അമിത ശബ്​ദമുണ്ടാക്കുന്ന വാഹനങ്ങൾ കണ്ടെത്താൻ ഷാർജയിൽ റഡാർ

ഷാർജ: ഷാർജയിലെ റോഡുകളിലൂടെ അമിത ശബ്​ദമുണ്ടാക്കി പായുന്ന വാഹനങ്ങൾക്ക്​ ഇനി പിടിവീഴും. അനുവദനീയമായതിലും കൂടുതൽ ശബ്​ദം പുറപ്പെടുവിക്കുന്നത്​ ക​െണ്ടത്താൻ പ്രത്യേക റഡാർ സ്​ഥാപിച്ചിരിക്കുകയാണ്​ പൊലീസ്​.​ ശബ്​ദം കൂടുതൽ പുറപ്പെടുവിക്കുന്ന വാഹനങ്ങൾ കണ്ടെത്താൻ ഇൗ റഡാറുകൾക്ക്​ സാധിക്കും. വീഡിയോ, ഒാഡിയോ തെളിവുകളും ശേഖരിക്കും. 95 ഡെസിബെല്ലിൽ കൂടുതല ശബ്​ദം പുറപ്പെടുവിക്കുന്ന വാഹനങ്ങൾക്ക്​ 2000 ദിർഹം പിഴ ചുമത്തും. ഒപ്പം 12 ബ്ലാക്​ പോയൻറും നൽകും.

ആറ്​ മാസം വരെ വാഹനം തടഞ്ഞുവെക്കാനും നിയമം നിർദേശിക്കുന്നുണ്ട്​. ജനങ്ങളുടെ സമാധാന ജീവിതം ഉറപ്പാക്കനാണ്​ ഇൗ നടപടിയെന്ന്​ പൊലീസ്​ വ്യക്തമാക്കി. ഷാർജ പൊലീസ്​ കമാൻറർ ഇൻ ചീഫ്​ മേജർ ജനറൽ സൈഫ്​ സിരി അൽ ശംസിയാണ്​ പദ്ധതി ഉദ്​ഘാടനം ചെയ്​തത്​. ഭാവിയിൽ എമിറേറ്റി​​െൻറ വിവിധ ഭാഗങ്ങളിൽ ഇത്തരം ഉപകരണങ്ങൾ സ്​ഥാപിക്കുമെന്നും പൊലീസ്​ അറിയിച്ചു.