'വിൻ ഗോൾഡ് വിത് റെയിൻബോ' പ്രൊമോഷൻ: ആദ്യ മെഗാ വിജയി പാക്കിസ്ഥാൻ സ്വദേശി റൂമൻ മൻസൂർ

ദുബൈ: മാർച്ച് 31 വരെ നീണ്ടു നിൽക്കുന്ന റെയിൻബോ മിൽക്ക് പ്രൊമോഷ​െൻറ ആദ്യ നറുക്കെടുപ്പിൽ ഷാർജ ഇൻഡസ്ട്രിയൽ ഏരിയയിലെ ഫഖ്‌ർ അൽ പഞ്ചാബ് റെസ്​റ്റാറൻറിലെ പാക്കിസ്ഥാൻ സ്വദേശി റൂമൻ മൻസൂർ 40,000 ദിർഹം ഗോൾഡ് വൗച്ചറി​െൻറ വിജയിയായി. കൂപ്പൺ നമ്പർ 35037 ആണ്​ നേട്ടമുണ്ടാക്കിയത്​.

പ്രോത്സാഹന സമ്മാനങ്ങളായ 10,000 ദിർഹമിന്‍റെ ഗോൾഡ് വൗച്ചറുകൾ ദുബൈ പാർക്കോ റസ്​റ്റാറൻറിലെ റിയാസ് പുതിയ പുരയിൽ (32901), അബൂദബി എലെക്ട്ര സ്ട്രീറ്റിലെ സിരാജ് അൽ ലൈയ്‌ലി റസ്​റ്റാറൻറിലെ മുഹമ്മദ് സലീമുദ്ധീൻ (16970), ദുബൈ ഖിസൈസ് അൽ നഹ്ദയിലെ ടേസ്​റ്റി ടി കഫെറ്റീരിയയിലെ മുസ്തഫ അബ്ബാസ് (35319) ഷാർജ ജുൽനർ ട്രേഡിങ്ങിലെ ഹേമന്ത് വാഗ് (38119) എന്നിവരും സ്വന്തമാക്കി.

ജനുവരി ഒമ്പത്​ മുതൽ മാർച്ച് 31 വരെയുള്ള കാലയളവിൽ റെയിൻബോ കാറ്ററിങ് മിൽക്ക് വാങ്ങുന്ന യു.എ.ഇയിലെ റെസ്​റ്റോറൻറ്, കഫറ്റീരിയകൾക്കായി നടത്തുന്ന അഞ്ച്​ നറുക്കെടുപ്പുകളിലൂടെ നാല് ലക്ഷം ദിർഹമി​െൻറ ഗോൾഡ് വൗച്ചറുകളാണ് സമ്മാനമായി നൽകുന്നത്. ഇനിയുള്ള നാല്​ നറുക്കെടുപ്പുകൾ ഫെബ്രുവരി 10, മാർച്ച് രണ്ട്​, 17, ഏപ്രിൽ അഞ്ച്​ തീയതികളിലാണ്​ നടക്കുന്നത്.

യു.എ.ഇയിലെ റെസ്​റ്റാറൻറ്, കഫറ്റീരിയ ഉടമസ്ഥർക്ക് ലളിതമായി മൂന്നു കാർട്ടൻ റെയിൻബോ കാറ്ററിങ് പാലോ അല്ലെങ്കിൽ ഒരു കാർട്ടൺ 410 ഗ്രാം ഏലക്കാ പാലോ വാങ്ങുന്നതിലൂടെ സെയിൽസ്മാൻമാർ വഴി ലഭിക്കുന്ന കൂപ്പണിലൂടെയാണ്​ നറുക്കെടുപ്പിന്​ അവസരം ലഭിക്കുന്നത്. നറുക്കെടുപ്പിൽ ദുബൈ എക്കൊണോമിക് നറുക്കെടുപ്പ് വിഭാഗം പ്രതിനിധി റാശിദ് അൽ മാരി, ചോയ്​ത്രം ബി.ഡി.എം ദീപക് ഷെട്ടി, സെയിൽസ് മാനേജർ നാസർ അഹമദ് എന്നിവർ പങ്കെടുത്തു.