റ​മ​ദാ​ൻ: പ​രി​ശോ​ധ​ന​ക​ൾ സ​ജീ​വ​മാ​ക്കി

ഫു​ജൈ​റ: റ​മ​ദാ​ൻ പ്ര​മാ​ണി​ച്ച്​ പൊ​തു​സു​ര​ക്ഷ ഉ​റ​പ്പാ​ക്കു​ന്ന​തി​നാ​യി പ​രി​ശോ​ധ​ന​ക​ൾ സ​ജീ​വ​മാ​ക്കി വി​വി​ധ എ​മി​റേ​റ്റു​ക​ളി​ലെ അ​ധി​കൃ​ത​ർ. ഭ​ക്ഷ്യ​സു​ര​ക്ഷ ഉ​റ​പ്പാ​ക്കു​ന്ന​തി​നാ​യി റ​സ്റ്റാ​റ​ന്റു​ക​ളി​ലും റോ​ഡ് സു​ര​ക്ഷ കൂ​ട്ടാ​ൻ പ​ള്ളി​ക​ൾ​ക്ക് സ​മീ​പ​വും പ​രി​ശോ​ധ​ന​ക​ൾ വ​ർ​ധി​പ്പി​ച്ചു. ഫു​ജൈ​റ മു​നി​സി​പ്പാ​ലി​റ്റി ഭ​ക്ഷ​ണ​ശാ​ല​ക​ളി​ലാ​യി ആ​കെ 687 പ​രി​ശോ​ധ​ന റൗ​ണ്ടു​ക​ൾ പൂ​ർ​ത്തി​യാ​ക്കി.

ക​ർ​ശ​ന​മാ​യ ശു​ചി​ത്വ മാ​ന​ദ​ണ്ഡ​ങ്ങ​ൾ പാ​ലി​ക്കു​ന്നു​ണ്ടോ​യെ​ന്ന​തി​നൊ​പ്പം ഭ​ക്ഷ​ണ​ത്തി​ന്‍റെ വി​ല, ലേ​ബ​ലി​ങ്, ആ​രോ​ഗ്യ​നി​യ​മ​ങ്ങ​ൾ പാ​ലി​ക്ക​ൽ എ​ന്നി​വ​യും ഇ​ൻ​സ്പെ​ക്ട​ർ​മാ​ർ പ​രി​ശോ​ധി​ച്ച​താ​യി ഫു​ജൈ​റ മു​നി​സി​പ്പാ​ലി​റ്റി ഡ​യ​റ​ക്ട​ർ ജ​ന​റ​ൽ എ​ൻ​ജി. ഹ​സ​ൻ സാ​ലിം അ​ൽ യ​മ​ഹി പ​റ​ഞ്ഞു. പൊ​തു​ജ​നാ​രോ​ഗ്യം സം​ര​ക്ഷി​ക്കു​ന്ന​തി​നും വി​പ​ണി​യി​ൽ സു​താ​ര്യ​ത ഉ​റ​പ്പാ​ക്കു​ന്ന​തി​നു​മാ​യാ​ണ്​ പ​ദ്ധ​തി​ക​ൾ ന​ട​പ്പാ​ക്കി​യ​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ഷാ​ർ​ജ​യി​ൽ ട്രാ​ഫി​ക്​ പൊ​ലീ​സ്​ പ​ള്ളി​ക​ൾ​ക്ക്​ സ​മീ​പ​ത്തെ പ​ട്രോ​ളി​ങ്​ സ​ജീ​വ​മാ​ക്കി. പ്ര​ത്യേ​കി​ച്ച്​ ന​മ​സ്കാ​ര സ​മ​യ​ങ്ങ​ളി​ൽ പാ​ർ​ക്കി​ങ്​ നി​യ​ന്ത്രി​ക്കു​ക​യും പ്രാ​ർ​ഥ​ന​ക്കെ​ത്തു​ന്ന​വ​രു​ടെ വാ​ഹ​ന​ങ്ങ​ൾ​ക്ക്​ സൗ​ക​ര്യ​മൊ​രു​ക്കു​ക​യും ചെ​യ്യു​ന്നു​ണ്ട്. അ​പ​ക​ട​ങ്ങ​ൾ​ക്കും ഗ​താ​ഗ​ത​ക്കു​രു​ക്കി​നും കാ​ര​ണ​മാ​കു​ന്ന നി​യ​മ​വി​രു​ദ്ധ പാ​ർ​ക്കി​ങ്​ ത​ട​യാ​ൻ ശ​ക്​​ത​മാ​യ നി​രീ​ക്ഷ​ണ​വും അ​ധി​കൃ​ത​ർ ന​ട​ത്തു​ന്നു​ണ്ട്.