ജീ​വ​ന​ക്കാ​ര്‍ക്കും വി​ദ്യാ​ര്‍ഥി​ക​ള്‍ക്കും റാ​ക് പൊ​ലീ​സി​െൻറ ‘ഇ​ന്നോ​വേ​ഷ​ന്‍ പ​യ​നീ​ര്‍ അ​വാ​ര്‍ഡ്’

റാ​സ​ല്‍ഖൈ​മ: സേ​വ​ന മേ​ഖ​ല​ക​ളി​ല്‍ പു​തു ആ​ശ​യ​ങ്ങ​ള്‍ മു​ന്നോ​ട്ടു​വെ​ക്കു​ന്ന​വ​രി​ല്‍ നി​ന്ന് തെ​ര​ഞ്ഞെ​ടു​ക്ക​പ്പെ​ടു​ന്ന​വ​ര്‍ക്ക് പ്ര​ത്യേ​ക പു​ര​സ്കാ​ര​ങ്ങ​ള്‍ ന​ല്‍കു​മെ​ന്ന് റാ​ക് പൊ​ലീ​സ് മേ​ധാ​വി അ​ലി അ​ബ്ദു​ല്ല ബി​ന്‍ അ​ല്‍വാ​ന്‍ അ​ല്‍ നു​ഐ​മി പ​റ​ഞ്ഞു. രാ​ജ്യ​ത്തെ ക്ഷേ​മ വി​ക​സ​ന പ​ദ്ധ​തി​ക​ള്‍ സു​സ്ഥി​ര​മാ​യി നി​ല​നി​ര്‍ത്തു​ക​യെ​ന്ന ല​ക്ഷ്യ​ത്തോ​ടെ​യാ​ണ് വി​ദ്യാ​ര്‍ഥി​ക​ളി​ല്‍ നി​ന്നും സ​ര്‍ക്കാ​ര്‍ ജീ​വ​ന​ക്കാ​രി​ല്‍ നി​ന്നും അ​ധി​കൃ​ത​ര്‍ ന​വീ​ന ആ​ശ​യ​ങ്ങ​ള്‍ തേ​ടു​ന്ന​ത്. 1,40,000 ദി​ര്‍ഹ​മാ​ണ് ‘ഇ​ന്നോ​വേ​ഷ​ന്‍ പ​യ​നീ​ര്‍ അ​വാ​ര്‍ഡാ’​യി വി​ത​ര​ണം ചെ​യ്യു​ക​യെ​ന്ന് റാ​ക് പൊ​ലീ​സ് ആ​സ്ഥാ​ന​ത്ത് ന​ട​ന്ന പ​ത്ര​സ​മ്മേ​ള​ന​ത്തി​ല്‍ അ​ധി​കൃ​ത​ര്‍ വി​ശ​ദീ​ക​രി​ച്ചു. സ്കൂ​ള്‍ - കോ​ള​ജ് ത​ല വി​ദ്യാ​ര്‍ഥി​ക​ളി​ല്‍ നി​ന്നും സ​ര്‍ക്കാ​ര്‍ ജീ​വ​ന​ക്കാ​രി​ല്‍ നി​ന്നും തെ​ര​ഞ്ഞെ​ടു​ക്ക​പ്പെ​ടു​ന്ന​വ​ര്‍ക്കാ​യി​രി​ക്കും പു​ര​സ്കാ​ര​ങ്ങ​ള്‍.

വി​വി​ധ വി​ഭാ​ഗ​ങ്ങ​ളി​ലാ​യി തി​രി​ച്ച് ന​വം​ബ​ര്‍ 15 മു​ത​ല്‍ ഡി​സം​ബ​ര്‍ ആ​റ് വ​രെ​യാ​യി​രി​ക്കും വി​ദ്യാ​ര്‍ഥി​ക​ള്‍ക്കി​ട​യി​ലും ജീ​വ​ന​ക്കാ​ര്‍ക്കി​ട​യി​ലും മൂ​ല്യ നി​ര്‍ണ​യം ന​ട​ക്കു​ക. ക്യാ​ഷ് പ്രൈ​സി​ന് പു​റ​മെ പ്ര​ശ​സ്തി ഫ​ല​ക​വും സാ​ക്ഷ്യ​പ​ത്ര​വും വി​ജ​യി​ക​ള്‍ക്ക് സ​മ്മാ​നി​ക്കു​മെ​ന്ന് അ​ധി​കൃ​ത​ര്‍ വ്യ​ക്ത​മാ​ക്കി. വി​വി​ധ ഉ​ദ്യോ​ഗ​സ്ഥ​രും പ്ര​തി​നി​ധി​ക​ളും പ​ത്ര​സ​മ്മേ​ള​ന​ത്തി​ല്‍ സം​ബ​ന്ധി​ച്ചു.