അബൂദബിയിൽ ഭക്ഷണശാലകളിൽ നിയന്ത്രണങ്ങളിൽ ഇളവ്​

അബൂദബി: അബൂദബിയിലെ ഭക്ഷണശാലകളിൽ ഒര​ു കുടുംബത്തിലെ എത്രപേർക്കു​ ​വേണമെങ്കിലും ഒന്നിച്ചിരുന്നു ഭക്ഷണം കഴിക്കാൻ അനുമതി.

നിയന്ത്രണം ഒഴിവാക്കിയത്​ പ്രാബല്യത്തിൽ വന്നു. ഭക്ഷണശാലകളിലെ മൊത്തം ശേഷിയുടെ 60 ശതമാനം പേരെ മാത്രമേ അകത്ത് പ്രവേശിപ്പിക്കാവൂ എന്ന നിയന്ത്രണം തുടരും.

എമിറേറ്റിൽ നിയന്ത്രണങ്ങൾ കുറക്കുന്നതി​െൻറ ഭാഗമായാണ്​ നടപടികൾ. അടുത്ത മാസം മുതൽ അബൂദബിയിലെ നിയന്ത്രണങ്ങളിൽ കാര്യമായ ഇളവ്​ നൽകുമെന്ന്​ അറിയിച്ചിട്ടുണ്ട്​.വിനോദ സഞ്ചാര മേഖലയിലേക്ക്​ കൂടുതൽ പേരെ ആകർഷിക്കുന്നതി​െൻറ ഭാഗമായാണ്​ നടപടി.