യു.എ.ഇയിൽ റമദാൻ കാമ്പയിന്​ തുടക്കം

ദു​ബൈ: റ​മ​ദാ​ൻ വ്ര​ത​മെ​ടു​ക്കു​ന്ന​​വ​ർ ഉ​ൾ​പ്പെ​ടെ രാ​ജ്യ​ത്തി​ന​ക​ത്തും പു​റ​ത്തു​മു​ള്ള ദ​രി​ദ്ര ജ​ന​വി​ഭാ​ഗ​ത്തെ സ​ഹാ​യി​ക്കാ​ൻ ല​ക്ഷ്യ​മി​ട്ട്​ യു.​എ.​ഇ​യി​ലെ ജീ​വ​കാ​രു​ണ്യ സം​ഘ​ട​ന​യാ​യ ദാറുൽ ബിർറ് സൊ​സൈ​റ്റി റ​മ​ദാ​ൻ കാ​മ്പ​യി​ൻ ആ​രം​ഭി​ച്ചു. 16 കോ​ടി ദി​ർ​ഹം സ​മാ​ഹ​രി​ക്കു​ക​യാ​ണ്​ ല​ക്ഷ്യ​മെ​ന്ന്​ ദാറുൽ ബിർറ് സൊ​സൈ​റ്റി ആ​സ്ഥാ​ന​ത്ത്​ വാ​ർ​ത്ത​സ​മ്മേ​ള​ന​ത്തി​ൽ സി.​ഇ.​ഒ ഡോ. ​മു​ഹ​മ്മ​ദ്​ സു​ഹൈ​ൽ അ​ൽ മു​ഹൈ​രി പ​റ​ഞ്ഞു. യു.​എ.​ഇ ഭ​ര​ണാ​ധി​കാ​രി​ക​ളു​ടെ ചാ​രി​റ്റി പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി എ​ല്ലാ റ​മ​ദാ​നി​ലും ധ​ന​സ​മാ​ഹ​ര​ണ​ത്തി​നാ​യി ദാറുൽ ബിർറ് സൊ​സൈ​റ്റി റ​മ​ദാ​ൻ കാ​മ്പ​യി​ൻ ന​ട​ത്താ​റു​ണ്ട്. ‘ന​ൻ​മേ​ച്ഛു​ക്ക​ളെ മു​ന്നോ​ട്ടു​വ​രൂ’ എ​ന്ന​താ​ണ്​ ഇ​ത്ത​വ​ണ​ത്തെ കാ​മ്പ​യി​​ൻ ത​ല​ക്കെ​ട്ട്.

​റ​മ​ദാ​ൻ വ്ര​ത​മെ​ടു​ക്കു​ന്ന​വ​ർ, അ​നാ​ഥ​ർ, രോ​ഗി​ക​ൾ, വി​ധ​വ​ക​ൾ, ക​ട​ബാ​ധ്യ​ത​യു​ള്ള​വ​ർ, പാ​വ​പ്പെ​ട്ട​വ​ർ, ദു​ർ​ബ​ല വി​ഭാ​ഗ​ങ്ങ​ൾ എ​ന്നി​വ​രെ സ​ഹാ​യി​ക്കു​ക​യാ​ണ്​ കാ​മ്പ​യി​ന്‍റെ ദൗ​ത്യം. നാ​ല്​ സീ​സ​ണ​ൽ പ​ദ്ധ​തി​ക​ൾ ഉ​ൾ​പ്പെ​ടെ 16 പ​ദ്ധ​തി​ക​ളും സം​രം​ഭ​ങ്ങ​ളും അ​ട​ങ്ങി​യ​താ​ണ്​ റ​മ​ദാ​ൻ കാ​മ്പ​യി​ൻ. ഈ ​വ​ർ​ഷം യു.​എ.​ഇ​യി​ൽ ആ​കെ ക​ണ​ക്കാ​ക്കി​യ ചെ​ല​വ് 51,50,000 ദി​ർ​ഹ​മാ​ണ്. ഇ​തി​ൽ 3,66,450 വ്യ​ക്തി​ക​ൾ​ക്ക് പ്ര​യോ​ജ​നം ല​ഭി​ക്കും. അ​തേ​സ​മ​യം രാ​ജ്യ​ത്തി​ന് പു​റ​ത്തെ ചെ​ല​വ് 47,73,750 ദി​ർ​ഹ​മാ​ണ്. ഇ​തി​ൽ 5,79,853 ഗു​ണ​ഭോ​ക്താ​ക്ക​ൾ​ക്ക്​ സ​ഹാ​യം ന​ൽ​കും.

23 ഏ​രി​യ​ക​ളി​ലാ​യി 3,24,000 പേ​ർ​ക്ക്​ ദി​വ​സ​വും ഭ​ക്ഷ​ണ​മെ​ത്തി​ക്കു​ന്ന പ​ദ്ധ​തി​യാ​ണ്​ സീ​സ​ണ​ൽ റ​മ​ദാ​ൻ പ​ദ്ധ​തി. യു.​എ.​ഇ​യി​ൽ നോ​മ്പു​കാ​രാ​യ 10,80,000 പേ​ർ​ക്ക്​ ഭ​ക്ഷ​ണം വി​ത​ര​ണം ചെ​യ്യു​ന്ന പ​ദ്ധ​തി​ക്ക്​ വ​ലി​യ സ്വീ​കാ​ര്യ​ത ല​ഭി​ച്ചി​രു​ന്നു. പ​ദ്ധ​തി വ​ഴി രാ​ജ്യ​ത്തി​ന്​ പു​റ​ത്ത്​ 281,256 പേ​ർ​ക്ക്​ സ​ഹാ​യം എ​ത്തി​ച്ചു. പാ​കം ചെ​യ്ത ഭ​ക്ഷ​ണം ഉ​ൾ​പ്പെ​ടെ​യു​ള്ള പാ​ക്ക​റ്റ്​ ശ​രാ​ശ​രി അ​ഞ്ചു പേ​ർ​ക്ക്​ ക​ഴി​ക്കാ​വു​ന്ന രീ​തി​യി​ലാ​ണ്​ ഒ​രു​ക്കു​ന്ന​ത്.

ഇ​ത്ത​ണ ഫി​ത്വ​ർ സ​കാ​ത്​ പോ​ലു​ള്ള വി​വി​ധ പ​ദ്ധ​തി​ക​ളും റ​മ​ദാ​ൻ കാ​മ്പ​യി​​നി​ൽ ഉ​ൾ​ക്കൊ​ള്ളി​ച്ചി​ട്ടു​ണ്ട്. ഫി​ത്വ​ർ സ​കാ​ത്​ വ​ഴി രാ​ജ്യ​ത്തി​ന​ക​ത്ത്​ 7,700 ഗു​ണ​ഭോ​ക്താ​ക്ക​ൾ​ക്ക്​ 10 ല​ക്ഷം ദി​ർ​ഹ​മി​ന്‍റെ സ​ഹാ​യം എ​ത്തി​ക്കു​ക​യാ​ണ്​ ല​ക്ഷ്യം.