ഖുർആൻ പാരായണം പരിശീലിക്കാൻ ഒൗഖാഫി​െൻറ ക്ലാസുകൾ 

അബൂദബി:  കളിചിരികൾക്കും കായികാഭ്യാസ പരിശീലനത്തിനുമൊപ്പം ഖുർആൻ പഠനത്തിനും പറ്റിയ സമയമാണ്​ അവധിക്കാലം. അറബി ഒട്ടും അറിയാത്ത കുഞ്ഞുങ്ങളെയും അക്ഷരങ്ങൾ വായിക്കാനും മധുരമായി പാരായണം ചെയ്യാനും പരിശീലിപ്പിക്കുന്ന ക്ലാസുകൾ മതകാര്യ വകുപ്പി​​​െൻറ ആഭിമുഖ്യത്തിൽ വിവിധ മസ്​ജിദുകളും ഹിഫ്​സ്​ സ​​െൻററുകളും കേന്ദ്രീകരിച്ച്​ നടത്തുന്നു. 

198 ഇടങ്ങളിലാണ്​ ക്ലാസുകൾ. ആറിനും 18നും ഇടയിൽ പ്രായമുള്ളവർക്കാണ്​ ​പ്രവേശനം. വൈകീട്ട്​ നാലു മുതൽ ഏഴുവരെയാണ്​ ക്ലാസുകൾ. പ​​െങ്കടുക്കാൻ താൽപര്യമുള്ളവർക്ക്​ ജൂലൈ 27 വരെ പേരു നൽകാം. ഖുർആന്​ പുറമെ സ്വഭാവ സംസ്​കരണം, പ്രവാചക ചര്യ, സഹജീവി സ്​നേഹം എന്നിവ സംബന്ധിച്ച പാഠങ്ങളും കുട്ടികൾക്ക്​ ലഭിക്കും.   വീടുകളിൽ നിന്ന്​ പാഠശാലകളിലേക്ക്​ സൗജന്യ ഗതാഗത സൗകര്യവും ഒരുക്കും. പള്ളികളിൽ നിന്നും www.awqaf.gov.ae എന്ന സൈറ്റിലും 80029723 എന്ന നമ്പറിലും വിവരങ്ങൾ ലഭിക്കും.