ദുബൈയിൽ ഇൗ വർഷം റോഡിൽ പൊലിഞ്ഞത്​ 77 ജീവൻ

ദുബൈ: ഇൗ വർഷം ആദ്യ ആറു മാസം വിവിധ റോഡപകടങ്ങളിലായി ദുബൈയിൽ 77 പേർ മരിച്ചു. എന്നാൽ കഴിഞ്ഞ വർഷം ഇതേ കാലയളവുമായി താരതമ്യപ്പെടുത്തു​േമ്പാൾ ഇത്​ 40 ശതമാനം കുറവാണെന്ന്​ ദുബൈ ​പൊലീസ്​ ഒാപ്പറേഷണൽ അഫയേഴ്​സ്​ അസി.കമാണ്ടർ ഇൻ ചീഫ്​ മേജർ ജനറൽ മുഹമ്മദ്​ സൈഫ്​ അൽ സഫീൻ പറഞ്ഞു. കഴിഞ്ഞ വർഷം ആദ്യ ആറുമാസം 112 പേരാണ്​ റോഡപകടങ്ങളിൽ മരിച്ചത്​. ഇൗ വർഷം ജൂൺ വരെ 1,395അപകടങ്ങളാണ്​ റിപ്പോർട്ട്​ ചെയ്​തത്​.

പൊലീസ്​ പ​ട്രോൾ ശക്​തമാക്കിയതും അശ്രദ്ധമായി വാഹനമോടിക്കുന്നത്​ തടയുകയും ചെയ്​തതാണ്​ മരണസംഖ്യ കുറച്ചതെന്ന്​ മേജർ ജനറൽ പറഞ്ഞു. വാഹനങ്ങൾ പെ​െട്ടന്ന്​ വെട്ടിക്കുന്നതും ലൈൻ മാറുന്നതുമാണ്​​ 307 അപകടങ്ങൾക്ക്​ കാരണം. ഇതിൽ 17 പേർ മരിക്കുകയും 262 പേർക്ക്​ പരിക്കേൽക്കുകയും ചെയ്​തു. മറ്റുവാഹനങ്ങളെ ശ്രദ്ധിക്കാതെയും അവർക്ക്​ മുന്നറിയിപ്പ്​ സിഗ്​നൽ നൽകാതെയും ലൈൻ മാറുന്നത്​ വലിയ കുറ്റമാണ്​.മുമ്പ്​ ഇതിന്​ 200 ദിർഹമായിരുന്നു പിഴ. ഇപ്പോൾ അത്​ 1,000 ദിർഹമാക്കിയിട്ടുണ്ട്​.

വാഹനങ്ങൾ തമ്മിൽ മതിയായ അകലം പാലിക്കാത്തതിനാൽ 302 വലിയ അപകടങ്ങളുണ്ടായി. ഇതിൽ 19 ​പേർ മരിക്കുകയും 238 പേർക്ക്​ പരിക്കേൽക്കുകയും ചെയ്​തു. ഒരോ മൂന്നു മിനിട്ടിലും ഇക്കാരണത്താൽ ദുബൈയിൽ ചെറിയ അപകടങ്ങൾ നടക്കുന്നുണ്ട്​-മേജർ ജനറൽ മുഹമ്മദ്​ സൈഫ്​ അൽ സഫീൻ പറഞ്ഞു. 2021 ഒാടെ ഒാരോ ഒരു ലക്ഷം ആളുകൾക്ക്​ മൂന്നു എന്ന തോതിൽ അപകട മരണ നിരക്ക്​ കുറക്കാനാണ്​ ദുബൈ പൊലീസ്​ ലക്ഷ്യമിടുന്നത്​.