അബൂദബി റോഡുകളിലും സാലിക്​

ആംബുലൻസ്​, സാധുധസേന-സിവിൽ ഡിഫൻസ്​ വാഹനങ്ങൾ, പൊതുബസുകൾ, മോ​േട്ടാർ സൈക്കിളുകൾ എന്നിവക്ക്​ ചുങ്കം ഉണ്ടാവില്ല
അബൂദബി: അബൂദബിയിലും റോഡ്​ നികുതി (സാലിക്​) അവതരിപ്പിക്കുന്നു. യു.എ.ഇ പ്രസിഡൻറ്​ ശൈഖ്​ ഖലീഫ ബിൻ സായിദ്​ ഇതു സംബന്ധിച്ച നിയമം (17/2017) പ്രഖ്യാപിച്ചു. യു.എ.ഇയില്‍ ദുബൈ നഗരത്തില്‍ മാത്രമാണ് വിവിധ റോഡുകളില്‍ സാലിക് എന്ന പേരില്‍ കടന്നുപോകുന്ന വാഹനങ്ങളില്‍നിന്ന് ചുങ്കം ഈടാക്കുന്ന സംവിധാനമുള്ളത്. ഇത് തലസ്ഥാനമായ അബൂദബിയിലും നടപ്പാക്കാനാണ് പ്രസിഡൻറി​​​െൻറ ഉത്തരവ്. 

ഏതൊക്കെ പ്രദേശങ്ങളിൽ റോഡ്​ നികുതി ഏർപ്പെടുത്തണം, നികുതി നിരക്ക്​ എത്രയായിരിക്കണം എന്നിവ നിശ്ചയിക്കാൻ ഗതാഗത വകുപ്പിനെ നിയമം ചുതലപ്പെടുത്തി. വകുപ്പി​​​െൻറ നിർദേശങ്ങൾ എക്​സിക്യൂട്ടീവ്​ കൗൺസിൽ ജനറൽ സെക്ര​േട്ടറിയറ്റിന്​ സമർപ്പിച്ച്​ അനുമതി വാങ്ങണം.
ചുങ്കപ്പാതകളിലൂടെ കടന്നുപോകുന്ന വാഹനങ്ങളിൽനിന്ന്​ നികുതി പിരിക്കുന്ന ചുമതലയും ഗതാഗത വകുപ്പിനായിരിക്കും. എപ്രകാരമാണ്​ നികുതി സമാഹരണം നടത്തേണ്ടതെന്ന്​ വകുപ്പ്​ തീരുമാനിക്കും.

ആംബുലൻസ്​, സാധുധസേന-സിവിൽ ഡിഫൻസ്​ വാഹനങ്ങൾ, പൊതു ബസുകൾ, മോ​േട്ടാർ സൈക്കിളുകൾ എന്നിവയെ നികുതിയിൽനിന്ന്​ ഒഴിവാക്കിയിട്ടുണ്ട്​. 
ഗതാഗത വകുപ്പ്​ ചെയർമാൻ നിർശേിക്കുന്ന മറ്റു വാഹ്നങ്ങൾക്ക്​ നികുതി ഇളവ്​ നൽകാൻ എക്​സിക്യൂട്ടീവ്​ കൗൺസിലിന്​ അധികാരമുണ്ട്​. വാഹനത്തി​​​െൻറ നമ്പർ പ്ലേറ്റ്​ മറച്ചുവെച്ചോ മറ്റേതെങ്കിലും തരത്തിലോ നികുതി അടക്കുന്നതിൽനിന്ന്​ ഒഴിവാകുന്നത്​ അനധികൃതമാണെന്ന്​ നിയമത്തി​​​െൻറ എട്ടാം വകുപ്പ്​ വ്യക്​തമാക്കുന്നു. 
ഇപ്രകാരമുള്ള എല്ലാ നിയമലംഘനങ്ങളും ഗതാഗത വകുപ്പിലെ സമഗ്ര ഗതാഗത കേന്ദ്രം (​െഎ.ടി.സി) നിരീക്ഷിക്കുകയും കേസ്​ ബന്ധപ്പെട്ട അധികൃതർക്ക്​ കൈമാറുകയും ചെയ്യും. റോഡ്​ചുങ്കം അടക്കാത്തവർ 10,000 ദിർഹത്തിൽ കവിയാത്ത പിഴ അടക്കേണ്ടിവരുമെന്ന്​ നിയമം വ്യക്​തമാക്കുന്നു. ആദ്യ നിയമലംഘനം മുതലുള്ള ഒരു വർഷത്തേക്ക്​ ഒരു വാഹനത്തിന്​ 25,000 ദിർഹത്തിൽ കൂടുതൽ പിഴ ചുമത്തില്ല.