വ​നി​ത​ക​ളു​ടെ ബാ​ഗ് ത​ട്ടി​പ്പ​റി​ക്കു​ന്ന സം​ഘ​ത്തെ പൊ​ലീ​സ് വേ​ഗ​ത്തി​ൽ പി​ടി​കൂ​ടി

ദു​ബൈ: ബൈ​ക്കി​ൽ ചീ​റി​യെ​ത്തി വ​നി​ത​ക​ളു​ടെ ബാ​ഗു​ക​ളും പ​ഴ്സു​ക​ളും ക​വ​രു​ന്ന ര​ണ്ടം​ഗ സം​ഘ​ത്തെ െപാ​ ലീ​സ് അ​റ​സ്റ്റു ചെ​യ്തു. തി​ര​ക്കേ​റി​യ ബ​ർ​ദു​ബൈ തെ​രു​വി​ൽ വെ​ച്ച് പ​ഴ്സ് ത​ട്ടി​പ്പ​റി​ച്ച് ക​ട​ന്നു​ക ​ള​ഞ്ഞ ര​ണ്ടു അ​റ​ബ് സ്വ​ദേ​ശി​ക​ളാ​യ യു​വാ​ക്ക​ളെ​യാ​ണ് പൊ​ലീ​സ് അ​ത്യാ​ധു​നി​ക സാ​ങ്കേ​തി​ക വി​ദ്യ​യു​ ടെ സ​ഹാ​യ​ത്തോ​ടെ റെ​ക്കോ​ർ​ഡ് വേ​ഗ​ത്തി​ൽ വ​ല​യി​ലാ​ക്കി​യ​ത്. പ​രാ​തി ല​ഭി​ച്ച് 48 മ​ണി​ക്കൂ​റി​ന​കം ത​ന്നെ ദു​ബൈ പൊ​ലീ​സ് പ്ര​തി​ക​ളെ പി​ടി​കൂ​ടി.

ദു​ബൈ പൊ​ലീ​സി​ന്റെ ഡാ​റ്റാ അ​നാ​ലി​സി​സ് സെ​ന്റ​റു​മാ​യി ബ​ന്ധി​പ്പി​ച്ചു​ള്ള ആ​ധു​നി​ക സാ​ങ്കേ​തി​ക വി​ദ്യ​ക​ളു​ടെ സ​ഹാ​യ​ത്തോ​ടെ​യാ​ണ് പ്ര​തി​ക​ളെ ക​ണ്ടെ​ത്തി​യ​ത്. ആ​ദ്യ വി​വ​രം ല​ഭി​ച്ച​പ്പോ​ൾ ത​ന്നെ പൊ​ലീ​സ് പ്ര​ത്യേ​ക സം​ഘ​ത്തെ നി​യോ​ഗി​ച്ചി​രു​ന്ന​താ​യി ദു​ബൈ പൊ​ലീ​സ് ക്രി​മി​ന​ൽ ഇ​ൻ​വെ​സ്റ്റി​ഗേ​ഷ​ൻ വി​ഭാ​ഗം ഡ​യ​റ​ക്ട​ർ ബ്രി.​ജ​മാ​ൽ അ​ൽ ജ​ല്ലാ​ഫ് പ​റ​ഞ്ഞു.

ദു​ബൈ പൊ​ലീ​സി​ന്റെ ഇൗ ​നേ​ട്ട​ത്തെ ക​മാ​ൻ​ഡ​ർ ഇ​ൻ ചീ​ഫ് മേ​ജ​ർ ജ​ന​റ​ൽ അ​ബ്ദു​ല്ല ഖ​ലീ​ഫ അ​ൽ മ​ർ​റി അ​ഭി​ന​ന്ദി​ച്ചു. ക്രി​മി​ന​ൽ ഇ​ൻ​വെ​സ്റ്റി​ഗേ​ഷ​ൻ വി​ഭാ​ഗം അ​സി. ക​മാ​ൻ​ഡ​ർ ഇ​ൻ ചീ​ഫ് മേ​ജ​ർ ജ​ന​റ​ൽ ഖ​ലി​ൽ ഇ​ബ്രാ​ഹിം അ​ൽ മ​ൻ​സൗ​രി​യും ദു​ബൈ പൊ​ലീ​സിെ​ൻ​റ തു​ല്യ​ത​യി​ല്ലാ​ത്ത പ്ര​വ​ർ​ത്ത​ന മി​ക​വി​നെ​യും സാ​ങ്കേ​തി​ക​വി​ദ്യ​യു​ടെ ഫ​ല​പ്ര​ദ​മാ​യ വി​നി​യോ​ഗ​ത്തെ​യും പ്ര​ശം​സി​ച്ചു.