യു.​എ.​ഇ​യെ ക്രി​ക്ക​റ്റ്​ പ​ഠി​പ്പി​ക്കാ​ൻ രാ​ജ​സ്ഥാ​ൻ

ദുബൈ: യു.എ.ഇയിലേക്ക്​ കളിക്കാൻ മാത്രം വന്നവരല്ല രാജസ്ഥാൻ റോയൽസ്​ ടീം. ഇവിടെ ക്രിക്കറ്റ്​ വളർത്തുക എന്നൊരു ലക്ഷ്യംകൂടി അവർക്കുണ്ട്​. ഇതി​െൻറ ഭാഗമായി ഈ മാസം 12ന്​ യു.എ.ഇയിൽ ക്രിക്കറ്റ്​ അക്കാദമി തുടങ്ങുമെന്ന്​ അധികൃതർ അറിയിച്ചു.മിഡിൽ ഈസ്​റ്റിൽ രാജസ്ഥാൻ ടീം സ്ഥാപിക്കുന്ന ആദ്യ ക്രിക്കറ്റ്​ അക്കാദമിയാണിത്​. സെവൻസ്​ സ്​റ്റേഡിയത്തിലാണ്​ പരിശീലനം നൽകുക.

ഇന്ത്യൻ പ്രീമിയർ ലീഗിൽ കിരീട പ്രതീക്ഷയർപ്പിക്കുന്ന ടീമുകളിൽ മുൻപന്തിയിലുള്ള ടീമാണ്​ രാജസ്ഥാൻ. കഴിഞ്ഞ മത്സരങ്ങൾ തോറ്റെങ്കിലും എന്തിനും പോന്ന യുവനിര അവർക്കുണ്ട്​. മലയാളി താരം സഞ്​ജു സാംസൺ അടങ്ങിയ ടീം യു.എ.ഇയിൽ എത്തിയതുമുതൽ രാജ്യത്തെ ക്രിക്കറ്റ്​ വികസനത്തിന്​ ശ്രമിക്കുന്നുണ്ട്​. മുൻ സിംബാബ്​വെ ക്യാപ്​റ്റൻ ഗ്രെയിം ക്രീമർ ഡയറക്​ടറായാണ്​ അക്കാദമി സ്ഥാപിക്കുന്നത്​.

യു.എ.ഇയിലെ കായിക വികസന സംരംഭമായ റെഡ്​ ബിയർ സ്​പോർട്​സുമായി സഹകരിച്ചാണ്​ അക്കാദമി പ്രവർത്തിക്കുന്നത്​. ആറ്​ മുതൽ 19 വയസ്സു​ വരെയുള്ള ആൺകുട്ടികൾക്കും പെൺകുട്ടികൾക്കും അക്കാദമിയിൽ അവസരം നൽകും. ലോകോത്തര കോച്ചിങ്ങാണ്​ ഇവിടെ ലഭിക്കുക. പരിശീലനത്തിനെത്തുന്നവർക്ക്​ ഒറ്റക്ക്​ പരിശീലനം നേടാനും ടീമായി പരിശീലിക്കാനും അവസരമുണ്ടാകും.അന്താരാഷ്​ട്ര നിലവാരമുള്ള മൂന്ന്​ മൈതാനങ്ങളാണ്​ സെവൻസ്​ സ്​റ്റേഡിയത്തിലുള്ളത്​. രണ്ടെണ്ണത്തിലും ഫ്ലഡ്​ലിറ്റ്​ സൗകര്യമുണ്ട്​.

രാജസ്ഥാൻ റോയൽസ്​ ആദ്യമായല്ല യു.എ.ഇയിലെ ക്രിക്കറ്റിനെ പരിപോഷിപ്പിക്കാൻ ഇറങ്ങിതിരിക്കുന്നത്​. ഈ സീസണിൽ ഇവിടെ എത്തിയപ്പോൾ തന്നെ ദുബൈ സ്​പോർട്​സ്​ കൗൺസിലുമായി ചർച്ച നടത്തിയിരുന്നു. ഇതി​െൻറ അടിസ്ഥാനത്തിൽ യു.എ.ഇയിലെ ആറ്​ വനിത ക്രിക്കറ്റർമാർക്ക്​ രാജസ്ഥാൻ റോയൽസി​െൻറ ഇന്ത്യയിലെ അക്കാദമിയിൽ പരിശീലനം നടത്താൻ അവസരം നൽകുമെന്ന്​ അറിയിച്ചിരുന്നു. ഇതി​െൻറ ബാക്കിപത്രമായാണ്​ യു.എ.ഇയിൽ തന്നെ അക്കാദമി സ്ഥാപിച്ചത്​.