബോധന പ്രഭാഷണം നടത്തി. അബ്ദുസ്സലാം സഖാഫി വെള്ളലശ്ശേരി, ഉബൈദ് സഖാഫി, യഹ്‌യ സഖാഫി, സലാം മദനി എന്നിവർ പങ്കെടുത്തു. റാഷിദ്‌ മൂർക്കനാട് സ്വാഗതവും അൽ അമീൻ പൊന്നാനി നന്ദിയും പറഞ്ഞു.