ആ​ത്​​മീ​യ​ത​യു​ടെ ഖു​ർ​ആ​നി​ക്​ പാ​ർ​ക്ക്

വി​ശു​ദ്ധ മാ​സ​ത്തി​ൽ ക​ടു​ത്ത വി​നോ​ദ​ങ്ങ​ളി​ലേ​ക്ക്​ പോ​കാ​ൻ മ​ടി​ക്കു​ന്ന​വ​രാ​ണ്​ വി​ശ്വാ​സി​ക​ളി​ൽ ന​ല്ലൊ​രു ശ​ത​മാ​ന​വും. എ​ന്നാ​ൽ, കു​ടും​ബ സ​മേ​തം പു​റ​ത്തു​പോ​ക​ണ​മെ​ന്നും ഒ​രു​മി​ച്ച്​ കൂ​ട​ണ​മെ​ന്നും ആ​ഗ്ര​ഹി​ക്കു​ന്ന​വ​രു​മു​ണ്ട്. റ​മ​ദാ​ന്‍റെ വി​ശു​ദ്ധി ചോ​രാ​തെ കു​ടും​ബ സ​മേ​തം ആ​സ്വ​ദി​ക്കാ​നും ഒ​രു​മി​ച്ച്​ ചേ​രാ​നും ക​ഴി​യു​ന്ന സ്ഥ​ല​മാ​ണ്​ ദു​ബൈ​യി​​ലെ ഖു​ർ​ആ​നി​ക്​ പാ​ർ​ക്ക്. സ​ദാ​സ​മ​യം ഖു​ർ​ആ​ൻ വ​ച​ന​ങ്ങ​ൾ മു​ഴ​ങ്ങു​ന്ന അ​ന്ത​രീ​ക്ഷ​ത്തി​ൽ മ​ന​സി​ന്​ ശാ​ന്തി​യേ​കാ​നും ആ​ത്​​മീ​യ ചി​ന്ത​ക​ളി​ൽ മു​ഴു​കാ​നും അ​വ​സ​ര​മൊ​രു​ക്കു​ന്ന ശാ​ന്ത​സു​ന്ദ​ര​മാ​യ സ്ഥ​ലം. വൈ​കു​ന്നേ​ര​ങ്ങ​ളി​ൽ കു​ടും​ബ സ​മേ​തം ഭ​ക്ഷ​ണ​വു​മാ​യെ​ത്തി നോ​മ്പു​തു​റ​ന്ന്​ മ​ട​ങ്ങു​ന്ന​വ​രും കു​റ​വ​ല്ല.

ഖു​ർ​ആ​ന്‍റെ സ​ന്ദേ​ശം ലോ​ക​ത്തി​ന്​ പ​ക​ർ​ന്ന്​ ന​ൽ​കാ​ൻ ആ​രം​ഭി​ച്ച നി​ര​വ​ധി സം​രം​ഭ​ങ്ങ​ളി​ൽ ഒ​ന്നാ​ണ്​ ഖു​ർ​ആ​നി​ക്​ പാ​ർ​ക്ക്. ഖ​വാ​നീ​ജി​ലെ 60 ഹെ​ക്ട​റി​ൽ 2019 മാ​ർ​ച്ചി​ലാ​ണ്​ പാ​ർ​ക്ക്​ തു​റ​ന്ന​ത്. ആ​ദ്യ വ​ർ​ഷം മാ​ത്രം 10 ല​ക്ഷം പേ​ർ ഇ​വി​ടെ​യെ​ത്തി. എ​ല്ലാ മ​ത​ത്തി​ലു​മു​ള്ള​വ​ർ എ​ത്തു​ന്നു എ​ന്ന​താ​ണ്​ പ്ര​ത്യേ​ക​ത. ഇ​ത​ര മ​ത​സ്ഥ​ർ​ക്ക്​ ഇ​സ്​​ലാ​മി​നെ കു​റി​ച്ചും ഖു​ർ​ആ​നെ കു​റി​ച്ചും കൂ​ടു​ത​ൽ അ​റി​യാ​ൻ പാ​ർ​ക്ക്​ സ​ഹാ​യി​ക്കും. പ്ര​വാ​ച​ക ച​രി​തം പ​റ​യു​ന്ന ഗു​ഹ, ​ഖു​ർ​ആ​നി​ലെ ​സ​സ്യ​ങ്ങ​ൾ പ​രി​ച​യ​പ്പെ​ടു​ത്തു​ന്ന ഗ്ലാ​സ്​ ഹൗ​സ്​ തു​ട​ങ്ങി​യ​വ ഇ​വി​ടെ കാ​ണാം. മ​നു​ഷ്യ​രെ ദൈ​വാ​നു​ഗ്ര​ഹ​ങ്ങ​ളെ കു​റി​ച്ച്​ ഓ​ർ​മി​പ്പി​ക്കു​ന്ന വ​ച​ന​ങ്ങ​ൾ സ​ദാ​സ​മ​യം ഇ​വി​ടെ മു​ഴ​ങ്ങി​ക്കൊ​ണ്ടി​രി​ക്കും. ഖു​ർ​ആ​നെ കു​റി​ച്ച്​ ഗ​വേ​ഷ​ണം ന​ട​ത്തു​ന്ന​വ​രു​ടെ പ്രി​യ​പ്പെ​ട്ട കേ​ന്ദ്രം കൂ​ടി​യാ​ണ്​ ഖു​ർ​ആ​നി​ക്​ പാ​ർ​ക്ക്. പ്ര​വേ​ശ​നം സൗ​ജ​ന്യ​മാ​ണ്.

എ​ന്നാ​ൽ, പാ​ർ​ക്കി​നു​ള്ളി​ലെ ഗ്ലാ​സ്​ ഹൗ​സി​ലും ​ഗു​ഹ​യി​ലും പ്ര​വേ​ശി​ക്ക​ണ​മെ​ങ്കി​ൽ അ​ഞ്ച്​ ദി​ർ​ഹം ന​ൽ​ക​ണം. ആ​ർ.​ടി.​എ​യു​ടെ നോ​ൾ​കാ​ർ​ഡ്​ ഉ​പ​യോ​ഗി​ച്ചും പ​ണം അ​ട​ക്കാം. രാ​ത്രി ഒ​മ്പ​ത്​ വ​രെ​യാ​ണ്​ പ്ര​വ​ർ​ത്ത​നം. സ​ഞ്ചാ​രി​ക​ളെ ആ​ത്മീ​യ​ത​യു​ടെ പു​തി​യ ത​ല​ങ്ങ​ളി​ലേ​ക്ക് ഉ​യ൪​ത്തു​ന്ന​താ​ണ്​ ഈ ​പാ​ർ​ക്ക്.

ഗ്ലാ​സ്​ ഹൗ​സ്: ​

പ്ര​കൃ​തി​യെ സ​മ​ഗ്ര​മാ​യി അ​വ​ത​രി​പ്പി​ക്കു​ന്ന ഗ്ര​ന്ഥ​മാ​ണ്​ ഖു​ർ​ആ​ൻ. വി​ശു​ദ്ധ ഗ്ര​ന്ഥ​ത്തി​ൽ പ​രാ​മ​ർ​ശി​ക്കു​ന്ന 29 സ​സ്യ​ങ്ങ​ളാ​ണ്​ ഗ്ലാ​സ്​ ഹൗ​സി​ൽ ഒ​രു​ക്കി​യി​രി​ക്കു​ന്ന​ത്. പൂ​ർ​ണ​മാ​യും എ​യ​ർ ക​ണ്ടീ​ഷ​ൻ ചെ​യ്ത കൂ​റ്റ​ൻ ഗ്ലാ​സ്​ ഹൗ​സി​ൽ ഇ​വ​യെ ന​ട്ടു​ന​ന​ച്ച്​ പ​രി​പാ​ലി​ക്കു​ക​യാ​ണ്. ഹ​ദീ​സി​ൽ പ​രാ​മ​ർ​ശി​ക്കു​ന്ന ചെ​ടി​ക​ളും പ​ഴ​ങ്ങ​ളു​മെ​ല്ലാം ഇ​വി​ടെ കാ​ണാം. ഒ​ലീ​വ്, ചോ​ളം, വെ​ളു​ത്തു​ള്ളി, സ​വാ​ള, ബാ൪​ലി, ഗോ​ത​മ്പ്, ഇ​ഞ്ചി, മ​ത്ത​ങ്ങ, ത​ണ്ണി​മ​ത്ത​ൻ, ഏ​ത്ത​പ്പ​ഴം, ക​ക്ക​രി തു​ട​ങ്ങി​യ​വ​യെ​ല്ലാം ഇ​തി​ലു​ണ്ട്. ഈ ​സ​സ്യ​ങ്ങ​ളെ​ല്ലാം എ​ന്തു​കൊ​ണ്ടാ​ണ് ഖു൪​ആ​നി​ൽ പ​രാ​മ൪​ശി​ക്ക​പ്പെ​ട്ട​ത് എ​ന്ന് സ​ന്ദ൪​ശ​ക൪​ക്ക് മ​ന​സി​ലാ​ക്കാ​വു​ന്ന രീ​തി​യി​ലാ​ണ്​ സ​ജ്ജീ​ക​ര​ണം.

ച​രി​ത്രം പ​റ​യു​ന്ന ഗു​ഹ:

ഏ​ഴ്​ പ്ര​വാ​ച​ക​ൻ​മാ​രു​ടെ ച​രി​ത്രം പ​റ​യു​ന്ന ഗു​ഹ​യും ഖു​ർ​ആ​നി​ക്​ പാ​ർ​ക്കി​ന്‍റെ സ​വി​ശേ​ഷ​ത​യാ​ണ്. ഇ​രു​ൾ നി​റ​ഞ്ഞ ഗു​ഹ​യി​ൽ പ്രൊ​ജ​ക്ട​ർ ഉ​പ​യോ​ഗി​ച്ചാ​ണ്​ ച​രി​ത്രം പ​റ​ഞ്ഞു​ത​രു​ന്ന​ത്. പ്ര​വാ​ച​ക​ൻ​മാ​രു​ടെ ജീ​വി​ത​ത്തി​ലെ അ​ത്​​ഭു​ത കൃ​ത്യ​ങ്ങ​ളെ കു​റി​ച്ചാ​ണ്​ വി​വ​രി​ക്കു​ന്ന​ത്.

പ്ര​വാ​ച​ക​ൻ​മാ​രു​മാ​യി ബ​ന്ധ​പ്പെ​ട്ട ഏ​ഴ്​ വി​സ്മ​യ​ങ്ങ​ൾ ഇ​വി​ടെ പ​രി​ച​യ​പ്പെ​ടാം. സു​ലൈ​മാ​ൻ ന​ബി​യു​ടെ സ​ന്ദേ​ശ​വു​മാ​യി കു​ഴു​കു​ത്തി പ​ക്ഷി ബ​ൽ​ക്കീ​സ്​ രാ​ജ്​​ഞി​ക്ക​രി​കി​ലേ​ക്ക്​ പ​റ​ന്ന​തും മു​ഹ​മ്മ​ദ്​ ന​ബി ച​ന്ദ്ര​നെ ര​ണ്ടാ​യി പി​ള​ർ​ത്തി​യ​തു​മെ​ല്ലാം സ്ക്രീ​നി​ൽ ച​രി​ത്ര​മാ​യി തെ​ളി​യും. സം​ശ​യ​ങ്ങ​ളു​ണ്ടെ​ങ്കി​ൽ പ​റ​ഞ്ഞു​ത​രാ​ൻ ഗൈ​ഡു​ക​ളു​മു​ണ്ട്.

ഖു​ർ​ആ​നി​ൽ പ​രാ​മ​ർ​ശി​ച്ച ത​ടാ​കം ഖു​ർ​ആ​നി​ക്​ പാ​ർ​ക്കി​ൽ പ്ര​തീ​കാ​ത്​​മ​ക​മാ​യി ഒ​രു​ക്കി​യി​ട്ടു​ണ്ട്. ഫി​ർ​അൗ​ന്‍റെ സൈ​ന്യം വ​ള​ഞ്ഞ​പ്പോ​ൾ മൂ​സാ ന​ബി കൈ​യി​ലു​ണ്ടാ​യി​രു​ന്ന വ​ടി​കൊ​ണ്ട്​ ര​ണ്ടാ​യി പി​ള​ർ​ത്തി​യ ത​ടാ​ക​മാ​ണ്​ പ്ര​തീ​കാ​ത്​​മ​ക​മാ​യി സൃ​ഷ്ടി​ച്ചി​രി​ക്കു​ന്ന​ത്. പാ​ർ​ക്കി​ന്​ ചു​റ്റും ജോ​ഗി​ങ്​ ട്രാ​ക്കും സൈ​ക്കി​ൾ ട്രാ​ക്കും ഒ​രു​ക്കി​യി​രി​ക്കു​ന്നു.