ഇ​ന്ത്യ​യി​ൽ​നി​ന്നു​ള്ള​വ​ർ​ക്ക്​ റാ​പി​ഡ്​ ടെ​സ്​​റ്റ്​ സ​മ​യം നീ​ട്ടി

ദു​ബൈ: ഇ​ന്ത്യ അ​ട​ക്കം ആ​റ്​ രാ​ജ്യ​ങ്ങ​ളി​ൽ​നി​ന്ന്​ വ​രു​ന്ന​വ​ർ യാ​ത്ര​ക്ക്​ നാ​ല്​ മ​ണി​ക്കൂ​റി​നു​ള്ളി​ലെ​ടു​ത്ത റാ​പി​ഡ്​ പി.​സി.​ആ​ർ​ പ​രി​ശോ​ധ​ന ഫ​ലം ഹാ​ജ​രാ​ക്ക​ണ​മെ​ന്ന നി​ബ​ന്ധ​ന​യി​ൽ മാ​റ്റം.

ആ​റ്​ മ​ണി​ക്കൂ​റി​നു​ള്ളി​ലെ​ടു​ത്ത പ​രി​ശോ​ധ​ന ഫ​ലം മ​തി​യെ​ന്ന്​ ദു​ബൈ സി​വി​ൽ ​ഏ​വി​യേ​ഷ​ൻ അ​തോ​റി​റ്റി​യു​ടെ പു​തി​യ നി​ർ​ദേ​ശ​ത്തി​ൽ പ​റ​യു​ന്നു. ഇ​ത്​ സം​ബ​ന്ധി​ച്ച നോ​ട്ടി​ഫി​ക്കേ​ഷ​ൻ ട്രാ​വ​ൽ ഏ​ജ​ൻ​സി​ക​ൾ​ക്ക്​ ല​ഭി​ച്ചു. ഇ​ന്ത്യ​ക്ക്​ പു​റ​മെ, പാ​കി​സ്​​താ​ൻ, ശ്രീ​ല​ങ്ക, നേ​പ്പാ​ൾ, നൈ​ജീ​രി​യ, ഉ​ഗാ​ണ്ട എ​ന്നീ രാ​ജ്യ​ങ്ങ​ൾ​ക്കാ​ണ്​ പു​തി​യ നി​ബ​ന്ധ​ന ബാ​ധ​കം.

യാ​ത്ര​ക്ക്​ നാ​ല്​ മ​ണി​ക്കൂ​റി​നു​ള്ളി​ൽ റാ​പി​ഡ്​ പ​രി​ശോ​ധ​ന ന​ട​ത്തു​ന്ന​തി​ന്​ വി​മാ​ന​ത്താ​വ​ള​ങ്ങ​ളി​ൽ വ​ൻ തി​ര​ക്ക്​ അ​നു​ഭ​വ​പ്പെ​ട്ടി​രു​ന്നു. കോ​ഴി​ക്കോ​ട്​ വി​മാ​ന​ത്താ​വ​ള​ത്തി​ൽ മൂ​ന്ന്​ കൗ​ണ്ട​ർ മാ​ത്ര​മാ​ണ്​ ഏ​ർ​പ്പെ​ടു​ത്തി​യി​രു​ന്ന​ത്. ര​ണ്ടോ മൂ​ന്നോ വി​മാ​ന​ങ്ങ​ൾ ഒ​രേ സ​മ​യം പു​റ​പ്പെ​ടാ​ൻ ത​യാ​റെ​ടു​ക്കു​േ​മ്പാ​ൾ യാ​ത്ര​ക്കാ​രു​ടെ തി​ര​ക്ക്​ ഇ​ര​ട്ടി​യാ​യി വ​ർ​ധി​ച്ചി​രു​ന്നു. ഈ ​സാ​ഹ​ച​ര്യ​ത്തി​ലാ​ണ്​ ആ​റ്​ മ​ണി​ക്കൂ​റാ​യി നീ​ട്ടി​യ​ത്.

യു.​എ.​ഇ​യി​ലേ​ക്കു​ള്ള യാ​ത്ര​ക്കാ​ർ ആ​റ്​ മ​ണി​ക്കൂ​ർ മു​ൻ​പ്​ വി​മാ​ന​ത്താ​വ​ള​ത്തി​ൽ ഹാ​ജ​രാ​ക​ണ​മെ​ന്ന്​ എ​യ​ർ ഇ​ന്ത്യ അ​ട​ക്ക​മു​ള്ള വി​മാ​ന​ക​മ്പ​നി​ക​ൾ ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ, ആ​റ്​ മ​ണി​ക്കൂ​ർ മു​​ൻ​പെ​ത്തി​യ യാ​ത്ര​ക്കാ​രെ വി​മാ​ന​ത്താ​വ​ള​ത്തി​നു​ള്ളി​ലേ​ക്ക്​ ക​യ​റ്റി​യി​രു​ന്നി​ല്ല. ഓ​രോ വി​മാ​ന​ങ്ങ​ളും പു​റ​പ്പെ​ടു​ന്ന​തി​ന്​ നാ​ല്​ മ​ണി​ക്കൂ​ർ മു​ൻ​പ്​ മാ​ത്ര​മാ​ണ്​ കൗ​ണ്ട​ർ പ്ര​വ​ർ​ത്തി​ച്ചി​രു​ന്ന​ത്. ഇ​തി​നെ​തി​രെ യാ​ത്ര​ക്കാ​ർ പ്ര​തി​ഷേ​ധ​വു​മാ​യി രം​ഗ​ത്ത്​ വ​ന്നി​രു​ന്നു.

റാ​പി​ഡ്​ പ​രി​ശോ​ധ​ന​ക്ക്​ കൊ​ള്ള നി​ര​ക്കാ​ണ്​ ഈ​ടാ​ക്കു​ന്ന​തെ​ന്നും ആ​രോ​പ​ണ​മു​യ​ർ​ന്നി​രു​ന്നു. തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ൽ 3400 രൂ​പ​യും മ​റ്റു​ള്ള സ്​​ഥ​ല​ങ്ങ​ളി​ൽ 2500 രൂ​പ​യു​മാ​ണ്​ നി​ര​ക്ക്. ഇ​ത്​ കു​റ​ക്കാ​ൻ സ​ർ​ക്കാ​ർ ഇ​ട​പെ​ടു​ന്നി​ല്ലെ​ന്നും പ​രാ​തി​യു​ണ്ട്.