അനുമതിയില്ലാതെ റമദാൻ തമ്പ്​ നിർമിച്ചാൽ 10000 ദിർഹം പിഴ

അബൂദബി: അനുമതി വാങ്ങാതെ റമദാൻ തമ്പ്​ നിർമിച്ചാൽ 10000 ദിർഹം വരെ പിഴ അടക്കേണ്ടി വരുമെന്ന്​ അബൂദബി നഗരസഭ മുന്നറിയിപ്പ്​ നൽകി. നിയമലംഘകരുടെ ചെലവിൽ തന്നെ തമ്പ്​ പൊളിച്ച്​ മാറ്റേണ്ടിവരുമെന്നും അധികൃതർ വ്യക്​തമാക്കി. താൽക്കാലിക തമ്പ്​ ​െകട്ടാൻ ഉദ്ദേശിക്കുന്നവർ നഗരസഭയിൽ അപേക്ഷ സമർപ്പിക്കണം. അപേക്ഷയോടൊപ്പം ആവശ്യമുള്ള രേഖകളും നഗരസഭയുടെ നിബന്ധനകൾ പാലിക്കുമെന്ന സമ്മതപത്രവും സമർപ്പിക്കണം. പെർമിറ്റുകൾ അനുവദിക്കുന്നത്​ സൗജന്യ സേവനമാണെന്നും ഫീസ്​ ഇൗടാക്കുന്നില്ലെന്നും നഗരസഭ അറിയിച്ചു.

അപേക്ഷകൾ വിശകലനം ചെയ്​ത ശേഷം തമ്പ്​ ​െകട്ടുന്ന സ്​ഥല​ം അധികൃതർ പരിശോധിച്ച ശേഷമാണ്​ അനുമതി നൽകുക. തമ്പ്​ ​െകട്ടുന്നതിന്​ നിരവധി നിബന്ധനകളും നഗരസഭ മുന്നോട്ട്​ വെക്കുന്നുണ്ട്​. തമ്പിനോട്​ ചേർന്ന്​ അനുബന്ധ നിർമിതികൾ ഉണ്ടാക്കരുത്​, നിശ്ചിത അതിരുകൾക്കപ്പുറത്തേക്ക്​ ട​​​െൻറ്​ നിർമിക്കുകയോ അതിർ വേർതിരിച്ച വസ്​തുക്കൾക്ക്​ നാശനഷ്​ടമുണ്ടാക്കുകയോ ചെയ്യരുത്​, തെരുവുകൾ, പാതകൾ, കെട്ടിടങ്ങളിലേക്കുള്ള വഴികൾ, കാർ പാർക്കിങ്​ ഇടങ്ങൾ, അടിയന്തര പാതകൾ എന്നിവയിൽ തടസ്സമുണ്ടാക്കരുത്​, കാൽനടക്കാർക്ക്​ തടസ്സമാകരുത്​, സ്വകാര്യ വ്യക്​തികളുടെയോ മൂന്നാം കക്ഷിയുടെയോ സ്​ഥലത്ത്​ ട​​​െൻറ്​ നിർമിക്കരുത്​ തുടങ്ങിയവയാണ്​ നിബനധനകൾ.

റമദാൻ തമ്പുകളുടെ സുരക്ഷയുടെ കാര്യത്തിൽ ഉന്നത നിലവാരമാണ്​ നഗരസഭ നിഷ്​കർഷിക്കുന്നത്​. അതിനാൽ സിവിൽ ഡിഫൻസ്​ ജനറൽ ഡയറക്​ടറേറ്റ്​, വൈദ്യുതി കണക്​ഷൻ നൽകുന്ന അബൂദബി ഡിസ്​ട്രിബ്യൂഷൻ കമ്പനി എന്നിവയിൽനിന്ന്​ ആവശ്യമായ അനുമതികൾ നേടിയിരിക്കണം. പൊതു റോഡുകൾക്കോ പാർക്കിങ്​ ഇടങ്ങൾക്കോ സമീപത്താണെങ്കിൽ ​ഗാതാഗത^പട്രോൾ വകുപ്പ്​ ഉദ്യോഗസ്​ഥരും സ്​ഥലം സന്ദർശിച്ച്​ പ്രശ്​നങ്ങളില്ലെന്ന്​ ഉറപ്പുവരുത്തണം. തമ്പുകൾ കെട്ടിയതിന്​ ശേഷം നഗരസഭ അധികൃതർ പരിശോധന നടത്തും. കഴിഞ്ഞ വർഷം അബൂദബിയിലും സമീപ പ്രദേശങ്ങളിലുമായി 155 ട​​​െൻറുകൾക്കാണ്​ അനുമതി നൽകിയിരുന്നത്​.