ദുബൈയിൽ ഇനി യ​ന്തിരൻ പൊലീസും

ദുബൈ: ഏറ്റവും മികച്ച പരിശീലനവും സാ​േങ്കതിയ സൗകര്യങ്ങളുമൊരുക്കി ലോകത്തെ ഒന്നാം നമ്പർ​ സേനയാവാൻ ഒരുങ്ങുന്ന ദുബൈ പൊലീസിൽ  മെയ്​മാസം മുതൽ റൊബോട്ടുകളും സേവനത്തിനുണ്ടാവും. തുടക്കത്തിൽ എണ്ണം കുറവായിരിക്കുമെങ്കിലും 2030 ആകു​േമ്പ​ാഴേക്കും പൊലീസ്​ സേനയുടെ 30 ശതമാനവും യന്തിരൻമാരായിരിക്കും.
ഭാവിയുടെ വെല്ലുവിളികളും സങ്കീർണ കുറ്റകൃത്യങ്ങളും പ്രതിരോധിക്കാനാണ്​ ഇൗ സ്​മാർട്ട്​ നീക്കമെന്ന്​ ഫ്യൂച്ചർ ​േഷപ്പിങ്​ സ​െൻറർ അധ്യക്ഷൻ ബ്രിഗേഡിയർ അബ്​ദുല്ല ബിൻ സുൽത്താൻ പറഞ്ഞു. ദുബൈയിൽ നടന്നുവരുന്ന ആഗോള പൊലീസ്​ ഫോറത്തിലാണ്​ ഇതു സംബന്ധിച്ച പ്രഖ്യാപനമുണ്ടായത്​. 2025 ആകു​േമ്പാഴേക്കും ലോകത്തെ ഏറ്റവും മികച്ച അഞ്ച്​ പൊലീസ്​ സേനകളിലൊന്ന്​ ദുബൈയുടേതായിരിക്കും. സ്വയം ഉൽപാദിപ്പിച്ച ഉൗർജമാണ്​ ഭാവിയിൽ സേനയുടെ കെട്ടിടങ്ങളിലെല്ലാം ഉപയോഗിക്കുക.സമ്പൂർണ ഡി.എൻ.എ ബാങ്ക്​ തയ്യാറാക്കുന്ന ദുബൈയിൽ അറിയപ്പെടാത്തതോ ദുരൂഹ സാഹചര്യത്തിലോ ക​​ുറ്റകൃത്യങ്ങളുണ്ടാവില്ല. മനുഷ്യ  ജീവനക്കാരുടെ സേവനം ആവശ്യമില്ലാത്ത സ്​മാർട്ട്​ പൊലീസ്​ സ്​റ്റേഷൻ 2030ൽ തുറക്കുമെന്ന്​ സ്​മാർട്ട്​ സേവന വിഭാഗം ഡയറക്​ടർ ​ബ്രിഗേഡിയർ ഖാലിദ്​ നാസർ അൽ റസൂഖി പറഞ്ഞു.
അമേരിക്ക, ​ഫ്രാൻസ്​, ബ്രിട്ടൻ, ​െഎർലൻറ്​ , ബ്രസീൽ, ചൈന, ഫിലിപ്പീൻസ്​,ആസ്​ട്രേലിയ, ജർമനി, സിംഗപൂർ തുടങ്ങിയ രാജ്യങ്ങളിൽ നിന്നുള്ള പൊലീസ്​ ഉദ്യോഗസ്​ഥരും ബ്രസീലിയൻ ഫുട്​ബാൾ ഇതിഹാസം റൊണാൾഡീഞ്ഞോയും പരിപാടിയിൽ പ​െങ്കടുക്കുന്നുണ്ട്​. ലോകത്തി​​െൻറ പല ഭാഗങ്ങളിൽ നിന്നുള്ള പൊലീസ്​ അനുഭവങ്ങൾ പങ്കുവെക്കുന്നത്​ സുരക്ഷിതവും സമാധാനം നിറഞ്ഞതുമായ ജീവിതം സാധ്യമാക്കാനും ഭീകരവാദ പ്രവർത്തനങ്ങൾ തടയാനും സഹായകമാകുമെന്ന്​ ദുബൈ പൊലീസ്​ മേധാവി മേജർ ജനറൽ അബ്​ദുല്ലാ ഖലീഫ അൽ മറി പറഞ്ഞു.