ഇഫ്താര്‍ സംഗമം ഒരുക്കി റാക് ഭരണാധിപന്‍

റാസല്‍ഖൈമ: യു.എ.ഇ സുപ്രീം കൗണ്‍സില്‍ അംഗവും റാസല്‍ഖൈമ ഭരണാധിപനുമായ ശൈഖ് സഊദ് ബിന്‍ സഖര്‍ അല്‍ ഖാസിമിയുടെ നേതൃത്വത്തില്‍ ഇഫ്താര്‍ സൗഹൃദ സംഗമം നടന്നു.റമദാനിലെ വിവിധ ദിനങ്ങളിലായി നടന്ന സംഗമത്തില്‍ സമൂഹത്തിലെ വിവിധ തുറകളില്‍ നിന്നുള്ളവര്‍ പങ്കെടുത്തു.കഴിഞ്ഞ ദിവസം ഖുസാം മജ്​ലിസില്‍ നടന്ന ഇഫ്താര്‍ വിരുന്നില്‍ പൗര പ്രമുഖര്‍, തദ്ദേശീയര്‍, വിവിധ വകുപ്പ് ഉദ്യോഗസ്ഥര്‍, അറബ്-ഇസ്ലാമിക കമ്യൂണിറ്റി അംഗങ്ങള്‍ തുടങ്ങിയവര്‍ സംബന്ധിച്ചു. ചടങ്ങിനെത്തിയവര്‍ ശൈഖ് സഊദിന് റമദാന്‍ ആശംസകള്‍ കൈമാറി.സമൂഹ ഐക്യവും സൗഹൃദവും ശക്തിപ്പെടുത്തുന്നതാണ് റമദാന്‍ സംഗമങ്ങളെന്ന് ശൈഖ് സഊദ് ആശംസിച്ചു.