റോഡ്​  നവീകരണം അതിവേഗത്തിൽ; വിമാനത്താവള യാത്ര കുരുക്കില്ലാതെയാവുന്നു

ദുബൈ: 40.4 കോടി ദിർഹം ചെലവിട്ട്​ നടപ്പാക്കുന്ന വിമാനത്താവള സ്​ട്രീറ്റ്​ നവീകരണ പദ്ധതികൾ അതിവേഗം പുരോഗമിക്കുന്നു.  റാശിദീയ-കാസബ്ലാങ്ക ഇൻറർ​െസക്​ഷനുകളുൾപ്പെടുന്ന മേഖലയിലെ നിർമാണ ​പ്രവർത്തനങ്ങൾ പകുതി  പൂർത്തിയായതായി റോഡ്​ ഗതാഗത അതോറിറ്റി (ആർ.ടി.എ) ഡയറക്​ടർ ജനറൽ മത്താർ അൽ തയർ അറിയിച്ചു. 

വിമാനത്താവള സ്​ട്രീറ്റിൽ നിന്ന്​ ശൈഖ്​ മുഹമ്മദ്​ ബിൻ സായിദ്​ റോഡിലേക്കെത്താൻ നിലവിൽ അര മണിക്കൂർ വേണ്ടിടത്ത്​ അഞ്ചു മിനിറ്റു മതിയാവുമെന്നതാണ്​ നിർമാണ പദ്ധതിയുടെ ഏറ്റവും വലിയ ആകർഷണീയത. നാദൽ ഹമർ- മറാക്കഷ്​ ഇൻറർസെക്​ഷനുകളിലെ ജോലികൾ 40ശതമാനവും പിന്നിട്ടു. പദ്ധതിയുടെ ആദ്യ ഘട്ടം പൂർത്തിയാക്കി ഇൗ വർഷം ഡിസംബറിൽ തന്നെ ഗതാഗതത്തിന്​ തുറന്നു കൊടുക്കാനാകുമെന്നും അദ്ദേഹം ​​​​പ്രത്യാശ പ്രകടിപ്പിച്ചു. 

2018 ​​​​െൻറ ആദ്യ പാതിയിൽ വികസന പ്രവർത്തനങ്ങൾ സമ്പൂർണമാവും. നിർമാണ സൈറ്റുകൾ സന്ദർശിച്ച്​ വിലയിരുത്തിയ ശേഷമാണ്​ അൽ തയർ ഇക്കാര്യമറിയിച്ചത്​.  റാശിദീയ ഇൻറർസെക്​ഷനിലെ ഖവാനീജിനെ ചുറ്റിയുള്ള പാലം പൂർത്തിയായി കഴിഞ്ഞു. ഇതേ ദിശയിൽ തന്നെയുള്ള മറാക്കഷ്​ ഇൻറർസെക്​ഷനിൽ ഒരു പാലവും തയ്യാറായി. 4 പാലങ്ങൾ കൂടി ഇവിടെ ഉയരും.  മറാക്കഷിലെ തുരങ്ക നിർമാണം ഇൗ മാസം ആരംഭിക്കും. നാദൽ ഹമറിലെ ​ൈഫ്ല ഒാവർ നിർമാണം 70 ശതമാനമായി. കാസബ്ലാങ്കയിലും 50 ശതമാനത്തിലേറെ പ​ുരോഗമിക്കുന്നു. ഇരു വശങ്ങളിലും മൂന്നു നിര സർവീസ്​ റോഡ്​ ഉൾപ്പെടെ വിവിധമാർന്ന നിർമാണങ്ങളാണ്​ നടക്കുന്നത്​. 

മണിക്കൂറിൽ 5000 വാഹനങ്ങൾക്ക്​ ​കടന്നു പോകാനുള്ള അധിക ശേഷി ഇൗ റോഡുകൾക്കുണ്ടാവും. ഗതാഗത കുരുക്ക്​ ഒഴിവാക്കാനും സമയ ലാഭത്തിനും ഇതു സഹായിക്കും.  ദുബൈ അന്താരാഷ്​ട്ര വിമാനത്താവളത്തിലെ യാത്രക്കാരുടെ എണ്ണം 2020 ആകുന്നതോടെ 9.2 കോടിയാകുമെന്നതിനാൽ അതു കൂടി കണക്കിലെടുത്താണ്​ വലിയ തോതിലുള്ള വികസനം.