അന്താരാഷ്​ട്ര റിഥമിക്​ ജിംനാസ്​റ്റിക്​സ്​ ദുബൈയിൽ തുടങ്ങി

ദുബൈ: കായികമേഖലയിൽ മുന്നോട്ടു കുതിക്കുന്ന യു.എ.ഇക്ക്​കരുത്തും മികവും പകർന്ന്​ അന്താരാഷ്​ട്ര  റിഥമിക് ജിംനാസ്​റ്റിക്​സ്​ മേള. ദുബൈ സ്​പോർട്​സ്​ കൗൺസിലുമായി ചേർന്ന്​ ഡുജിം  റിഥമിക് ജിംനാസ്​റ്റിക്​സ്​ ക്ലബ്​ ഒരുക്കുന്ന മത്സരങ്ങളിൽ 17 രാജ്യങ്ങളിൽ നിന്നായി 62 ടീമുകളും 450 കായിക താരങ്ങളുമാണ്​ പ​െങ്കടുക്കുന്നത്​.  ഫ്രീ ഹാൻറ്​, റോപ്​, ബാൾ, ഹൂപ്പ്​ തുടങ്ങിയ ഇനങ്ങളിലെല്ലാമായി നടക്കുന്ന മത്സരങ്ങൾക്ക്​ വിധി കർത്താവായി ഒളിമ്പിക്​സ്​ ഇരട്ടമെഡൽ ജേതാവ്​ ഇവ്​ജീനിയാ കനാഇവി, ഡുജിം  മുഖ്യ പരിശീലക ഏഞ്ചൽ ഇൽഗാസ്​ എന്നിവരുണ്ട്​. കഴിഞ്ഞ വർഷത്തെ ലോക കപ്പ്​ മെഡൽ ജേതാവ്​ സലോമി പസാവ ഒരുക്കുന്ന പരിശീലനമാണ്​ മേളയിലെ ആകർഷണീയത.  കായികക്ഷമതയുടെയും കലാബോധത്തി​​െൻറയും സൗന്ദര്യം നിറഞ്ഞ മിശ്രണമാണ്​  റിഥമിക്​ ജിംനാസ്​റ്റിക്​സ്​ എന്ന്​ ഏഞ്ചൽ ഇൽഗാഗ്​ പറഞ്ഞു.

 എല്ലാത്തരം കായിക മുന്നേറ്റങ്ങളെയും പ്രോത്​സാഹിപ്പിക്കുക എന്ന സ്​പോർട്​സ്​മാൻ സ്​പിരിറ്റാണ്​ ഇൗ മേളക്ക്​ വേദിയാവാൻ ദുബൈയെ പ്രാപ്​തമാക്കുന്നതെന്ന്​ ദുബൈ സ്​പോർട്​സ്​ കൗൺസിൽ അസി. സെക്രട്ടറി ജനറൽ നാസർ അമൻ അൽ റഹ്​മ പറഞ്ഞു. മറ്റു ഇനങ്ങളിലെന്ന പോലെ വൈകാതെ ജിംനാസ്​റ്റിക്​സിലും രാജ്യം വളർച്ചയും നേട്ടങ്ങളും കൈവരിക്കുമെന്ന്​ അദ്ദേഹം പറഞ്ഞു. ദുബൈ ഉമ്മു സുഖീമിലെ അൽമനാറ ഇൻഡോർ സ്​പോർട്​സ്​ ഹാളിൽ നടക്കുന്ന മത്സരങ്ങൾ ഡിസംബർ ഒമ്പതിന്​ അവസാനിക്കും. നാളെ വൈകീട്ടാണ്​ സമാപന ചടങ്ങ്​.