അബൂദബിയിൽ അപകടത്തിൽ പരിക്കേറ്റ മലയാളിക്ക് 24 ലക്ഷം രൂപ നഷ്​ടപരിഹാരം

ദുബൈ: അപകടത്തിൽ പരിക്കേറ്റ കൊല്ലം സ്വദേശിനിക്ക്​ 1.20 ലക്ഷം ദിർഹം (24 ലക്ഷം രൂപ) നഷ്​ടപരിഹാരം നൽകാൻ വിധി. കൊല്ലം ലക്ഷ്​മിനട സ്വദേശിനി പൊന്നമ്മക്കാണ് (52)​ അബൂദബിയിലെ കോടതി നഷ്​ടപരിഹാരം വിധിച്ചത്​.

2019 നവംബറിൽ അബൂദബിയിൽ നിന്ന്​ ദുബൈയിലേക്കുള്ള യാത്രക്കിടെയാണ്​ അപകടം. സ്​പോൺസറോടൊപ്പം യാത്ര ചെയ്യവെ ബ്രേക്ക്​ നഷ്​ടപ്പെട്ട വാഹനം അപകടത്തിൽപെടുകയായിരുന്നു.

25 ദിവസത്തോളം ആശുപത്രിയിലായിരുന്നു. അതിന്​ ശേഷം കൈക്ക്​ ഓപറേഷൻ വേണ്ടിവന്നു. ഇതിനിടെ ജോലി നഷ്​ടമായി. ദുരിതത്തിലായെങ്കിലും ഒന്നര വർഷത്തോളം കേസ്​ നടത്തി. എന്നാൽ,

20,000 ദിർഹമാണ്​ ഇൻഷ്വറൻസ്​ അതോറിറ്റി നഷ്​ടപരിഹാരം വിധിച്ചത്​. സാമൂഹിക പ്രവർത്തകനും പെരുമ്പാവൂർ അസോസിയേഷൻ ഭാരവാഹിയുമായ നസീർ പെരുമ്പാവൂർ ഇടപെട്ട​േതാടെയാണ്​ അപ്പീൽ നൽകാൻ വഴിതെളിഞ്ഞത്​.

നസീർ പരിചയപ്പെടുത്തിയ അഡ്വ. ബൽറാം ശങ്കർ മുഖേന മേൽകോടതിയെ സമീപിച്ചു. 1.20 ലക്ഷം ദിർഹം നഷ്​ടപരിഹാരം നൽകാൻ കോടതി വിധിച്ചെങ്കിലും ഇൻഷ്വറൻസ്​ കമ്പനി അപീൽ കോടതിയെ സമീപിച്ചു. എന്നാൽ, അപ്പീൽ കോടതിയും വിധി ശരിവെക്കുകയായിരുന്നു.