പാരായണ മാധുര്യത്തിൽ ധന്യമായി ഖുർആൻ അവാർഡ്​ വേദി

ദുബൈ: ലോകത്തെ ഏറ്റവും ശ്രദ്ധേയമായ ഖുർആൻ പാരായണ മത്സരമായി മാറിയ ദുബൈ അന്താരാഷ്​ട്ര ഹോളി ഖുർആൻ അവാർഡി​​​െൻറ 22ാം അധ്യായത്തിൽ വിജ്​ഞാനത്തി​​​െൻറയും പാരായണത്തി​​​െൻറയും ധന്യതയാർന്ന രാപ്പകലുകൾ. ദുബൈ ചേംബർ ഹാളിലും ദുബൈ വിമൺസ്​ അസോസിയേഷൻ ഹാളിലുമായി സംഘടിപ്പിച്ച പ്രഭാഷണ പരിപാടികളിൽ ആയിരങ്ങളാണ്​ ഒത്തുചേർന്നത്​.  അൽവാസൽ ക്ലബിൽ മൂന്ന്​ മലയാളി പണ്ഡിതരുടെ പ്രഭാഷണങ്ങൾ ഇതിനകം നടന്നു. വരും ദിവസങ്ങളിൽ രണ്ട്​ പ്രഭാഷണങ്ങൾ കൂടി സംഘടിപ്പിക്കപ്പെടും.

ഖുർആൻ മനപാഠമാക്കി നൂറിലേറെ രാജ്യങ്ങളിൽ നിന്നെത്തിയ മിടുക്കരുടെ ​പാരായണ പരിപാടികൾ തുടരുകയാണ്​. ഇന്ത്യയെ പ്രതിനിധീകരിക്കുന്ന മലയാളി വിദ്യാർഥി മുഹമ്മദ്​ റോഷൻ ഇന്ന്​ ഖുർആൻ പാരായണം നിർവഹിക്കും.  ഇന്ത്യൻ പ്രതിനിധിയുടെ പാരായണം കേൾക്കാൻ ദുബൈ ഇന്ത്യൻ കോൺസുൺസിലേറ്റിലെ  ഉദ്യോഗസ്ഥരും  വിവിധ വകുപ്പ്​ മേധാവികളും എത്തും. ശക്​തമായ മത്സരമാണ്​ നടക്കുന്നതെന്നും ഒാരോ മത്സരാർഥിയും മികച്ച രീതിയിൽ ഖുർആൻ ഹൃദിസ്​ഥമാക്കി മനോഹരമായ ഇൗണത്തിലാണ്​ പാരായണം നിർവഹിക്കുന്നതെന്ന്​ ദുബൈ ഭരണാധികാരിയുടെ സാംസ്​കാരിക-ജീവകാരുണ്യ ഉപദേഷ്​ടാവും ദിഹ്​ഖ സംഘാടക സമിതി മേധാവിയുമായ ഇബ്രാഹിം മുഹമ്മദ്​ ബു മിൽഹ വ്യക്​തമാക്കി.

104 മത്സരാർഥികളിൽ 35 ഒാളം പേർ ഇതിനകം പാരായണം നടത്തിക്കഴിഞ്ഞു. വേണ്ടത്ര യോഗ്യതയില്ലാത്ത നാല്​ മത്സരാർഥികളെ ഒഴിവാക്കേണ്ടി വന്നു. നാമനിർദേശം ചെയ്യുന്ന രാജ്യങ്ങൾ മാനദണ്​ഡങ്ങൾ കൃത്യമായി പാലിച്ചുവേണം മത്സരാർഥികളെ അയക്കാൻ എന്നും അദ്ദേഹം ഒാർമിപ്പിച്ചു. 
ലോകത്തി​​​െൻറ വിവിധ ഭാഗങ്ങളിൽ നടക്കുന്ന ഖുർആൻ അവാർഡുകളിലെ ജേതാക്കൾക്കായി ആഗോളതല മത്സരം സംഘടിപ്പിക്കണമെന്ന നിർദേശം പരിശോധിച്ചു വരികയാണെന്നും  ബുമിൽഹ പറഞ്ഞു. വിവിധ രാജ്യങ്ങളുടെ അംബാസഡർമാർ, ​​ഫ്ലോറ ഗ്രൂപ്പ്​ ചെയർമാൻ അഹ്​മദ്​ ഹസ്സൻ, അഹ്​മദ്​ നിയാസി തുടങ്ങിയവർ കഴിഞ്ഞ ദിവസത്തെ പരിപാടിയിൽ സംബന്ധിച്ചു.