ര​ക്ഷാ​പ്ര​വ​ർ​ത്ത​നം അ​തി​വേ​ഗം, സാ​ഹ​സി​കം

ഫു​ജൈ​റ: ബു​ധ​നാ​ഴ്ച രാ​ത്രി അ​പ്ര​തീ​ക്ഷി​ത​മാ​യി മ​ഴ ശ​ക്​​തി​പ്പെ​ട്ട​പ്പോ​ൾ ആ​രം​ഭി​ച്ച​താ​ണ്​ ഫു​ജൈ​റ​യി​ലെ​യും മ​റ്റി​ട​ങ്ങ​ളി​ലെ​യും ര​ക്ഷാ​പ്ര​വ​ർ​ത്ത​ന ദൗ​ത്യം. ആ​ഭ്യ​ന്ത​ര മ​ന്ത്രാ​ല​യ​ത്തി​ന്‍റെ നേ​തൃ​ത്വ​ത്തി​ൽ എ​ല്ലാ​വ​രു​ടെ​യും ജീ​വ​ൻ സു​ര​ക്ഷി​ത​മാ​ക്കു​ന്ന​തി​നാ​ണ്​ മു​ൻ​ഗ​ണ​ന ന​ൽ​കി​യ​ത്. വെ​ള്ള​ത്തി​ൽ മു​ങ്ങി​യ റോ​ഡു​ക​ളും വ​ഴി​ക​ളും ക​ട​ന്ന്​ വീ​ടു​ക​ളി​ൽ എ​ത്തി വൃ​ദ്ധ​രെ​യും കു​ട്ടി​ക​ളെ​യും അ​ട​ക്കം സാ​ഹ​സി​ക​മാ​യാ​ണ്​ ര​ക്ഷി​ച്ച​ത്. പൊ​ലീ​സി​നും സൈ​ന്യ​ത്തി​നും പു​റ​മെ വി​വി​ധ എ​മി​റേ​റ്റു​ക​ളി​ലെ ര​ക്ഷാ​സേ​ന​ക​ളും അ​ഗ്​​നി​ശ​മ​ന സേ​നാം​ഗ​ങ്ങ​ളും ദൗ​ത്യ​ത്തി​ന്​ എ​ത്തി​ച്ചേ​ർ​ന്നി​രു​ന്നു.

പ​ല​യി​ട​ങ്ങ​ളി​ലും വീ​ടു​ക​ളി​ലെ​ത്തി ബോ​ട്ടു​ക​ളി​ലാ​ണ്​ കു​ടും​ബ​ങ്ങ​ളെ സു​ര​ക്ഷി​ത സ്ഥാ​ത്തേ​ക്ക്​ മാ​റ്റി​യ​ത്. പ്ര​വാ​സി​ക​ൾ താ​മ​സി​ക്കു​ന്ന സ്ഥ​ല​ങ്ങ​ളി​ലും ര​ക്ഷാ​സേ​ന​യു​ടെ വാ​ഹ​ന​ങ്ങ​ൾ രാ​ത്രി​യും രാ​വി​ലെ​യു​മാ​യി കു​തി​ച്ചെ​ത്തി. ഹോ​ട്ട​ലു​ക​ളി​ലും മ​റ്റു താ​ൽ​ക്കാ​ലി​ക ഷെ​ൽ​ട്ട​റു​ക​ളി​ലേ​ക്കു​മാ​ണ്​ ഇ​വ​രെ മാ​റ്റി​യ​ത്. കു​ടും​ബ​ങ്ങ​ൾ​ക്ക്​ ആ​വ​ശ്യ​മാ​യ ഭ​ക്ഷ​ണ​വും ര​ക്ഷാ​പ്ര​വ​ർ​ത്ത​ക​ർ ഒ​രു​ക്കി​ന​ൽ​കി. ക​ന​ത്ത മ​ഴ​യി​ൽ പ്ര​യാ​സ​ത്തി​ലാ​യ 3,897 പേ​ർ​ക്ക് അ​ഭ​യം ന​ൽ​കി​യ​താ​യി ആ​ഭ്യ​ന്ത​ര മ​ന്ത്രാ​ല​യം ഔ​ദ്യോ​ഗി​ക വ​ക്താ​വ് ബ്രി​ഗേ​ഡി​യ​ർ ജ​ന​റ​ൽ ഡോ. ​അ​ലി സാ​ലിം അ​ൽ തു​നൈ​ജി പ​റ​ഞ്ഞു. മ​ഴ​പെ​യ്ത പ്ര​ദേ​ശ​ങ്ങ​ളി​ലു​ള്ള​വ​ർ വീ​ടി​ന് പു​റ​ത്തി​റ​ങ്ങു​ന്ന​ത്​ ഒ​ഴി​വാ​ക്ക​ണ​മെ​ന്ന്​ അ​ദ്ദേ​ഹം നി​ർ​ദേ​ശി​ച്ചു.

മ​ഴ കാ​ര​ണം വാ​ഹ​ന​ങ്ങ​ളി​ൽ കു​ടു​ങ്ങി​യ​വ​രെ ര​ക്ഷ​പ്പെ​ടു​ത്താ​ൻ നാ​ട്ടി​ലെ​പോ​ലെ മ​ല​യാ​ളി​ക​ൾ ഫു​ജൈ​റ​യി​ലും രം​ഗ​ത്തി​റ​ങ്ങി. പ​ല​രും വെ​ള്ള​ക്കെ​ട്ട് പ​രി​ച​യ​മി​ല്ലാ​തെ എ​ന്ത് ചെ​യ്യ​ണ​മെ​ന്ന് ആ​ശ​ങ്കി​ച്ച​പ്പോ​ൾ മ​ല​യാ​ളി​ക​ൾ ര​ക്ഷാ​പ്ര​വ​ർ​ത്ത​ന​ത്തി​ലെ നാ​ട്ടി​ലെ പ​രി​ച​യം ഉ​പ​യോ​ഗ​പ്പെ​ടു​ത്തി. കു​ട്ടി​ക​ളെ​യും പ്രാ​യം ചെ​ന്ന​വ​രെ​യും കൈ​പി​ടി​ച്ചും തോ​ളി​ലേ​റ്റി​യും ര​ക്ഷ​പ്പെ​ടു​ത്തി. കൂ​ടു​ത​ൽ അ​പ​ക​ട​ക​ര​മാ​യ സാ​ഹ​ച​ര്യം വ​ന്ന​തോ​ടെ സൈ​ന്യ​വും പൊ​ലീ​സും മ​റ്റു ര​ക്ഷാ​സേ​ന​യും എ​ല്ലാം ഏ​റ്റെ​ടു​ത്തു. സ്വ​ദേ​ശി​ക​ളാ​യ പ​ല​രും വീ​ടൊ​ഴി​യേ​ണ്ടി​വ​ന്ന​വ​ർ​ക്ക്​ താ​മ​സ​സ്ഥ​ല​വും ഭ​ക്ഷ​ണ​വും ഒ​രു​ക്കാ​നും രം​ഗ​​ത്തെ​ത്തി. സാ​ഹ​സി​ക​മാ​യാ​ണ്​ സൈ​ന്യം ചി​ല ഭാ​ഗ​ങ്ങ​ളി​ൽ കു​ടു​ങ്ങി​യ​വ​രെ ര​ക്ഷി​ച്ച​ത്. ഹെ​ലി​കോ​പ്​​ട​റി​ൽ എ​ത്തി​യാ​ണ്​ ചി​ല ഭാ​ഗ​ങ്ങ​ളി​ൽ ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത്.