റാ​ക് സാ​മ്പ​ത്തി​ക വി​ക​സ​ന വ​കു​പ്പ്​ സേ​വ​നം ഇ​നി എ​മി​റേ​റ്റ്സ് പോ​സ്റ്റ് വ​ഴി​യും

റാ​സ​ല്‍ഖൈ​മ: ബി​സി​ന​സ് സേ​വ​ന​ങ്ങ​ള്‍ ത്വ​രി​ത​പ്പെ​ടു​ത്തു​ക​യെ​ന്ന ല​ക്ഷ്യ​ത്തോ​ടെ യു.​എ.​ഇ​യി​ലെ പ്ര​ശ​സ്ത ത​പാ​ല്‍ സേ​വ​ന ദാ​താ​ക്ക​ളാ​യ എ​മി​റേ​റ്റ്സ് പോ​സ്റ്റു​മാ​യി സം​യു​ക്ത ക​രാ​റി​ലേ​ര്‍പ്പെ​ട്ട് റാ​ക് ഇ​ക്ക​ണോ​മി​ക് ഡെ​വ​ല​പ്മെ​ന്‍റ് ഡി​പ്പാ​ർ​ട്മെ​ന്‍റ് (റാ​ക് ഡി.​ഇ.​ഡി). ബി​സി​ന​സ് പ്ര​ക്രി​യ​ക​ള്‍ കാ​ര്യ​ക്ഷ​മ​മാ​ക്കാ​നും റാ​സ​ല്‍ഖൈ​മ​യു​ടെ സാ​മ്പ​ത്തി​ക ആ​ക​ര്‍ഷ​ണം വ​ര്‍ധി​പ്പി​ക്കാ​നും വ​ഴി​വെ​ക്കു​ന്ന​താ​ണ് സു​പ്ര​ധാ​ന ക​രാ​ര്‍. വാ​ണി​ജ്യ ലൈ​സ​ന്‍സു​ക​ള്‍, പെ​ര്‍മി​റ്റ് സേ​വ​ന​ങ്ങ​ള്‍, വ്യാ​പാ​ര നാ​മ ര​ജി​സ്ട്രേ​ഷ​ന്‍, സ​ര്‍ട്ടി​ഫി​ക്ക​റ്റ് അ​ഭ്യ​ര്‍ഥ​ന​ക​ള്‍ തു​ട​ങ്ങി റാ​ക് സാ​മ്പ​ത്തി​ക വി​ക​സ​ന വ​കു​പ്പി​ലെ വി​വി​ധ സേ​വ​ന​ങ്ങ​ള്‍ എ​മി​റേ​റ്റ്സ് പോ​സ്റ്റ് കേ​ന്ദ്ര​ത്തി​ല്‍ നി​ന്നും ല​ഭി​ക്കും.

ഡെ​ലി​വ​റി സേ​വ​ന​മെ​ന്ന​തി​ലു​പ​രി അ​വ​ശ്യ സേ​വ​ന​ങ്ങ​ള്‍ക്കും ക​മ്യൂ​ണി​റ്റി ഇ​ട​പെ​ട​ലി​നും സാ​മൂ​ഹി​ക-​സാ​മ്പ​ത്തി​ക വി​ക​സ​ന പ്രോ​ത്സാ​ഹ​ന​ത്തി​നു​മു​ള്ള ച​ല​നാ​ത്മ​ക കേ​ന്ദ്ര​മാ​യി എ​മി​റേ​റ്റ്സ് പോ​സ്റ്റി​നെ പ​രി​വ​ര്‍ത്തി​പ്പി​ക്കു​ന്ന​താ​ണ് റാ​ക് ഇ​ക്ക​ണോ​മി​ക് വ​കു​പ്പു​മാ​യു​ള്ള സ​ഹ​ക​ര​ണ​മെ​ന്ന് എ​മി​റേ​റ്റ്സ് പോ​സ്റ്റ് ഗ്രൂ​പ് സി.​ഇ.​ഒ അ​ബ്ദു​ല്ല മു​ഹ​മ്മ​ദ് അ​ല്‍ അ​ശ്​​റം അ​ഭി​പ്രാ​യ​പ്പെ​ട്ടു. റാ​ക് സാ​മ്പ​ത്തി​ക വി​ക​സ​ന വ​കു​പ്പു​മാ​യു​ള്ള സ​ഹ​ക​ര​ണ​ത്തി​ല്‍ അ​ഭി​മാ​നി​ക്കു​ന്ന​താ​യും അ​ദ്ദേ​ഹം തു​ട​ര്‍ന്നു. റാ​സ​ല്‍ഖൈ​മ​യു​ടെ ബി​സി​ന​സ് മേ​ഖ​ല​യെ പി​ന്തു​ണ​ക്കു​ന്ന​താ​ണ് എ​മി​റേ​റ്റ്സ് പോ​സ്റ്റ് ഓ​ഫി​സു​ക​ളി​ല്‍ ഡി​ജി​റ്റ​ല്‍ സേ​വ​ന​ങ്ങ​ളു​ടെ സ​മ​ന്വ​യ​മെ​ന്ന് റാ​ക് ഡി.​ഇ.​ഡി ഡ​യ​റ​ക്ട​ര്‍ ജ​ന​റ​ല്‍ ഡോ. ​അ​ബ്ദു​ല്‍റ​ഹ്മാ​ന്‍ അ​ല്‍ ശെ​യ്ബ് അ​ല്‍ ന​ഖ്ബി പ​റ​ഞ്ഞു. ഉ​പ​ഭോ​ക്താ​ക്ക​ളു​ടെ സം​തൃ​പ്തി ഉ​റ​പ്പു​വ​രു​ത്തി ബി​സി​ന​സ് അ​നു​ഭ​വം മി​ക​ച്ച​താ​ക്കു​ന്ന​തി​നും എ​മി​റേ​റ്റ്സ് പോ​സ്റ്റു​മാ​യു​ള്ള സ​ഹ​ക​ര​ണം സ​ഹാ​യി​ക്കു​മെ​ന്നും ഡോ. ​അ​ബ്ദു​റ​ഹ്മാ​ന്‍ വ്യ​ക്ത​മാ​ക്കി. റാ​ക് സാ​മ്പ​ത്തി​ക വി​ക​സ​ന വ​കു​പ്പി​​ന്‍റെ ആ​സ്ഥാ​ന​ത്ത് ന​ട​ന്ന ച​ട​ങ്ങി​ല്‍ ഉ​ദ്യോ​ഗ​സ്ഥ​രും വ​കു​പ്പ് മേ​ധാ​വി​ക​ളും പ​ങ്കെ​ടു​ത്തു.