വിസ്​മയം പകർന്ന്​ അൽജൗഫിലെ പച്ചയണിഞ്ഞ മരുഭൂതാഴ്​വര

റിയാദ്​: പതിവി​േ​ലറെ മഴ ലഭിച്ച ശേഷം സൗദി സകാകയിലെ മരുഭൂതാഴ്​വാരം ഹരിതമനോഹരം. അൽജൗഫ്​ മേഖലയിൽ പച്ചയണിഞ്ഞ വസന ്തകാലം വിസ്​മയക്കാഴ്​ചയാവുകയാണ്​. മേഖലയിലെ വടക്ക്​ ഭാഗത്തെ മലകളും മല​ഞ്ചെരിവുകളുമാണ്​ പല നിറങ്ങളിലുള്ള​ ചെടികളാലും പൂക്കളാലും വർണാഭമായിരിക്കുന്നത്​. മു​െമ്പാന്നുമില്ലാത്ത കാഴ്​ചകളാണ്​ ഇൗ വസന്തകാലത്ത്​ മലകൾക്ക്​ ചുറ്റും. ഇത്രയുമേറെ സ്​ഥലങ്ങളിൽ പുല്ലും ചെടികളും വളരാറില്ലെന്നും പതിവിലും കൂടുതൽ മഴ കിട്ടിയതാണ്​ ഇങ്ങനെയൊരു വേറിട്ട കാഴ്​ചക്ക്​ കാരണമെന്നും സ്വദേശികൾ പറഞ്ഞു​. വസന്തക്കാ​ഴ്​ച കണ്ട്​ ആസ്വദിക്കാൻ നിരവധിയാളുകളാണ് ഇവിടെ എത്തിക്കൊണ്ടിരിക്കുന്നത്​. പുല്ലുകളും ചെടികളും കൂടുതൽ പ്രദേശങ്ങളിൽ വളർന്നത്​ കാലികളെ വളർത്തുന്നവർക്കും വലിയ ആശ്വാസമായിട്ടുണ്ട്​.