മരുമണ്ണിൽ വിജയം വിളയിച്ച്​ മുഹമ്മദ് നാട്ടിലേക്ക്​

ദുബൈ: നാല് പതിറ്റാണ്ടിലധികം പിന്നിട്ട   പ്രവാസജീവിതം മതിയാക്കി എടപ്പാൾ വട്ടംകുളം സ്വദേശി അങ്ങാടിപ്പറമ്പിൽ മുഹമ്മദ്​ നാട്ടിലേക്ക് മടങ്ങി.  1976 ഡിസംബറിൽ  ദുബൈയിലെ  സ്വകാര്യ സ്ഥാപനത്തിൽ ഓഫീസ് ബോയ് ആയാണ്​ പ്രവാസ ജോലികളുടെ തുടക്കം. പിന്നീട് അജ്മാനിൽ  അറബിവീട്ടിൽ കുക്കായും   അമ്മാവ​​െൻറ കച്ചവട സ്ഥാപനത്തിലും ജോലി ചെയ്തു. പിന്നെ ഷാർജയിൽ ബി. എം മലബാറി സൺസ് എന്ന വിതരണ കമ്പനിയിൽ ഡ്രൈവറും സെയിൽസ്മാനുമായി.

1978 ൽ അബൂദാബിയിൽ എത്തിയതാണ്​ വഴിത്തിരിവായത്​. ഡ്രൈവറായി ബേക്കറിയിലും വീട്ടിലുമെല്ലാം ​േജാലി നോക്കിയ ശേഷം  അബൂദാബി ഫ്രഞ്ച് സ്കൂളിലെത്തി. അവിടെ  ഡ്രൈവറായും അവസാന വർഷങ്ങളിൽ മെസ്സെഞ്ചെറായും 31 വർഷം ജോലി ചെയ്തു.  മികച്ച സേവനത്തിന്​ അംഗീകാരപത്രവും   യാത്രയയപ്പും നൽകിയാണ്​ സ്‌കൂൾ അധികൃതർ വിട്ടയച്ചത്​.   അതിനിടെ ആരംഭിച്ച  ചെറിയ ഗ്രോസറി സ്​ഥാപനം വിറ്റൊഴിവാക്കി  നാട്ടുകാരനും സുഹൃത്തുമായ മൂസയുമായി ചേർന്ന്​ നസ്രീൻ സീസെമെ ഓയിൽ ആൻറ് ഫുഡ്‌സ്റ്റഫ്' എന്ന  സ്ഥാപനം ആരംഭിച്ചു.

25 വർഷം പിന്നിട്ട  സ്ഥാപനം ഇന്നും മികച്ചരീതിയിൽ പ്രവർത്തിക്കുന്നു.  അബൂദാബിയിൽ താമസിക്കവെ നാടി​​െൻറ പ്രവാസ കൂട്ടായ്​മകളിൽ സജീവമായിരുന്ന മുഹമ്മദിന്​ ഇനി   വട്ടംകുളം   ഗ്രാമത്തിൽ   കൃഷി നടത്തി ഭാര്യ റഹ്​മക്കും മക്കൾക്കുമൊപ്പം സ്വസ്ഥജീവിതം നയിക്കാനാണ്​ ആഗ്രഹം.  അഞ്ചു മക്കളിൽ റെജുല, രേഷ്മ, മുബീന എന്നിവർ വിവാഹിതരാണ്​.    ഇളയ മകൾ ലുബ്​ന ബി.ഡി.എസിനു പഠിക്കുന്നു. ഏക മകൻ മുനീർ ബിരുദ പഠനം പൂർത്തിയാക്കി  യു.എ.ഇ യിലേക്ക്  വരാൻ ഒരുങ്ങുകയാണ്​.