വാ​ർ​ത്ത​ക​ളും വി​ശേ​ഷ​ങ്ങ​ളു​മാ​യി ‘റേ​ഡി​യോ ഏ​ഷ്യ’ ഇ​നി​യി​ല്ല

ദു​ബൈ: പ്ര​വാ​സി​ക​ൾ​ക്ക്​ മ​ല​യാ​ള​ത്തി​ൽ വാ​ർ​ത്ത​ക​ളും വി​ശേ​ഷ​ങ്ങ​ളു​മാ​യി ഗ​ൾ​ഫി​ൽ​നി​ന്ന്​ ആ​ദ്യ​മാ​യി പ്ര​ക്ഷേ​പ​ണം ചെ​യ്തു​തു​ട​ങ്ങി​യ റേ​ഡി​യോ ചാ​ന​ൽ ‘റേ​ഡി​യോ ഏ​ഷ്യ’ ഇ​നി​യി​ല്ല. ഫെ​ബ്രു​വ​രി 29ന്​ ​പ്ര​ക്ഷേ​പ​ണം അ​വ​സാ​നി​പ്പി​ച്ച​താ​യി അ​ണി​യ​റ​പ്ര​വ​ർ​ത്ത​ക​ർ പ്രേ​ക്ഷ​ക​സ​മൂ​ഹ​ത്തെ അ​റി​യി​ക്കു​ക​യാ​യി​രു​ന്നു. 1992ൽ ​ഒ​രു മ​ണി​ക്കൂ​ർ പ​രി​പാ​ടി​ക​ളോ​ടെ 1152 എ.​എം ഫ്രീ​ക്വ​ൻ​സി​യി​ലൂ​ടെ തു​ട​ക്കം​കു​റി​ച്ച റേ​ഡി​യോ ചാ​ന​ലി​ന്​ മ​റ്റു ഗ​ൾ​ഫ് നാ​ടു​ക​ളി​ലും ശ്രോ​ദ്ധാ​ക്ക​ളു​ണ്ടാ​യി​രു​ന്നു. മ​ല​യാ​ള​പ​ത്ര​ങ്ങ​ളും ടെ​ലി​വി​ഷ​ൻ ചാ​ന​ലു​ക​ളും സ​ജീ​വ​മ​ല്ലാ​ത്ത കാ​ല​ത്ത് നാ​ട്ടി​ലെ വാ​ർ​ത്ത​ക​ളും വി​നോ​ദ പ​രി​പാ​ടി​ക​ളും പ്ര​വാ​സി​ക​ൾ​ക്ക് എ​ത്തി​ച്ചു​ന​ൽ​കി​യ ‘റേ​ഡി​യോ ഏ​ഷ്യ’​ക്ക്​ ശ്രോ​താ​ക്ക​ളേ​റെ​യാ​യി​രു​ന്നു.

കാ​സ​ർ​കോ​ട് സ്വ​ദേ​ശി​യാ​യ ബ​ശീ​ർ അ​ബ്ദു​ല്ല​യും ചേ​ന്ദ​മം​ഗ​ലൂ​ർ സ്വ​ദേ​ശി കെ.​ടി. അ​ബ്ദു​റ​ബ്ബും ഇ.​എം. ഹാ​ശി​മും ചേ​ർ​ന്നാ​ണ് റാ​സ​ൽ​ഖൈ​മ​യി​ൽ​നി​ന്നു​ള്ള മ​ല​യാ​ളം റേ​ഡി​യോ പ​രി​പാ​ടി​ക്ക് തു​ട​ക്കം​കു​റി​ച്ച​ത്. പി​ന്നീ​ട് കെ.​പി. അ​ബ്ദു​ല്ല​യു​ടെ ഉ​ട​മ​സ്ഥ​ത​യി​ലു​ള്ള അ​വ​താ​ർ സ്റ്റു​ഡി​യോ​യും ശേ​ഷം ദു​ബൈ ആ​സ്ഥാ​ന​മാ​യ ഡോ​ൾ​ഫി​ൻ ഗ്രൂ​പ്പു​മാ​ണ് റേ​ഡി​യോ ന​ട​ത്തി​യി​രു​ന്ന​ത്. ആ​കാ​ശ​വാ​ണി​യി​ലും നാ​ട​ക​രം​ഗ​ത്തും പ​യ​റ്റി​ത്തെ​ളി​ഞ്ഞ കെ.​പി.​കെ വെ​ങ്ങ​ര, വെ​ട്ടൂ​ർ ജി. ​ശ്രീ​ധ​ര​ൻ എ​ന്നി​വ​രു​ടെ നേ​തൃ​ത്വം റേ​ഡി​യോ പ​രി​പാ​ടി​ക​ളി​ലേ​ക്ക് പ്ര​വാ​സി​ക​ളെ ആ​ക​ർ​ഷി​ച്ചു. മാ​ധ്യ​മ​രം​ഗ​ത്ത് ഇ​ന്നും ഗ​ൾ​ഫി​ൽ സ​ജീ​വ​മാ​യി നി​ൽ​ക്കു​ന്ന നി​സാ​ർ സൈ​ദ്, ഹി​ഷാം അ​ബ്ദു​സ്സ​ലാം എ​ന്നി​വ​രു​ടെ വേ​റി​ട്ട ശൈ​ലി​യി​ലു​ള്ള വാ​ർ​ത്താ​വ​ത​ര​ണ​ങ്ങ​ൾ റേ​ഡി​യോ ഏ​ഷ്യ​യെ പ്ര​വാ​സ​സ​മൂ​ഹ​ത്തി​ൽ വേ​രു​റ​പ്പി​ച്ചു.

നാ​ട​ക​കൃ​ത്ത് സൂ​ര​ജ്, അ​വ​താ​ര​ക​രാ​യ ഗാ​യ​ത്രി, ജ​യ​ല​ക്ഷ്മി, ദീ​പ, സി​നി​മാ​താ​ര​മാ​യി മാ​റി​യ ആ​ശ ശ​ര​ത്, സ​ലി​ൻ മാ​ങ്കു​ഴി, രാ​ജീ​വ് കോ​ടം​പ​ള്ളി, രാ​ജീ​വ് ചെ​റാ​യി, ധ​ന്യ ല​ക്ഷ്മി, ച​ന്തു തു​ട​ങ്ങി​യ റേ​ഡി​യോ ഏ​ഷ്യ ക​ലാ​കാ​ര​ന്മാ​ർ ഒ​രു​കാ​ല​ത്ത്​ പ്ര​വാ​സി മ​ല​യാ​ളി​ക​ൾ​ക്കി​ട​യി​ൽ സി​നി​മാ​താ​ര​ങ്ങ​ളെ​പ്പോ​ലെ പ്ര​ശ​സ്ത​രാ​യി​രു​ന്നു. 1997ലാ​ണ് റേ​ഡി​യോ ഏ​ഷ്യ എ​ന്ന പേ​രി​ൽ പ​രി​പാ​ടി​ക​ൾ ആ​രം​ഭി​ച്ച​ത്. 1152, 1575 , 1269 എ​ന്നീ എ.​എം ഫ്രീ​ക്വ​ൻ​സി​ക​ളി​ലും 94.7 എ​ഫ്.​എം ഫ്രീ​ക്വ​ൻ​സി​യി​ലും റേ​ഡി​യോ ഏ​ഷ്യ പ്ര​വ​ർ​ത്തി​ച്ചി​രു​ന്നു. 32 വ​ർ​ഷം പ്ര​വാ​സി​ക​ളു​ടെ നി​ത്യ​ജീ​വി​ത​ത്തി​ന്‍റെ ഭാ​ഗ​മാ​യ ‘റേ​ഡി​യോ ഏ​ഷ്യ’ തി​ര​ശ്ശീ​ല​ക്ക്​ പി​ന്നി​ലേ​ക്കു​ മ​റ​യു​ന്ന​തോ​ടെ ക​ട​ലി​നി​ക്ക​രെ മ​ല​യാ​ള മാ​ധ്യ​മ ച​രി​ത്ര​ത്തി​ന്‍റെ ഒ​രു ഘ​ട്ടം​കൂ​ടി​യാ​ണ്​ അ​വ​സാ​നി​ക്കു​ന്ന​ത്.