കായിക രാവുകൾ

വിശ്വാസികളെ സംബന്ധിച്ചിടത്തോളം ഭക്​തിനിർഭരമായ രാവാണ്​ റമദാനിലേത്​. വീടകങ്ങളിലും പള്ളികളിലും പ്രാർഥനകളാൽ കഴിഞ്ഞുകൂടുന്ന രാവുകൾ. എന്നാൽ, ഈ പരിശുദ്ധ രാവുകളിലും യു.എ.ഇയിലെ കളിക്കളങ്ങളുടെ ഫ്ലഡ്​ലൈറ്റുകൾ തെളിഞ്ഞുതന്നെ കിടക്കും. കേവലം കളി മാത്രമല്ല ഇവിടെ നടക്കുന്നത്​. നോമ്പുതുറയും രാത്രി നമസ്കാരവും ഇടയത്താഴവുമെല്ലാം ഈ രാത്രിവെളിച്ചങ്ങൾക്ക്​ കീഴിൽ നടക്കുന്നുണ്ടാവും.

റമദാനിലും കായിക പ്രവർത്തനങ്ങൾക്ക്​ അവധി കൊടുക്കേണ്ടതില്ല എന്ന വ്യക്​തമായ സന്ദേശമാണ്​ യു.എ.ഇ ഇതിലൂടെ നൽകുന്നത്​. റമദാൻ മാസത്തിന്​ മാത്രമായി ചിട്ടപ്പെടുത്തിയ ടൂർണമെന്‍റുകൾ പോലും ഇവിടെയുണ്ട്​. റമാൻ ക്രിക്കറ്റ്​ ടൂർണമെന്‍റുകളാണ്​ ഇതിന്​ ഉദാഹരണം. യു.എ.ഇയുടെ വിവിധ ഭാഗങ്ങളിൽ ഇത്തരം ക്രിക്കറ്റ്​ ടൂർണമെന്‍റുകളുണ്ടാകും. വമ്പൻ ടീമുകൾ പ​ങ്കെടുക്കുന്ന ടൂർണമെന്‍റാണ്​ ഷാർജ ക്രിക്കറ്റ്​ സ്​റ്റേഡിയത്തിലെ ക്രിക്കറ്റ്​ ലീഗ്​. ഇക്കുറിയും ലീഗ്​ പ്രഖ്യാപിച്ചിട്ടുണ്ട്​.

ഷാർജയിലെ റമദാൻ ക്രിക്കറ്റിന്​ മൂന്ന്​ പതിറ്റാണ്ടിന്‍റെ പഴക്കമുണ്ട്​.​ 1989ൽ ​തു​ട​ങ്ങി​യ​താ​ണ്​ ഇ​വി​​ടു​ത്തെ റ​മ​ദാ​ൻ ക്രി​ക്ക​റ്റ്. ഇ​ന്ത്യ, പാ​കി​സ്താ​ൻ ഉ​ൾ​പെ​ടെ​യു​ള്ള രാ​ജ്യ​ങ്ങ​ളി​ലെ ദേ​ശീ​യ താ​ര​ങ്ങ​ൾ പോ​ലും ആ​ദ്യ കാ​ല​ങ്ങ​ളി​ൽ ക​ളി​ച്ചി​രു​ന്നു. പി​ന്നീ​ട്, ക്ല​ബ്ബു​ക​ളു​ടെ മ​ത്സ​ര​മാ​യി മാ​റി. ഇ​പ്പോ​ഴും ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ലെ താ​ര​ങ്ങ​ൾ റ​മ​ദാ​ൻ ക്രി​ക്ക​റ്റി​ൽ പ​​ങ്കെ​ടു​ക്കു​ന്നു. യു.​എ.​ഇ​യി​ലെ ആ​ഭ്യ​ന്ത​ര ക്രി​ക്ക​റ്റ്​ താ​ര​ങ്ങ​ൾ​ക്ക്​ ഏ​റ്റ​വും തി​ര​ക്കു​പി​ടി​ച്ച സ​മ​യ​മാ​ണ്​ റ​മ​ദാ​ൻ രാ​വു​ക​ൾ. നോ​മ്പി​ലെ പ​കു​തി ദി​വ​സ​വും ക്രി​ക്ക​റ്റ്​ ഉ​ണ്ടാ​വും. ചൂ​ടു​കാ​ല​മാ​യ​തി​നാ​ൽ രാ​ത്രി​യാ​യി​രി​ക്കും മ​ത്സ​രം. എ​ങ്കി​ലും, ഉ​ച്ച​ക്ക്​ ശേ​ഷം തുടങ്ങു​ന്ന മ​ത്സ​ര​ങ്ങ​ളു​മു​ണ്ട്. നോ​മ്പു​തു​റ​ന്ന ശേ​ഷം എ​ട്ട്​ മ​ണി​യോ​ടെ​യാ​ണ്​ ഭൂ​രി​പ​ക്ഷം മ​ത്സ​ര​ങ്ങ​ളും അ​ര​ങ്ങേ​റു​ന്ന​ത്. നോ​മ്പു​തു​റ​ക്കാ​നു​ള്ള സൗ​ക​ര്യം സ്​​റ്റേ​ഡി​യ​ത്തി​ലു​ണ്ടാ​കും. താ​ര​ങ്ങ​ൾ ഒ​രു​മി​ച്ചു​ള്ള ന​മ​സ്കാ​ര​വും ഇ​വി​ടെ​ നടക്കും.

ഷാ​ർ​ജ സ്​​​റ്റേ​ഡി​യ​ത്തി​ൽ മാ​ത്ര​മ​ല്ല, യു.​എ.​ഇ​യു​ടെ പ​ല​ഭാ​ഗ​ങ്ങ​ളി​ലും റ​മ​ദാ​ൻ ക്രി​ക്ക​റ്റ്​ ന​ട​ക്കു​ന്നു​ണ്ട്. ഷാ​ർ​ജ ക്രി​ക്ക​റ്റ്​ കൗ​ൺ​സി​ലി​ന്‍റെ നേ​തൃ​ത്വ​ത്തി​ൽ അ​ൽ ദൈ​ദി​ലും ടൂ​ർ​ണ​മെ​ന്‍റ്​ ന​ട​ക്കാ​റു​ണ്ട്. ഷാ​ർ​ജ സ്​​കൈ​ലൈ​ൻ കോ​ള​ജ്​ ഗ്രൗ​ണ്ടി​ൽ നി​ര​വ​ധി ടൂ​ർ​ണ​മെ​ന്‍റു​ക​ളാ​ണ്​ രാ​ത്രി​കാ​ല​ങ്ങ​ളി​ൽ ന​ട​ക്കു​ന്ന​ത്. സ്വ​കാ​ര്യ സ്ഥാ​പ​ന​ങ്ങ​ളും സം​ഘ​ട​ന​ക​ളു​മെ​ല്ലാം ഇ​വി​ടെ മ​ത്സ​രം ന​ട​ത്തു​ന്നു​ണ്ട്. മ​ണി​ക്കൂ​റി​ന്​ 500 മു​ത​ൽ മു​ക​ളി​ലേ​ക്കാ​ണ്​ ഫീ​സ്. ഒ​ന്ന​ര പ​തി​റ്റാ​ണ്ടാ​യി അ​ജ്​​മാ​ൻ ക്രി​ക്ക​റ്റ്​ കൗ​ൺ​സി​ൽ റ​മ​ദാ​ൻ ടൂ​ർ​ണ​മെ​ന്‍റു​ക​ൾ ന​ട​ത്തു​ന്നു. ഉ​മ്മു​ൽ ഖു​വൈ​നി​ൻ കി​ക്ക​റ്റ്​ ക്ല​ബ്ബി​ന്‍റെ നേ​തൃ​ത്വ​ത്തി​ലും ടൂ​ർ​ണ​മെ​ന്‍റു​ക​ളു​ണ്ട്. ക​ളി ക​ഴി​ഞ്ഞ്​ വീ​ട്ടി​ലെ​ത്തി ഇ​ട​യ​ത്താ​ഴ​ത്തി​നും ന​മ​സ്കാ​ര​ത്തി​നും ശേ​ഷ​മാ​യി​രി​ക്കും ഉ​റ​ക്കം.

നാദൽ ഷിബ സ്​പോർട്​സാണ് (നാസ്​)​ മറ്റൊരു പ്രധാന റമദാൻ ടൂർണമെന്‍റ്​. ദുബൈ സ്​പോർട്​സ്​ കൗൺസിലിന്‍റെ നേതൃത്വത്തിൽ നാദൽ ഷിബ സ്പോർട്​സ്​ കോംപ്ലക്സിലാണ്​ വിവിധ കായിക മത്സരങ്ങൾ അരങ്ങേറുക. റമദാൻ രാവുകളെ സജീവമാക്കി എട്ട്​ കായിക മത്സരങ്ങളാണ്​ സംഘടിപ്പിക്കുന്നത്​. വോളിബാൾ, പാഡൽ ടെന്നിസ്​, അമ്പെയ്ത്ത്​, ഫെൻസിങ്​, ഓട്ടം, സൈക്ലിങ്​, വീൽചെയർ ബാസ്​ക്കറ്റ്​ബാൾ, ജിയു ജിത്​സു തുടങ്ങിയവയാണ്​ നാസ്​ സ്​പോർട്​സിന്‍റെ ഭാഗമായി നടക്കുന്നത്​. ഇതിന്‍റെ രജിസ്ട്രേഷൻ ആരംഭിച്ചുകഴിഞ്ഞു. പ്രവാസികൾക്കും സ്വദേശികൾക്കും പ​ങ്കെടുക്കാം. റമദാൻ രാവുകളിലായിരിക്കും മത്സരങ്ങൾ. വ്യക്​തിഗതമായും സംഘങ്ങളായും മത്സരത്തിന്​ രജിസ്റ്റർ ചെയ്യാം.

ഇതിനെല്ലാം പുറമെ റമദാൻ രാവുകളിൽ സൈക്കിളുമായി റൈഡിനിറങ്ങുന്ന നിരവധി റൈഡർമാർ ദുബൈയിലുണ്ട്​. രാത്രി നമസ്കാരത്തിന്​ ശേഷം തുടങ്ങി ഇടയ​ത്താഴത്തോടെ അവസാനിക്കുന്നതാണ്​ ഇവരുടെ റൈഡുകൾ. ഇക്കൂട്ടത്തിൽ മലയാളികളും കുറവല്ല.