തേഞ്ഞിപ്പലം സ്വദേശി റാസല്‍ ഖൈമയില്‍ മരിച്ചു

ദുബൈ: റാസല്‍ഖൈമ റംസിലെ സ്വകാര്യ കമ്പനിയില്‍ മെക്കാനിക്ക് ആയി ജോലി ചെയ്തിരുന്ന തേഞ്ഞിപ്പലം കടക്കാട്ടുപാറ സ്വദേശി മുനീര്‍ (26) ഹൃദയാഘാതം മൂലം നിര്യാതനായി. ശനിയാഴ്ച പുലര്‍ച്ചെ മുറിയില്‍ ഉറങ്ങിക്കിടക്കുന്നതിനിടയിലാണ് മരണം. പിതാവ്: അബ്ദുല്‍ അസീസ്, ഉമ്മ: ആയിശ. രണ്ട് സഹോദരിമാരുണ്ട്.

 

കഴിഞ്ഞ അവധി പോയപ്പോള്‍ നിക്കാഹ് ചെയ്താണ് മുനീര്‍ റാസല്‍ ഖൈമയിലേക്ക് വന്നത്. മൂന്നു മാസം കഴിഞ്ഞ് വിവാഹം നടത്താനുള്ള ഒരുക്കങ്ങളിലായിരുന്നു. ഞായറാഴ്ച അസര്‍ നമസ്കാര ശേഷം സൈഫ് ഹോസ്പിറ്റല്‍ മസ്ജിദില്‍ മയ്യിത്ത് നമസ്കാരവും പ്രാര്‍ഥനയും നടത്തിയ ശേഷം മൃതദേഹം നാട്ടിലേക്ക് കൊണ്ടുവരും.