ഉമ്മൻ ചാണ്ടിയെ അനുസ്മരിച്ച് റാക് ഇൻകാസ്

റാസൽഖൈമ: ഇൻകാസ് റാസൽഖൈമ മുൻ മുഖ്യമന്ത്രി ഉമ്മൻ ചാണ്ടിയെ അനുസ്മരിച്ചു. ഉമ്മൻ ചാണ്ടിയുടെ മൂന്നാം ചരമ വാർഷികത്തോടനുബന്ധിച്ച് പുഷ്പാർച്ചനക്ക് ശേഷം നടന്ന അനുസ്മരണ യോഗത്തിൽ ഇൻ കാസ് റാസൽഖൈമ പ്രസിഡന്റ് എസ്.എ. സലീം അധ്യക്ഷത വഹിച്ചു.

ആക്ടിങ്​ പ്രസിഡന്റ നാസൽ അൽമഹ, യു.എ.ഇ മേഖല സെക്രട്ടറി സെബാസ്റ്റ്യൻ, റാക്​ വൈസ് പ്രസിഡന്റ് പ്രസാദ് നെടുംപറമ്പിൽ, ജിൽജു കെ. ചാണ്ടി, ഭാരവാഹികളായ ഡോ. റെജി ജേക്കബ്, സുരേഷ് വേങ്ങോട്, പ്രിൻസ്, ഉല്ലാസ്, ഷാൻ ഫസലുദീൻ, വി. ബൈജു, ഷാജി തോമസ്​, നാസർ, ഡോ. റോയ് ജോർജ് എന്നിവർ സംസാരിച്ചു. ജനറൽ സെക്രട്ടറി അജി സക്കറിയ സ്വാഗതവും ജോ. ട്രസ്റ്റി പ്രസ്റ്റിൻ ഫ്രാൻസിസ് നന്ദിയും പറഞ്ഞു.