റമദാൻ: സ്​കൂൾ പ്രവൃത്തി സമയം കുറച്ചു

അബൂദബി: റമദാൻ മാസം പ്രമാണിച്ച്​ സ്​കൂൾ പ്രവൃത്തി സമയം കുറച്ചതായി വിദ്യാഭ്യാസ മന്ത്രാലയം പ്രഖ്യാപിച്ചു. മേയ്​ 28 മുതൽ അഞ്ച്​ മണിക്കൂറായിരിക്കും പരമാവധി സ്​കൂൾ പ്രവൃത്തി സമയം. ആൺകുട്ടികളുടെ സ്​കൂളുകൾ രാവിലെ എട്ടിനും പെൺകുട്ടികളുടെ സ്​കൂളുകളും കിൻറർഗാർട്ടനുകളും രാവിലെ ഒമ്പതിനും ആരംഭിക്കും. അസംബ്ലിയും കായിക പരിശീലനവും റമദാനിൽ ഒഴിവാക്കാനും നിർദേശിച്ചിട്ടുണ്ട്​. 

നിർജലീകരണവും തളർച്ചയും ഒഴിവാക്കുന്നതിന്​ വിദ്യാർഥികളെ വെയിലത്തേക്ക്​ വിടരുതെന്നും സ്​കൂൾ അധികൃതർക്ക്​ മന്ത്രാലയം നിർദേശം നൽകി. അസംബ്ലി ഒഴിവാക്കിയെങ്കിലും ആദ്യ പീരിയഡിൽ അഞ്ച്​ മിനിറ്റ്​ ദേശീയ ഗാനാലാപനത്തിന്​ അനുവദിച്ചു. ഒാരോ പീരിയഡും പരമാവധി 40 മിനിറ്റായിരിക്കും. ഇടവേളകൾ പത്ത്​ മിനിറ്റായും കുറച്ചിട്ടുണ്ട്​. വേനലവധിക്ക്​ സ്​കൂൾ അടക്കുന്ന ജൂൺ 22 വരെ ഇൗ സമയക്രമം ബാധകമാണ്​.