റാക് റോഡ് റൈഡേഴ്സ് പ്രദര്‍ശനം തുടരുന്നു

റാസല്‍ഖൈമ: വാഹന പ്രേമികള്‍ക്ക് ഹരം പകര്‍ന്ന് റാസല്‍ഖൈമയില്‍ റോഡ് റൈഡേഴ്സ് പ്രദര്‍ശനം തുടരുന്നു. റാക് എക്സിബിഷന്‍ സ​െൻററില്‍ നടക്കുന്ന പ്രദര്‍ശനം ശനിയാഴ്ച്ച സമാപിക്കും. പ്രശസ്തമായ ബ്രാന്‍ഡഡ് ബൈക്കുകളുള്‍പ്പെടെ നവീന സാങ്കേതിക വിദ്യയില്‍ നിര്‍മിച്ചിട്ടുള്ള യന്ത്ര സാമഗ്രികളും പ്രദര്‍ശനത്തിലുണ്ട്. അഞ്ച്​ ബൈക്കുകളില്‍ വൈകുന്നേരം സാഹസിക പ്രകടനങ്ങളും എക്സ്പോ സ​െൻററില്‍ നടക്കുന്നുണ്ട്.

500 ഓളം ബൈക്കുകളുടെ ജബല്‍ ജൈസ് യാത്ര വെള്ളിയാഴ്ച്ച രാവിലെ ഏഴിനാണ്. യാത്രയില്‍ ഗിന്നസിലിടം നേടുന്ന പ്രകടനം വീക്ഷിക്കാനുള്ള ആകാംക്ഷയിലാണ് ജനങ്ങള്‍. കുട്ടികള്‍ക്ക് വിനോദത്തിനായി സൗജന്യ സൗകര്യം ഒരുക്കിയിട്ടുണ്ട്​. ഇത്​ കുടുംബങ്ങളെയും റാക് എക്സ്ബിഷന്‍ സ​െൻററിലേക്ക് ആകര്‍ഷിക്കുന്നുണ്ട്.