റമദാൻ കായികമേളക്ക്​ തുടക്കം

ദുബൈ:  നാദൽശിബ (നാസ്​) റമദാൻ സ്​പോർട്​സ്​ ടൂർണമ​​െൻറ്​ യു.എ.ഇ നാഷണൽ ഒളിമ്പിക്​ കമ്മിറ്റി പ്രസിഡൻറ്​ ശൈഖ്​ അഹ്​മദ്​ ബിൻ മുഹമ്മദ്​ ബിൻ റാശിദ്​ ആൽ മക്​തൂം ഉദ്​ഘാടനം ചെയ്​തു. ഇത്​ അഞ്ചാം തവണയാണ്​ റമദാൻ രാത്രികളെ സജീവമാക്കി ദുബൈ കായികമേള ഒരുക്കുന്നത്​. യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂമി​​​െൻറ അഭിലാഷ പ്രകാരം ഇൗ വർഷം ദൃഡമനസ്​കരായവരുടെ മത്സരങ്ങൾക്കാണ്​ ഉൗന്നൽ  നൽകുന്നതെന്ന്​ ശൈഖ്​ അഹ്​മദ്​ ബിൻ മുഹമ്മദ്​ പറഞ്ഞു. ഭിന്നശേഷിക്കാരായ ഇവർക്ക്​ പ്രത്യേക ശ്രദ്ധ നൽകാൻ റമദാൻ മാസമാണ്​ ഏറ്റവും ഉചിതമെന്ന്​ അദ്ദേഹം പറഞ്ഞു.

ദുബൈ കിരീടാവകാശിയും ദുബൈ സ്​പോർട്​സ്​ കൗൺസിൽ പ്രസിഡൻറുമായ ശൈഖ്​ ഹംദാൻ ബിൻ മുഹമ്മദ്​ ബിൻ റാശിദ്​ ആൽ മക്​തൂമും നാസ്​ സ്​പോർട്​സ്​ കോംപ്ലക്​സിൽ നടന്ന ചടങ്ങിൽ സംബന്ധിച്ചു. ആദ്യ ദിവസം തന്നെ നിരവധി വിശിഷ്​ട വ്യക്​തികളുടെ സാന്നിധ്യം ചടങ്ങിന്​ പ്രൗഡി പകർന്നു.
വിവിധ ഇനങ്ങളിലായി നടക്കുന്ന ടൂർണമ​​െൻറിൽ മൊത്തം സമ്മാനത്തുക 60 ലക്ഷം ദിർഹമാണ്​.വോളിബാൾ, ഫുട്​സാൽ, പെഡൽ, വീൽചെയർ ബാസ്​കറ്റ്​ബാൾ, ​േറാഡ്​ ഒാട്ടം, റോഡ്​ സൈക്ലിങ്​ എന്നീ ഇനങ്ങൾക്ക്​ പുറമെ ഇത്തവണ പുതുതായി മൂന്ന്​ ഇനങ്ങൾ കൂടി ഉൾപ്പെടുത്തിയിട്ടുണ്ട്​. ഫെൻസിങ്​, ബധിരർക്കായുള്ള ഫുട്​ബാൾ, ഫിറ്റ്​നസ്​ ചാലഞ്ച്​ എന്നിവയാണിവ.