വെ​ള്ള​ക്കെ​ട്ട്; റാ​സ​ല്‍ഖൈ​മയിൽ മ​ഴ​ക്കാ​ല മു​ന്നൊ​രു​ക്ക​ങ്ങ​ള്‍ ത​കൃ​തി

റാ​സ​ല്‍ഖൈ​മ: അ​ഴു​ക്കു​ചാ​ല്‍ ശൃം​ഖ​ല​ക​ളു​ടെ ന​വീ​ക​ര​ണ​ത്തി​നും കാ​ര്യ​ക്ഷ​മ​ത വ​ര്‍ധി​പ്പി​ക്കു​ന്ന​തി​നും സ​മ​ഗ്ര പ​ദ്ധ​തി​യു​മാ​യി റാ​ക് പൊ​തു​മ​രാ​മ​ത്ത് വ​കു​പ്പ്. അ​ടി​സ്ഥാ​ന സൗ​ക​ര്യ​ങ്ങ​ളു​ടെ ഗു​ണ​നി​ല​വാ​രം ഉ​റ​പ്പാ​ക്കി മ​ഴ​ക്കാ​ല കെ​ടു​തി​ക​ള്‍ ഒ​ഴി​വാ​ക്കു​ക​യാ​ണ് പ​ദ്ധ​തി​യു​ടെ ല​ക്ഷ്യം.

38 കി​ലോ മീ​റ്റ​ര്‍ ദൈ​ര്‍ഘ്യ​മു​ള്ള നെ​റ്റ്​​വ​ര്‍ക്കു​ക​ളു​ടെ ശു​ചീ​ക​ര​ണ പ്ര​വൃ​ത്തി​ക​ള്‍ക്കൊ​പ്പം പു​തു​താ​യി 12 കി​ലോ​മീ​റ്റ​ര്‍ ദൈ​ര്‍ഘ്യ​മു​ള്ള അ​ഴു​ക്കു​ചാ​ല്‍ ശൃം​ഖ​ല​ക​ളു​ടെ നി​ര്‍മാ​ണ​വും ഉ​ള്‍പ്പെ​ടു​ന്ന​താ​ണ് പ​ദ്ധ​തി.

ജ​ലം ശേ​ഖ​രി​ക്കു​ന്ന​തി​നു​ള്ള 2400 തു​റ​സ്സ് കേ​ന്ദ്ര​ങ്ങ​ളി​ലേ​ക്കു​ള്ള ഡ്രെ​യ്നേ​ജ് റൂ​മു​ക​ളി​ലെ മാ​ലി​ന്യ​ങ്ങ​ള്‍, 468 ഫെ​റി ട്രാ​ക്കു​ക​ളി​ലു​ള്ള ത​ട​സ്സ​ങ്ങ​ള്‍, അ​ഴി​മു​ഖ​ങ്ങ​ളി​ലു​ള്ള മാ​ലി​ന്യ​ങ്ങ​ള്‍, വാ​ദി​ക​ളി​ലെ ത​ട​സ്സ​ങ്ങ​ള്‍ തു​ട​ങ്ങി​യ​വ നീ​ക്കു​ന്ന പ്ര​വൃ​ത്തി​ക​ള്‍ സ​ജീ​വ​മാ​ണെ​ന്ന് അ​ധി​കൃ​ത​ര്‍ പ​റ​ഞ്ഞു. 15 വാ​ദി​ക​ളു​ടെ വി​ക​സ​നം, ജ​ല പ​മ്പി​ങ് സ്റ്റേ​ഷ​നു​ക​ളു​ടെ വി​ക​സ​നം, മ​ഴ​വെ​ള്ളം കെ​ട്ടി​ക്കി​ട​ക്കു​ന്ന അ​വ​സ്ഥ ഒ​ഴി​വാ​ക്ക​ല്‍, ഭൂ​ഗ​ര്‍ഭ ജ​ല​നി​ര​പ്പി​ന്‍റെ നി​യ​ന്ത്ര​ണം തു​ട​ങ്ങി​യ​വ പ​ദ്ധ​തി​യി​ലു​ള്‍പ്പെ​ടും.

ഖു​സാം, അ​ല്‍ദൈ​ത്, ദ​ഹാ​ന്‍, അ​ല്‍ മ്യാ​രീ​ദ്, ശൈ​ഖ് മു​ഹ​മ്മ​ദ് ബി​ന്‍ സാ​ലെം സ്ട്രീ​റ്റ്, അ​ല്‍ഖ്വാ​സിം കോ​ര്‍ണീ​ഷ്, ഫി​ഷ് മാ​ര്‍ക്ക​റ്റ് എ​ന്നി​വ 2020 മു​ത​ല്‍ പു​തി​യ നെ​റ്റ്‍വ​ർ​ക്ക് പ്രോ​ജ​ക്ടു​ക​ളി​ല്‍ ഉ​ള്‍പ്പെ​ടു​ന്ന​താ​ണ്. ശാം ​ആ​ശു​പ​ത്രി പ​രി​സ​ര​വും അ​ല്‍ റം​സ് റാ​ഷി​ദ് ശാ​ബി​യ​യു​മാ​ണ് ശാം ​മേ​ഖ​ല​യി​ലെ ര​ണ്ട് അ​ഴു​ക്കു​ചാ​ല്‍ ശൃം​ഖ​ല​ക​ള്‍. വാ​ദി ഷീ​ഹ്, ഖം​ദ് അ​ണ​ക്കെ​ട്ടു​ക​ളു​ടെ നി​ര്‍മാ​ണ​ത്തി​നു​ശേ​ഷം മ​ഴ​വെ​ള്ള പ​രി​പാ​ല​ന​ത്തി​ല്‍ പു​രോ​ഗ​തി​യു​ണ്ടാ​യ​താ​യി അ​ധി​കൃ​ത​ര്‍ അ​ഭി​പ്രാ​യ​പ്പെ​ട്ടു.

താ​ഴ്വാ​ര​ങ്ങ​ളി​ലെ അ​റ്റ​കു​റ്റ​പ്പ​ണി​ക​ളും പു​തി​യ നി​ര്‍മാ​ണ പ്ര​വൃ​ത്തി​ക​ളും വെ​ള്ള​ത്തി​ന്‍റെ കു​ത്തൊ​ഴു​ക്കി​ല്‍ അ​ടി​സ്ഥാ​ന സൗ​ക​ര്യ​ങ്ങ​ള്‍ക്ക് ഉ​ണ്ടാ​കാ​നി​ട​യു​ള്ള പ്ര​ത്യാ​ഘാ​ത​ങ്ങ​ള്‍ ഒ​ഴി​വാ​ക്കു​ന്ന​തി​ന് സ​ഹാ​യി​ക്കും. ജ​ബ​ല്‍ ജെ​യ്സ് പാ​ത​യി​ല്‍ വെ​ള്ളം ഒ​ഴു​ക്കി​വി​ടു​ന്ന​തി​നു​ള്ള സം​വി​ധാ​ന​ങ്ങ​ളും സു​സ​ജ്ജ​മാ​ണ്.

പ്ര​ധാ​ന ട്ര​ക്ക് റോ​ഡു​ക​ളി​ലൊ​ന്നാ​യ അ​ല്‍ ശു​ഹ​ദാ റോ​ഡി​ല്‍ 2,50,000 ച​തു​ര​ശ്ര വി​സ്തൃ​തി​യി​ലാ​ണ് കോ​ണ്‍ക്രീ​റ്റ് ജോ​ലി​ക​ള്‍ പൂ​ര്‍ത്തീ​ക​രി​ച്ചി​ട്ടു​ള്ള​ത്. വാ​ദി​ക​ളി​ലൂ​ടെ​യെ​ത്തു​ന്ന ജ​ല​ത്തി​ല്‍നി​ന്ന് പാ​ത​ക​ള്‍ക്ക് സം​ര​ക്ഷ​ണ​മൊ​രു​ക്കു​ന്ന​തി​ന് സ​ജ്ജീ​ക​രി​ച്ചി​ട്ടു​ള്ള സം​വി​ധാ​ന​ങ്ങ​ളും മ​ഴ​യെ​ത്തും​മു​മ്പേ പ​രി​ശോ​ധി​ച്ച് കാ​ര്യ​ക്ഷ​മ​ത ഉ​റ​പ്പു​വ​രു​ത്തും.