കുവൈതാത്തിൽ റമദാൻ ഫ്രിഡ്​ജ്​ സ്​ഥാപിച്ച്​ കൊടുങ്ങല്ലൂർ സ്വദേശി

അൽ​െഎൻ: അൽ​െഎൻ കുവൈതാത്തിൽ താമസിക്കുന്ന വീടി​​​െൻറ ഗെയിറ്റിൽ റമദാൻ ഫ്രിഡ്​ജ്​ സ്​ഥാപിച്ച്​ കൊടുങ്ങല്ലൂർ സ്വദേശി റഫീഖി​​​െൻറ സേവനം. അൽ​െഎൻ നഗരസഭയുടെ പ്രത്യേക അനുമതിയോടെയാണ്​ ഫ്രിഡ്​ജ്​ സ്​ഥാപിച്ചത്​.  വൈകുന്നേരം അഞ്ച്​ മുതൽ രാത്രി ഒമ്പത്​ വരെയാണ്​ ഫ്രിഡ്​ജിൽനിന്ന്​ അന്നപാനീയങ്ങൾ ലഭിക്കുക.

ദുബൈയിലെ റമദാൻ ഫ്രിഡ്​ജ്​ എന്ന പദ്ധതിയിൽനിന്ന്​ പ്രചോദനം ഉൾക്കൊണ്ടാണ്​ ത​​​െൻറ നടപടിയെന്ന്​ റഫീഖ്​ പറഞ്ഞു. ഇൗ സംരംഭം ഒരിടത്ത്​ മാത്രം ഒതുക്കാതെ അൽ​െഎനി​​​െൻറ വിവിധ ഭാഗങ്ങളിലേക്ക്​ വ്യാപിപ്പിക്കാനും ആഗ്രഹിക്കുന്നുണ്ട്​. തനിക്ക്​ എല്ലാ ജീവിത സൗഭാഗ്യങ്ങളും നൽകിയ ഇൗ നാട്ടിൽ പൊതു സമൂഹത്തിന്​ ഗുണകരമായതെന്തെങ്കിലും ചെയ്യണമെന്ന ആഗ്രഹമാണ്​ തന്നെ നയിക്കുന്നതെന്നും അദ്ദേഹം കൂട്ടിച്ചേർത്തു.

ലേബർ ക്യാമ്പുകളിലെയും മരുഭൂമിയിലെ കൃഷിസ്​ഥലങ്ങളിലെയും തൊഴിലാളികൾ പാർക്കുന്ന സ്​ഥലങ്ങളിൽ റമദാൻ ഫ്രിഡ്​ജ്​ വ്യാപിപ്പിക്കാനുള്ള ശ്രമത്തിലാണ്​ റഫീഖ്​. റമദാന്​ ശേഷവും ഇൗ സംവിധാനം നിലനിർത്താനും ഉദ്ദേശിക്കുന്നു​. പഴങ്ങൾ, ജ്യൂസ്​, വെള്ളം, മോര്​ തുടങ്ങിയവ പൊതുജനങ്ങൾക്ക്​ ഫ്രിഡ്​ജിൽ നിക്ഷേപിക്കാനുള്ള സൗകര്യവുമുണ്ട്​. ഭക്ഷ്യസുരക്ഷ മുൻനിർത്തി വീട്ടിലോ ഹോട്ടലിലോ പാചകം ചെയ്​ത വിഭവങ്ങൾ ഫ്രിഡ്​ജിൽ അനുവദനീയമല്ല. അൽ​െഎനിലെ കൂടുതൽ മേഖലകളിലേക്ക്​ റമദാൻ ഫ്രിഡ്​ജി​​​െൻറ വ്യാപനത്തിന്​ ആർക്കും സഹകരിക്കാമെന്നും റഫീഖ്​ പറഞ്ഞു. ഫോൺ: റഫീഖ്​ 050 4493723.