വീണ്ടും മഴ മുന്നറിയിപ്പ്​: മൂന്ന്​ ദിവസം കനത്ത മഴക്കും കാറ്റിനും സാധ്യത

ദു​ബൈ: ​കൊ​ടും ചൂ​ടി​നി​ട​യി​ൽ യു.​എ.​ഇ​യി​ൽ ശ​നി​യാ​ഴ്ച മു​ത​ൽ മൂ​ന്നു​ദി​വ​സം ക​ന​ത്ത മ​ഴ​ക്ക്​ സാ​ധ്യ​ത​യു​ണ്ടെ​ന്ന്​ മു​ന്ന​റി​യി​പ്പ്. മ​ണി​ക്കൂ​റി​ൽ 45 കി​ലോ​മീ​റ്റ​ർ വേ​ഗ​ത​യി​ൽ കാ​റ്റു​വീ​ശു​മെ​ന്നും ദേ​ശീ​യ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം അ​റി​യി​ച്ചു. ചൊ​വ്വാ​ഴ്ച വ​രെ ഇ​ത്​ നീ​ണ്ടു​നി​ന്നേ​ക്കും. ഇ​തു​മൂ​ലം പൊ​ടി​ക്കാ​റ്റു​ണ്ടാ​വാ​ൻ സാ​ധ്യ​ത​യു​ണ്ട്. രാ​ജ്യ​ത്തി​ന്‍റെ തെ​ക്ക്, കി​ഴ​ക്ക്​ ഭാ​ഗ​ങ്ങ​ളി​ലാ​ണ്​ മ​ഴ​ക്ക് സാ​ധ്യ​ത. വ​ട​ക്ക്, പ​ടി​ഞ്ഞാ​റ​ൻ ഭാ​ഗ​ങ്ങ​ളി​ൽ തി​ങ്ക​ളാ​ഴ്ച​യാ​യി​രി​ക്കും കൂ​ടു​ത​ൽ മ​ഴ. പ്ര​ള​യ​മു​ണ്ടാ​യ സാ​ഹ​ച​ര്യ​ത്തി​ൽ താ​മ​സ​ക്കാ​രും ക​ച്ച​വ​ട​ക്കാ​രും യാ​ത്ര​ക്കാ​രു​മെ​ല്ലാം ജാ​ഗ്ര​ത പാ​ലി​ക്ക​ണം.

ക​ഴി​ഞ്ഞ മാ​സ​മു​ണ്ടാ​യ പ്ര​ള​യ​ത്തി​ൽ ഏ​ഴു​പേ​രാ​ണ്​ മ​രി​ച്ച​ത്. 800ഓ​ളം പേ​രെ ര​ക്ഷ​പ്പെ​ടു​ത്തി​യി​രു​ന്നു. ദ​ശാ​ബ്​​ദ​ത്തി​നി​ട​യി​ൽ ഏ​റ്റ​വും കൂ​ടു​ത​ൽ മ​ഴ ല​ഭി​ച്ച ജൂ​ലൈ​യാ​ണ്​ ക​ട​ന്നു​പോ​യ​ത്. അ​തേ​സ​മ​യം, വീ​ണ്ടും മ​ഴ​ക്ക്​ സാ​ധ്യ​ത​യു​​ണ്ടെ​ന്ന റി​പ്പോ​ർ​ട്ട്​ വ​ന്ന​തോ​ടെ വി​വി​ധ വ​കു​പ്പു​ക​ൾ സം​യു​ക്​​ത യോ​ഗം ചേ​ർ​ന്നു. ദേ​ശീ​യ ദു​ര​ന്ത​നി​വാ​ര​ണ സ​മി​തി, പ്ര​തി​രോ​ധ-​ആ​ഭ്യ​ന്ത​ര മ​ന്ത്രാ​ല​യം, എ​ല്ലാ എ​മി​റേ​റ്റു​ക​ളി​ലെ​യും പൊ​ലീ​സ്​ ഡ​യ​റ​ക്ട​ർ​മാ​ർ, കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം, അ​ടി​സ്ഥാ​ന വി​ക​സ​ന-​ഊ​ർ​ജ മ​ന്ത്രാ​ല​യം എ​ന്നി​വ​ർ യോ​ഗ​ത്തി​ൽ പ​​ങ്കെ​ടു​ത്തു.

അ​ധി​കൃ​ത​ർ ന​ൽ​കു​ന്ന നി​ർ​ദേ​ശ​ങ്ങ​ൾ ജ​ന​ങ്ങ​ൾ കൃ​ത്യ​മാ​യി പാ​ലി​ക്ക​ണ​മെ​ന്നും യോ​ഗം ആ​വ​ശ്യ​പ്പെ​ട്ടു.

അ​തേ​സ​മ​യം, ക​ഴി​ഞ്ഞ മൂ​ന്നു​ദി​വ​സ​ങ്ങ​ളെ അ​പേ​ക്ഷി​ച്ച്​ യു.​എ.​ഇ​യി​ൽ വെ​ള്ളി​യാ​ഴ്ച ചൂ​ടി​ന്​ നേ​രി​യ കു​റ​വു​ണ്ടാ​യി. ക​ഴി​ഞ്ഞ ദി​വ​സം 50.6 ഡി​​ഗ്രി റി​പ്പോ​ർ​ട്ട്​ ചെ​യ്ത അ​ൽ ഐ​നി​ലെ സ്വെ​യ്​​ഹാ​നി​ൽ വെ​ള്ളി​യാ​ഴ്ച 48.2 ഡി​ഗ്രി​യാ​യി​രു​ന്നു ചൂ​ട്. ഏ​റ്റ​വും കൂ​ടു​ത​ൽ ചൂ​ട്​ ഉ​മ്മു​ൽ അ​സി​മു​ലി​ലാ​ണ്​ (48.9 ഡി​​ഗ്രി). ദു​ബൈ​യി​ൽ ശ​രാ​ശ​രി 41 ഡി​ഗ്രി​യാ​യി​രു​ന്നു ചൂ​ട്.