വിവാഹമോചനം; ദിവസങ്ങൾക്കകവും അരനൂറ്റാണ്ടിനു ശേഷവും പിരിഞ്ഞവർ പട്ടികയിൽ

ദു​ബൈ: ക​ഴി​ഞ്ഞ വ​ർ​ഷം യു.​എ.​ഇ​യി​ൽ ന​ട​ന്ന വി​വാ​ഹ​മോ​ച​ന​ങ്ങ​ളു​ടെ പ​ട്ടി​ക​യി​ൽ ദി​വ​സ​ങ്ങ​ൾ​ക്ക​കം പി​രി​ഞ്ഞ​വ​ർ മു​ത​ൽ അ​ര​നൂ​റ്റാ​ണ്ടി​നു​ ശേ​ഷം പി​രി​ഞ്ഞ​വ​ർ വ​രെ. ആ​റ്​ ദ​മ്പ​തി​മാ​ർ ക​ഴി​ഞ്ഞ വ​ർ​ഷം ദാ​മ്പ​ത്യ​ജീ​വി​തം 10 ദി​വ​സം തി​ക​യു​ന്ന​തി​ന്​ മു​മ്പ്​ അ​വ​സാ​നി​പ്പി​ച്ചി​ട്ടു​ണ്ട്. ര​ണ്ടു ദി​വ​സ​ത്തി​നു​ ശേ​ഷം വി​വാ​ഹ മോ​ചി​ത​രാ​യ ദ​മ്പ​തി​ക​ളാ​ണ്​ ഏ​റ്റ​വും ചു​രു​ങ്ങി​യ കാ​ലം ഒ​രു​മി​ച്ചു ക​ഴി​ഞ്ഞ​വ​ർ. മ​റ്റൊ​രു കു​ടും​ബം ര​ണ്ടാ​യ​ത്​ വി​വാ​ഹം ക​ഴി​ഞ്ഞ്​ മൂ​ന്ന്​ ദി​വ​സ​ത്തി​നു​ ശേ​ഷ​മാ​ണ്. അ​തേ​സ​മ​യം, വി​വാ​ഹ​​മോ​ച​ന​ത്തി​ന്​ പ്രാ​യ​മി​ല്ലെ​ന്ന്​ തെ​ളി​യി​ച്ച്​ ഒ​രു​മി​ച്ചു​ള്ള ജീ​വി​ത​ത്തി​ൽ 56 വ​ർ​ഷ​ങ്ങ​ൾ പി​ന്നി​ട്ട ശേ​ഷം പി​രി​ഞ്ഞ​വ​രും പ​ട്ടി​ക​യി​ലു​ണ്ട്. ഇ​താ​ണ്​ ക​ഴി​ഞ്ഞ വ​ർ​ഷ​ത്തെ ഏ​റ്റ​വും പ്രാ​യ​മേ​റി​യ വി​വാ​ഹ​മോ​ച​നം. മ​റ്റൊ​ന്ന്​ ദാ​മ്പ​ത്യ​ത്തി​ന്‍റെ 49 വ​ർ​ഷ​ങ്ങ​ൾ പി​ന്നി​ട്ട ശേ​ഷ​മു​ള്ള​താ​ണ്.

നീ​തി​ന്യാ​യ മ​ന്ത്രാ​ല​യം പു​റ​ത്തി​റ​ക്കി​യ ഏ​റ്റ​വും പു​തി​യ ക​ണ​ക്കു​ക​ൾ പ്ര​കാ​ര​മാ​ണ്​ ഇ​ക്കാ​ര്യ​ങ്ങ​ൾ വ്യ​ക്​​ത​മാ​യ​ത്. 2022ൽ ​യു.​എ.​ഇ​യി​ൽ ആ​കെ രേ​ഖ​പ്പെ​ടു​ത്തി​യ​ത്​ 596 വി​വാ​ഹ​മോ​ച​ന കേ​സു​ക​ളാ​ണ്. ഇ​ത്​ മു​ൻ വ​ർ​ഷ​ത്തേ​ക്കാ​ൾ കു​റ​വാ​ണ്. 2021ൽ 648 ​കേ​സു​ക​ളാ​ണ്​ റി​പ്പോ​ർ​ട്ട്​ ചെ​യ്യ​പ്പെ​ട്ട​ത്. ക​ഴി​ഞ്ഞ വ​ർ​ഷ​ത്തെ 290 വി​വാ​ഹ​മോ​ച​ന കേ​സു​ക​ളും ഇ​മാ​റാ​ത്തി ദ​മ്പ​തി​ക​ളു​ടേ​താ​ണ്.

ബാ​ക്കി 180 എ​ണ്ണം പ്ര​വാ​സി​ക​ളും ഇ​മാ​റാ​ത്തി സ്ത്രീ​ക​ളും പൗ​ര​ന്മാ​ര​ല്ലാ​ത്ത ദ​മ്പ​തി​ക​ളും ത​മ്മി​ലു​ള്ള​താ​ണ്. പ​ര​സ്പ​ര അ​വി​ശ്വാ​സം, വി​വാ​ഹേ​ത​ര ബ​ന്ധ​ങ്ങ​ൾ, ത​യാ​റെ​ടു​പ്പി​ന്‍റെ​യും പ്ര​തി​ബ​ദ്ധ​ത​യു​ടെ​യും അ​ഭാ​വം, ശ​രി​യാ​യ ആ​ശ​യ​വി​നി​മ​യ​ത്തി​ന്‍റെ അ​ഭാ​വം, ശാ​രീ​രി​ക പീ​ഡ​ന​വും അ​ധി​ക്ഷേ​പ​വും, സോ​ഷ്യ​ൽ മീ​ഡി​യ, ഭാ​ര്യാ​ഭ​ർ​ത്താ​ക്ക​ന്മാ​രു​ടെ ഉ​ത്ത​ര​വാ​ദി​ത്ത​ങ്ങ​ൾ ഏ​റ്റെ​ടു​ക്കു​ന്ന​തി​ലെ പ​രാ​ജ​യം എ​ന്നി​വ​യാ​ണ് യു.​എ.​ഇ​യി​ൽ വി​വാ​ഹ​മോ​ച​ന​ത്തി​നു​ള്ള പ്ര​ധാ​ന കാ​ര​ണ​ങ്ങ​ളി​ൽ ചി​ല​തെ​ന്ന്​ ഫാ​മി​ലി കൗ​ൺ​സി​ല​ർ​മാ​രും സൈ​ക്കോ​ള​ജി​സ്റ്റു​ക​ളും അ​ഭി​പ്രാ​യ​പ്പെ​ടു​ന്നു.