സഹിഷ്​ണുതയുടെ മധുരം വിളമ്പി ഗുരുദ്വാരയിൽ വീണ്ടും ഇഫ്​താർ

ദുബൈ: മസ്​ജിദുകളും ട​​​െൻറുകളും മാത്രമല്ല, ദുബൈയിൽ  ഇഫ്​താറിനായി വലിയ സജ്ജീകരണം നടത്തുന്ന മറ്റൊരിടം കൂടിയുണ്ട്​. രാജ്യത്തെ സിഖ്​ മതസ്​ഥരുടെ ആരാധനാലയമായ ദുബൈ ഗുരുദ്വാര.   മന്ത്രിയും നയതന്ത്ര പ്രതിനിധികളുമടക്കം നൂറിലേറെ പേരെ പ​െങ്കടുപ്പിച്ച്​ ഇഫ്​താർ വിരുന്നൊരുക്കി സൗഹൃദത്തി​​​​െൻറ കണ്ണികൾ ഇക്കുറിയും കൂട്ടി വിളക്കി ഇവിടെ. ഇത്​ തുടർച്ചയായി ആറാം വർഷമാണ്​ ഗുരുദ്വാരയിൽ ഇഫ്​താർ സംഘടിപ്പിക്കുന്നത്​. ഖുർആൻ വച​നമോതി ആരംഭിച്ച ചടങ്ങിനിടയിൽ ബാങ്കുവിളി മുഴങ്ങിയപ്പോൾ ഏവരും ഒത്തൊരുമിച്ചിരുന്ന്​ നോമ്പ്​ തുറന്നു.

മുസ്​ലിംകളും സിഖുകാരും മാ​ത്രമല്ല^ ദുബൈയിൽ വസിക്കുന്ന വിവിധ ജനവിഭാഗങ്ങളുടെ ​പ്രതിനിധികളെല്ലാമുണ്ടായിരുന്നു ആ സദസ്സിൽ. മഗ്​രിബ്​ നമസ്​കാരത്തിനായി പായ വിരിച്ചതും ഗുരുദ്വാരക്ക്​ ഉള്ളിൽ തന്നെ. യു.എ.ഇ കാലാവസ്​ഥാ മാറ്റ^പരിസ്​ഥിതി മന്ത്രി ഡോ. താനി ബിൻ അഹ്​മദ്​ അൽ സിയൂദി, ഇന്ത്യൻ ​േകാൺസുൽ ജനറൽ വിപുൽ, യു.എസ്​ കോൺസുൽ ജനറൽ പോൾ മാലിക്​, ദുബൈ ഉപഭരണാധികാരിയുടെ ഒഫീസ്​ ഡയറക്​ടർ മിർസ അൽ സയീഗ്​, കമ്യൂനിറ്റി ഡവലപ്​മ​​​െൻറ്​ അതോറിറ്റി സി.ഇ.ഒ ഡോ. ഉമർ അൽ മുത്തന്ന, ദുബൈ കോപ്​റ്റിക്​ ചർച്ചിലെ ഫാദർ മിന ഹന്ന, ജബൽ അലി ചർച്ചിലെ പുരോഹിതൻ ഫാദർ ടിം ഹിയന്നി തുടങ്ങിയവർ അതിഥികളായെത്തി.

അൽ മനാർ സ​​​െൻറർ ​പ്രതിനിധി മൗലവി അബ്​ദുൽ ഹാദി റമദാൻ സന്ദേശം നൽകി. റമദാൻ നൽകുന്ന സൗഹാർദത്തി​​​​െൻറയും സാഹോദര്യത്തി​​​​െൻറയും മൂല്യങ്ങൾ കൂടുതൽ വിഭാഗങ്ങളുമായി പങ്കുവെക്കാനും ഹൃദയങ്ങളെ കൂടുതൽ അടുപ്പിക്കുകയുമാണ്​ ഇഫ്​താർ വിരുന്നു വഴി ലക്ഷ്യമിടുന്നതെന്ന്​ ദുബൈ ഗുരുദ്വാര ചെയർമാൻ സുരേന്ദർ സിംഗ്​ കന്ദാരി, വൈസ്​ ചെയർപേഴ്​സൺ ബബ്ബിൾസ്​ കന്ദാരി എന്നിവർ പറഞ്ഞു.