അതിശയങ്ങളുടെ മഴ നനയാൻ, ഉള്ളു കുളിർക്കാൻ വരൂ വരൂ..

ഷാർജ: ഷാർജ ആർട്ട് ഫൗണ്ടേഷൻ മധ്യപൂർവ്വദേശത്ത് ആദ്യമായി ഒരുക്കുന്ന റെയിൻ റൂമിലെത്തി മഴ നനയാൻ പൊതുജനങ്ങൾക്ക്​ ഇന്ന്​ മുതൽ അവസരം.  ഷാർജ റോളയിലെ മുബാറക്ക് സ​​െൻററിന് എതിർ ഭാഗത്തായി ലുലു സ​​െൻററുണ്ട്. അതിന് സമീപത്തായി അൽ മജറ ഉദ്യാനവും പ്രവർത്തിക്കുന്നുണ്ട്, അതിന് സമീപത്താണ് ഈ റെയിൻ റൂം.(ചില വാർത്തകളിൽ പരമാർശിച്ച പോലെ ബുഹൈറ കോർണിഷി​​െൻറ ഭാഗത്തല്ല). ഷാർജ കോർണീഷ് റോഡിലൂടെയും അൽ അറൂബ റോഡിലൂടെയും ഇവിടേക്ക് വരാം. കോർണീഷ് റോഡ് വഴി വരുമ്പോൾ മ്യൂസിയങ്ങൾ സ്​ഥിതി ചെയ്യുന്ന അൽ ശുവൈഹൻ, അൽ നബ്ബ മേഖലകൾ കഴിഞ്ഞാൽ കിട്ടുന്ന പ്രദേശത്തി​​െൻറ പേരാണ് അൽ മജറ, ഇവിടെ എത്തിയാൽ അൽ അന്തലസ്​ സ്​ക്വയർ എന്ന ബോർഡ് കാണും, ആ ഭാഗത്തായിട്ടാണ് മഴമുറിയുടെ സ്​ഥാനം. ഇനി നിങ്ങൾ വരുന്നത് അൽ അറൂബ റോഡ് വഴിയാണെങ്കിൽ (റോളയിൽ വെച്ച് ഇതി​​െൻറ പേര് അൽ ഷാർഖ് എന്നായി മാറും) റോള പാർക്കിന് ശേഷം  മുബാറക്ക് സ​​െൻറർ കിട്ടും. ഇതി​​െൻറ എതിർ ദിശയിലാണ് മഴമുറി. മുബാറക്ക് സ​​െൻറർ കഴിഞ്ഞ് മുന്നോട്ട് പോയി പാലത്തിൽ കയറാതെ റൗണ്ടെബൗട്ടിൽ നിന്ന് ഇടത്തോട്ട് തിരിഞ്ഞാൽ മഴമുറിക്കരികിൽ എത്തിപ്പെടാം. ഇൻറർനെറ്റുള്ള ഫോൺ കയ്യിലുണ്ടെങ്കിൽ  ജി.പി.എസ്​ ഉപയോഗിച്ച്​ വഴി തെറ്റാതെ വണ്ടിയെടുക്കു...