റെക്കോഡ്​ തിരുത്തി ദുബൈ: ജലധാര തൂകി പാം ജുമൈറ

ദുബൈ: സ്വന്തം റെക്കോഡ്​ തിരുത്തിയെഴുതി ദുബൈയിൽ പുതിയ ജലധാര ഉയർന്നു. ബുർജ്​ ഖലീഫയുടെ മുന്നിലെ ഫൗണ്ടെയ്​നെ രണ്ടാം സ്​ഥാനത്തേക്ക്​ പിന്തള്ളി പാം ജുമൈറയിലെ ​പോയ​െൻറയിൽ 'പാം ഫൗണ്ടെയ്​​ൻ' തുറന്നു. 105 മീറ്റർ ഉയരത്തിൽ ഉയർന്നുപൊങ്ങിയ ജലധാര ഉദ്​ഘാടന ദിവസം തന്നെ ലോകത്തിലെ ഏറ്റവും വലിയ ഫൗണ്ടെയ്​ൻ എന്ന റെക്കോഡും​ സ്വന്തമാക്കി.

വ്യാഴാഴ്​ച വൈകീട്ട്​ നാലുമുതൽ രാത്രി 12 വരെ നടന്ന പരിപാടിയിൽ പാട്ടും മേളവുമായി 5000ത്തോളം പേർ പ​ങ്കെടുത്തു. ഗിന്നസ്​ വേൾഡ്​ റെക്കോഡ്​ സംഘവും പരിപാടി വീക്ഷിച്ചു. ഡി.ജെ, ഡാൻസ്​, കരിമരുന്ന്​ പ്രയോഗം തുടങ്ങിയവയുടെ അകമ്പടിയോടെയാണ്​ പുതിയ ഫൗണ്ടെയ്​നെ ദുബൈ സ്വാഗതം ചെയ്​തത്​. രജിസ്​റ്റർ ചെയ്​ത ശേഷം ആദ്യം എത്തിയ 5000 പേർക്ക്​ എൽ.ഇ.ഡി റിസ്​റ്റ്​ ബാൻഡുകൾ നൽകി.

• സമയവും സവിശേഷതകളും:

ദിവസവും വൈകീട്ട്​ ഏഴുമുതൽ രാത്രി 12 വരെയാണ്​ ഇവിടെ ഫൗണ്ടെയ്​ൻ ഷോ നടക്കുന്നത്​. 20 ഷോയിലായി അഞ്ച്​ വ്യത്യസ്​ത പ്രകടനങ്ങളുണ്ടാവും.പോപ്​, ക്ലാസിക്​, ഖലീജി എന്നിവക്ക്​ പുറമെ വിവിധ അന്താരാഷ്​ട്ര സംഗീതങ്ങൾക്കനുസൃതമായി ജലനൃത്തം നടക്കും. ഓരോ 30 മിനിറ്റ് പി​ന്നിടു​േമ്പാഴും മൂന്ന്​ മിനിറ്റ്​ ഷോ വീതമുണ്ടാകും. 14000 ചതുരശ്ര അടിയിലായി സ്​ഥാപിച്ചിരിക്കുന്ന ഫൗണ്ടെയ്​ൻ 105 മീറ്റർ വരെ ഉയർന്ന്​ കാഴ്​ചക്കാർക്ക്​ ഹരം പകരും.

കടൽ ജലം നേരിട്ട്​ ഇവിടേക്ക്​ എത്തിക്കുന്നു എന്നതാണ്​ വലിയൊരു പ്രത്യേകത. അതിനാൽ, വെള്ളം സ്​റ്റോക്ക്​ ചെയ്യേണ്ടി വരുന്നില്ല.3000 എൽ.ഇ.ഡി ലൈറ്റുകളാണ്​ നിറം പകരുന്നത്​. ഇരുവശങ്ങളിലായി 86 സ്​പീക്കറുകളും ഒരുക്കിയിട്ടുണ്ട്​.