നിഷ്​പക്ഷ മാധ്യമ​പ്രവർത്തനത്തിന്​ തടസമാകുന്നവരെ  ബഹിഷ്​കരിക്കണം – രാജ്​ദീപ്​, സാഗരികാ ഘോഷ്​

ഷാർജ: സ്വതന്ത്ര മാധ്യമ പ്രവർത്തനത്തിന്​ വിഘാതം സൃഷ്​ടിക്കുന്ന രാഷ്​ട്രീയ നേതാക്കളെയും കോർപ്പറേറ്റുകളെയും ബഹിഷ്​കരിക്കാൻ മാധ്യമങ്ങൾ ധൈര്യം കാണിക്കണമെന്ന്​ പ്രമുഖ മാധ്യമ പ്രവർത്തകരായ രാജ്​ദീപ്​ സർദേശായിയും സാഗരികാ ഘോഷും ആഹ്വാനം ചെയ്​തു. കുമ്പിടാൻ പറയു​േമ്പാൾ മുട്ടിലിഴയുന്നവർ എന്നാണ്​ അടിയന്തിരാവസ്​ഥക്കാല​െത്ത മാധ്യമങ്ങളെ കുറിച്ച്​ പറഞ്ഞിരുന്നതെങ്കിൽ ഇപ്പോൾ ആവശ്യപ്പെടുക പോലും ചെയ്യാതെ ​സ്രാഷ്​ടാംഗം നമിക്കുന്നവരായി മാറിയിരിക്കുകയാണ്​. ഷാർജ അന്താരാഷ്​ട്ര പുസ്​തക മേളക്കിടെ മലയാളി മാധ്യമ പ്രവർത്തകരുമായി നടത്തിയ സംവാദത്തിൽ സംസാരിക്കുകയായിരുന്നു ഇരുവരും.

ഇന്ത്യൻ മാധ്യമ രംഗം വിശിഷ്യാ ടി.വി ചാനലുകൾ കടുത്ത വിശ്വാസ തകർച്ച നേരിടുകയാണ്​. വലിയ അന്വേഷണാത്​മക മാധ്യമ പ്രവർത്തനം നടത്തുന്നു എന്ന്​ വീമ്പിളക്കുന്നവർക്കും വമ്പൻമാരെക്കുറിച്ച്​ വാർത്തകൾ നൽകാൻ ഭയമാണ്​. പൊലീസുകാരൻ ചെയ്​ത അഴിമതി വലിയ വാർത്തയാക്കും എന്നാൽ പൊലീസ്​ മേധാവിയുടെ ​അഴിമതി അവർക്ക്​ വാർത്തയല്ല. ചെറു നേതാക്കൾക്കെതിരെ വാർത്തകൾ പുറത്തുവിടും. എന്നാൽ അമിത്​ഷായുടെ മകനെക്കുറിച്ചോ സുരക്ഷാ ഉപദേശക​​​െൻറ മക​​​െൻറ സ്​ഥാപനത്തി​​​െൻറ അരുതായ്​മകളെക്കുറിച്ചോ വാർത്തക​ൾ നൽകാൻ ധൈര്യമില്ല. മാധ്യമ സ്​ഥാപനങ്ങളും രാഷ്​ട്രീയ കോർപ്പറേറ്റ്​ അഴിമതിക്കൂട്ടുകെട്ടി​​​െൻറ ഭാഗമായി മാറുന്നതി​​​െൻറ ദോഷഫലമാണിന്നു കാണുന്ന​െതന്ന്​ രാജ്​ദീപ്​ പറഞ്ഞു. തികച്ചും അധാർമികമായ മാധ്യമ പ്രവർത്തനം നടത്തുന്ന ചാനലുകളുടെ മുതലാളിമാർ പാർലമ​​െൻറിൽ കടന്നുകൂടി ധാർമികത പ്രസംഗിക്കുന്നതിനും നമ്മൾ സാക്ഷികളാവുന്നു.

മാധ്യമങ്ങൾ പലപ്പോഴും പരാന്നഭോജികളായി മാറുന്നുവെന്നാണ്​ സാഗരിക വിശേഷിപ്പിച്ചത്​. മന്ത്രിമാർ തങ്ങൾ നടത്തുന്ന പരിപാടികൾക്ക്​ മന്ത്രിമാർ വന്നില്ലെങ്കിലോ, സിനിമാ താരങ്ങൾ ഡാൻസ്​ കളിച്ചില്ലെങ്കിലോ  എന്നെല്ലാം ഭയന്നാണ്​ അവർക്കെതിരെ വാർത്ത നൽകാൻ മടി കാണിക്കുന്നത്​. ഭൂരിഭാഗം പത്രപ്രവർത്തകരും മികച്ച ധാർമിക മൂല്യം പുലർത്തുന്നവരാണെങ്കിലും സ്​ഥാപനങ്ങളുടെയും മുതലാളിയുടെയും താൽപര്യങ്ങൾക്കുവേണ്ടി വൃത്തികെട്ട രീതിയിൽ ജോലി ചെ​േയ്യണ്ടി വരികയാണ്​. 

പണം വാങ്ങി ഇല്ലായ്​മ ചെയ്യുന്ന ഗുണ്ടാ സംഘങ്ങളെപ്പോലെ സുപാരിക്കാരായി മാധ്യമങ്ങൾ മാറുന്നു​െവന്ന്​ രാജ്​ദീപ്​ പറഞ്ഞു. ബി.​െജ.പി പിടിച്ചെടുക്കാൻ ശ്രമിക്കുന്ന അവസാന കോട്ടയാണ്​ കേരളം. പണ്ട്​ കേരളത്തിൽ നടക്കുന്ന സംഭവങ്ങളൊന്നും ദേശീയ മാധ്യമങ്ങൾക്ക്​ വാർത്തയായിരുന്നില്ല. ഇന്ന്​ ചെറു സംഭവങ്ങൾ പോലും പെരുപ്പിച്ചു കാണിക്കുന്നു. അമിത്​ഷായുംകൂട്ടരും സംവിധാനം ചെയ്​ത വാർത്തകളാണതെല്ലാം.

നിലവിലെ രാഷ്​ട്രീയ സാഹചര്യത്തിൽ 2019ലെ പൊതു തെരഞ്ഞെടുപ്പിൽ ബി.ജെ.പി തന്നെ വലിയ ഒറ്റകക്ഷിയായേക്കും എന്നാണ്​ കണക്കുകൂട്ടലെന്നും എന്നാൽ മികച്ച മുന്നണി കൂട്ടു​െകട്ടുകളുണ്ടായാൽ കഥ മാറിയേക്കാമെന്നും  ഒരു ചോദ്യത്തിനുത്തരമായി അദ്ദേഹം പറഞ്ഞു.  എം.സി.എ നാസർ മോഡറേറ്ററായി. 
രാജ്​ദീപ്​ എഴുതിയ ഡെമോക്രസി ഇലവൻ, സാഗരികയുടെ ഇന്ത്യാസ്​ മോസ്​റ്റ്​ പവർഫുൾ പ്രൈംമിനിസ്​റ്റർ എന്നീ പുസ്​തകങ്ങൾ സംബന്ധിച്ച സംഭാഷണവും മേളയിൽ നടന്നു.