റാ​ക് സ്കോ​ളേ​ഴ്സ് സ്കൂ​ള്‍ ഡി​ജി​റ്റ​ല്‍ ഫെ​സ്റ്റ്

റാ​സ​ല്‍ഖൈ​മ: റാ​ക് സ്കോ​ളേ​ഴ്സ് ഇ​ന്ത്യ​ന്‍ സ്കൂ​ളി​ല്‍ ഡി​ജി​റ്റ​ല്‍ ഫെ​സ്റ്റ് ന​ട​ത്തി. എ​മി​റേ​റ്റ് സെ​യ്‌​ഫ​ർ ഇ​ന്റ​ർ​നെ​റ്റ് സൊ​സൈ​റ്റി​യും ടൈ​ക്കൂ​ൺ ഗ്രൂ​പ് ഓ​ഫ് ക​മ്പ​നി​യു​മാ​യി ചേ​ർ​ന്നാ​ണ് ഡി​ജി​റ്റ​ൽ ഫെ​സ്റ്റ് ‘സ്റ്റോ​ഗോ ഫെ​സ്റ്റ്’ ന​ട​ത്തി​യ​ത്. സു​സ്ഥി​ര സ​മൂ​ഹ​ത്തി​ന് ഓ​ൺ​ലൈ​ൻ ഓ​ഫ് ലൈ​ൻ സു​ര​ക്ഷ എ​ന്ന ആ​ശ​യ​ത്തി​ലൂ​ന്നി ന​വീ​ന സാ​ങ്കേ​തി​ക​വി​ദ്യ​യു​ടെ മാ​തൃ​ക​ക​ൾ ഒ​രു​ക്കി വി​ദ്യാ​ർ​ഥി​ക​ൾ ഡി​ജി​റ്റ​ൽ ഫെ​സ്റ്റി​വ​ലി​ൽ പ​ങ്കെ​ടു​ത്തു.

വി​ദ്യാ​ർ​ഥി​ക​ൾ സ്വ​യം വി​ക​സി​പ്പി​ച്ച വ​ർ​ക്കി​ങ്​ മോ​ഡ​ലു​ക​ൾ, റോ​ബോ​ട്ടി​ക്സ്, വി​ഷ്വ​ൽ കോ​ഡി​ങ്, അ​നി​മേ​ഷ​ൻ, ഡോ​ക്യു​മെ​ന്റ​റി, ഗെ​യി​മു​ക​ൾ, മൊ​ബൈ​ൽ ആ​പ്പു​ക​ൾ തു​ട​ങ്ങി​യ​വ അ​വ​ത​രി​പ്പി​ച്ചു. സൈ​ബ​ർ ലോ​ക​ത്തെ ക്രി​യാ​ത്മ​ക​മാ​യ പ്ര​വ​ർ​ത്ത​ന​ങ്ങ​ളി​ലൂ​ടെ സു​സ്ഥി​ര​മാ​യ ഒ​രു ലോ​ക​ത്തി​നാ​യി കു​ട്ടി​ക​ളെ പ​രി​സ്ഥി​തി സ്നേ​ഹ​മു​ള്ള പൗ​ര​ന്മാ​രാ​ക്കി വ​ള​ർ​ത്തു​ക എ​ന്ന ആ​ശ​യ​ത്തി​ൽ രൂ​പ​വ​ത്ക​രി​ക്കു​ന്ന സ്റ്റോ​ഗോ ക്ല​ബ്‌ എ​ന്ന ആ​ശ​യം ഡി​ജി​റ്റ​ൽ ഫെ​സ്റ്റി​ൽ അ​വ​ത​രി​പ്പി​ക്ക​പ്പെ​ട്ടു.

എ​മി​റേ​റ്റ്സ് സെ​യ്‌​ഫ​ർ ഇ​ന്റ​ർ​നെ​റ്റ്‌ സൊ​സൈ​റ്റി ചെ​യ​ർ​മാ​ൻ ഡോ​ക്ട​ർ മു​ഹ​മ്മ​ദ് അ​ൽ മെ​ഹ്യാ​സ്, ടൈ​ക്കൂ​ൺ ഗ്രൂ​പ് ഓ​ഫ് ക​മ്പ​നി ചെ​യ​ർ​മാ​ൻ ജ​യേ​ഷ് സെ​ബാ​സ്റ്റ്യ​ൻ എ​ന്നി​വ​ർ മു​ഖ്യാ​തി​ഥി​ക​ളാ​യി​രു​ന്നു. ഡി​ജി​റ്റ​ൽ ഫെ​സ്റ്റ് പോ​ലു​ള്ള പ​ഠ​ന പ്ര​വ​ർ​ത്ത​ന​ങ്ങ​ൾ കു​ട്ടി​ക​ൾ​ക്ക് നൂ​ത​ന സാ​ങ്കേ​തി​ക വി​ദ്യ​യെ കു​റി​ച്ച് കൂ​ടു​ത​ൽ അ​റി​യാ​നും ഓ​ൺ​ലൈ​ൻ ഓ​ഫ് ലൈ​ൻ രം​ഗ​ത്ത് സു​ര​ക്ഷി​ത​രാ​യി​രി​ക്കേ​ണ്ട​തി​ന്റെ ആ​വ​ശ്യ​ക​ത ബോ​ധ​വ​ത്ക​രി​ക്കാ​നും സ​ഹാ​യ​ക​മാ​കു​മെ​ന്ന് സ്കൂ​ൾ പ്രി​ൻ​സി​പ്പ​ൽ ഹ​മീ​ദ് അ​ലി യ​ഹ്യ അ​ഭി​പ്രാ​യ​പ്പെ​ട്ടു.